Daniyeli 7:4 - Bibiliya Ijambo ry'imana

⁴ Icya mbere cyasaga n'intare, kandi gifite amababa nk'aya kagoma, ngiye kubona mbona bagikuyeho amababa, gihagarara ku maguru cyemye nk'umuntu kandi gihabwa ubwenge nk'ubw'umuntu.

Bibiliya Yera

⁴ Iya mbere yasaga n'intare, ifite amababa nk'ay'ikizu. Nyihanga amaso kugeza aho amababa yayo ashikurijwe igahagarikwa ku isi, ihagarika amaguru yemye nk'umuntu kandi ihabwa umutima nk'uw'umuntu.

Bibiliya Ijambo ry'imana D

⁴ Icya mbere cyasaga n'intare, kandi gifite amababa nk'aya kagoma, ngiye kubona mbona bagikuyeho amababa, gihagarara ku maguru cyemye nk'umuntu kandi gihabwa ubwenge nk'ubw'umuntu.

Daniyeli 7:4 Iomraidhean Croise

2 Samweli 1:23

Sawuli na Yonatani bari bafite igikundiro mu mibereho yabo, no mu rupfu rwabo ntibasiganye. Banyarukaga kurusha agaca, bagiraga imbaraga kurusha intare!

Yobu 25:6

kuri mwene muntu hacura iki, mwene muntu umeze nk'urunyo n'umunyorogoto?”

Zaburi 9:20

Uhoraho hagurukira abagome be gutsinda, abanyamahanga ubahe ibihano bibakwiye.

Yeremiya 25:38

Bagiye nk'intare itaye indiri yayo, igihugu cyabo kizaba umusaka, kizaba umusaka bitewe n'inkota y'umwanzi, bizaterwa n'inkota y'umwanzi n'uburakari bukaze bw'Uhoraho.

Yeremiya 4:13

Dore umwanzi aje nk'igicu, amagare ye y'intambara ariruka nka serwakira, amafarasi ye araguruka kurusha kagoma, tugushije ishyano turarimbutse!

Yeremiya 4:7

Intare ivumbutse aho yari yihishe, umurimbuzi w'amahanga arahagurutse, aje kurimbura igihugu cyanyu, imijyi yanyu izasigara ari amatongo, nta muntu uzayirangwamo.

Yeremiya 48:40

Uhoraho aravuga ati: “Dore igihugu kije gutera Mowabu, kimeze nka kagoma irambuye amababa yayo.

Yeremiya 49:19

Uhoraho aravuga ati: “Uko intare iturumbuka mu bihuru byo kuri Yorodani, uko iturumbuka igana mu rwuri rutoshye, ni na ko nzamenesha Abedomu mu gihugu cyabo mu kanya gato, nzagiha umuyobozi nzitoranyiriza. Ni nde wakwigereranya nanjye? Ni nde ushobora kundega? Ni nde mushumba wampangara?”

Amaganya 4:19

Abadutotezaga barihutaga cyane, barihutaga kurusha kagoma mu kirere. Mu misozi baratwirukankanaga, mu butayu baduciraga ibico.

Ezekiyeli 17:3

ubabwire ko jyewe Nyagasani Uhoraho mvuze nti: ‘Kagoma nini ifite amababa manini kandi maremare, n'ubwoya bwinshi bw'amabara anyuranye, yagiye ku bisi bya Libani igwa mu bushorishori bw'isederi,

Ezekiyeli 28:2

“Yewe muntu, bwira umwami wa Tiri ko jyewe Nyagasani Uhoraho mvuze nti: ‘Dore wishyize hejuru uvuga ko uri imana, ko ugenga izindi mana kandi uganje mu nyanja rwagati. Nyamara uri umuntu nturi imana, nubwo utekereza ko uri umunyabwenge nk'imana.

Ezekiyeli 28:9

Ubwo se uzongera kuvuga ko uri imana, igihe bazaba baje kukurimbura? Nyamara igihe uzaba uhanganye n'abo bicanyi, uzamenya ko uri umuntu buntu utari Imana.

Daniyeli 2:38

Yaguhaye gutegeka abantu n'inyamaswa n'inyoni aho biba hose, ikugira umutware wabyo byose, bityo ni wowe wa mutwe w'izahabu.

Daniyeli 7:12

Bya bikōko bindi byamburwa ububasha bwabyo, ariko byongererwa iminsi yo kubaho, kumara igihe byateganyirijwe.

Daniyeli 7:5

Igikōko cya kabiri cyo cyasaga n'ikirūra, mbona cyegutse uruhande rumwe, kandi mu mikaka yacyo hatambitse imbavu eshatu, barakibwira bati: “Ngaho rya inyama nyinshi!”

Matayo 24:28

“Aho intumbi izaba hose ni ho inkongoro zizakoranira.

Ivugururamategeko 28:49

Uhoraho azabateza ingabo ziturutse mu gihugu cya kure, zivuga ururimi mutumva, zize zihorera nka kagoma.

Ibyahisuwe 13:2

Icyo gikōko nabonye cyasaga n'ingwe. Amajanja yacyo yasaga n'ay'ikirūra, naho umunwa wacyo ugasa n'uw'intare. Cya kiyoka giha icyo gikōko ububasha bwacyo n'intebe yacyo ya cyami, n'ubushobozi bwacyo bukomeye.