Daniyeli 7:8 - Bibiliya Ijambo ry'imana

⁸ Ngitekereza kuri ayo mahembe, mbona irindi hembe rito rimerera mu yandi maze atatu muri yo arakuka. Iryo hembe rito ryari rifite amaso nk'ay'umuntu n'akanwa kavugaga amagambo y'ubwirasi.

Bibiliya Yera

⁸ Nitegereje ayo mahembe mbona muri yo hameze irindi hembe ritoya. Imbere yaryo hakurwa amahembe atatu mu yari asanzwe, kandi kuri iryo hembe mbonaho amaso asa n'ay'umuntu, n'akanwa kavuga ibikomeye.

Bibiliya Ijambo ry'imana D

⁸ Ngitekereza kuri ayo mahembe, mbona irindi hembe rito rimerera mu yandi maze atatu muri yo arakuka. Iryo hembe rito ryari rifite amaso nk'ay'umuntu n'akanwa kavugaga amagambo y'ubwirasi.

Daniyeli 7:8 Iomraidhean Croise

Zaburi 12:3

Umuntu akinga mugenzi we ukuri, akamubwiza akarimi keza kuzuye uburyarya.

Daniyeli 11:36

“Wa mwami azajya akora icyo yishakiye, azishyira hejuru yikomeze kuruta imana zose, ndetse azasebya n'Imana nyamana ku buryo bukabije. Azabikora kugeza ubwo uburakari bwe buzaba bushize, kuko Imana yari yaremeje ko bizagenda bityo.

Daniyeli 7:19

Nuko nshaka gusobanukirwa ukuri kwerekeye igikōko cya kane cyari gitandukanye rwose n'ibindi uko ari bitatu, cyari gikanganye cyane kandi gifite n'imikaka y'icyuma n'inzara z'umuringa, cyaryaga umuhīgo kikawuhekenya, ibisigazwa kikabiribata.

2 Abatesalonike 2:4

Uwo ni we urwanya icyo abantu bita imana cyose n'icyo basenga cyose, akishyira hejuru yabyo ku buryo yicara mu Ngoro y'Imana, akigira Imana.

2 Timoteyo 3:2

Abantu bazaba bikunda, bakunda ifaranga, birata, bikuza, batuka Imana, batumvira ababyeyi. Bazaba ari indashima, batubaha Imana,

2 Petero 2:18

Bavuga ibigambo by'ubwirasi bitagira icyo bimara. Bareshya abantu bakoresha irari baterwa na kamere yabo, kugira ngo bagushe mu mutego abamaze igihe gito bitandukanyije n'abanambye mu buyobe.

Yuda 1:16

Abo bantu bahora bijujuta kandi binuba, bagengwa n'irari ryabo. Bahora mu magambo y'ubwirasi, kandi bakaryoshyaryoshya abo bashakaho inyungu.

Ibyahisuwe 13:1

Nyuma mbona igikōko giturumbutse mu nyanja. Cyari gifite imitwe irindwi n'amahembe icumi. Buri hembe ryari ritamirijeho ikamba, naho kuri buri mutwe handitswe izina rituka Imana.

Ibyahisuwe 9:7

Izo nzige zasaga n'amafarasi yiteguye kujya ku rugamba. Ku mitwe yazo wagira ngo zari zambaye amakamba y'izahabu, naho mu maso zari ziteye nk'abantu.

1 Samweli 2:3

“Ntimugasukiranye amagambo y'ubwirasi, ntimukavugane agasuzuguro, koko Uhoraho ni Imana izi byose, ni we uzi impamvu z'ibikorwa byose by'abantu.