Daniyeli 7:13 - Bibiliya Ijambo ry'imana

¹³ Nkomeza kubonekerwa nijoro, mbona usa n'umwana w'umuntu aje ku bicu byo ku ijuru. Mbona agana aho Uwabayeho ibihe byose yari ari, baramumushyikiriza.

Bibiliya Yera

¹³ “Hanyuma nkitegereza ibyo neretswe nijoro, mbona haje usa n'umwana w'umuntu aziye mu bicu byo mu ijuru, aza umujyo umwe asanga wa Mukuru nyir'ibihe byose, bamumugeza imbere.

Bibiliya Ijambo ry'imana D

¹³ Nkomeza kubonekerwa nijoro, mbona usa n'umwana w'umuntu aje ku bicu byo ku ijuru. Mbona agana aho Uwabayeho ibihe byose yari ari, baramumushyikiriza.

Daniyeli 7:13 Iomraidhean Croise

Zaburi 110:2

Uhoraho nashimangire ingoma yawe, ayagūre ahereye i Siyoni, nawe ngaho ganza abanzi bawe.

Zaburi 2:8

Ngaho nsaba nzaguha amahanga yose ho umunani, uzayategeke ugeze ku mpera z'isi.

Zaburi 47:5

Twebwe abakomoka kuri Yakobo, Uhoraho yaradukunze, yadutoranyirije igihugu akiduha ho umunani udutera ishema. Kuruhuka.

Yeremiya 49:19

Uhoraho aravuga ati: “Uko intare iturumbuka mu bihuru byo kuri Yorodani, uko iturumbuka igana mu rwuri rutoshye, ni na ko nzamenesha Abedomu mu gihugu cyabo mu kanya gato, nzagiha umuyobozi nzitoranyiriza. Ni nde wakwigereranya nanjye? Ni nde ushobora kundega? Ni nde mushumba wampangara?”

Ezekiyeli 1:26

Hejuru y'igisa n'igisenge hari ikintu kimeze nk'ibuye rya safiro, gikozwe nk'intebe ya cyami. Kuri iyo ntebe ahagana hejuru hari igisa n'umuntu.

Daniyeli 2:44

“Ku ngoma z'abo bami, Imana nyir'ijuru izashyiraho ubwami buzahoraho ntibuhangūke kandi nta wuzabwigarurira. Ubwo bwami buzarimbura butsembe ubundi bwami bwose bwabubanjirije, maze bwo buhoreho iteka ryose.

Daniyeli 7:12

Bya bikōko bindi byamburwa ububasha bwabyo, ariko byongererwa iminsi yo kubaho, kumara igihe byateganyirijwe.

Daniyeli 7:2

uko byakurikiranye: mu ibonekerwa ryanjye nijoro ndyamye, nabonye imiyaga iturutse impande zose ihungabanya inyanja ngari.

Daniyeli 7:22

Ariko Uwabayeho ibihe byose atabara intore ze, arazirenganura. Igihe kigeze zima ingoma.

Daniyeli 7:9

Nkomeza kureba mbona batera intebe za cyami, Uwabayeho ibihe byose aricara. Imyambaro ye yarereranaga nk'inyange, umusatsi we wasaga n'ubwoya bw'intama bwera, intebe ye ya cyami yari ibirimi by'umuriro, inziga zayo zagurumanaga nk'umuriro.

Daniyeli 8:15

Nkitegereza ibyo neretswe kandi nkigerageza kubisobanukirwa, mbona usa n'umuntu ahagaze imbere yanjye.

Matayo 13:41

Umwana w'umuntu azatuma abamarayika be, batoratore abatera abandi gukora ibyaha n'inkozi z'ibibi, babakure mu bwami bwe

Matayo 24:30

Ubwo ni bwo mu ijuru hazagaragara ikimenyetso kiranga ukuza k'Umwana w'umuntu. Amoko yose yo ku isi azacura imiborogo, maze abone Umwana w'umuntu aje ku bicu byo ku ijuru, afite ububasha n'ikuzo byinshi.

Matayo 25:31

“Igihe Umwana w'umuntu azaza afite ikuzo ashagawe n'abamarayika bose, azicara ku ntebe ya cyami afite ikuzo rimukwiriye.

Matayo 26:64

Yezu aramusubiza ati: “Urabyivugiye. Byongeye kandi reka mbabwire, bidatinze muzabona Umwana w'umuntu yicaye ku ntebe ya cyami iburyo bw'Imana Nyirububasha, munamubone aje ku bicu byo ku ijuru.”

Matayo 28:18

Yezu arabegera arababwira ati: “Nahawe ubushobozi kuri byose mu ijuru no ku isi.

Matayo 8:20

Yezu aramubwira ati: “Za nyiramuhari zigira amasenga zibamo, n'inyoni zigira ibyari, nyamara Umwana w'umuntu ntagira aho aruhukira.”

Mariko 13:26

Ubwo ni bwo abantu bazabona Umwana w'umuntu aje mu bicu, afite ububasha bwinshi n'ikuzo.

Luka 21:27

Ubwo ni bwo bazabona Umwana w'umuntu aje mu gicu, afite ububasha n'ikuzo ryinshi.

Luka 21:36

Nuko rero murabe maso, muhore musenga kugira ngo muzabashe kurokoka ibyo byose byenda kuba, no guhagarara imbere y'Umwana w'umuntu.”

Luka 24:27

Nuko ahera ku bitabo bya Musa no ku by'abahanuzi bose, abasobanurira ibimwerekeyeho akoresheje Ibyanditswe byose.

Yohana 12:34

Noneho rubanda baramubwira bati: “Twumvise mu gitabo cy'Amategeko ko Kristo ahoraho ibihe byose. None se uvuga ute ko Umwana w'umuntu azagomba gushyirwa hejuru? Mbese uwo Mwana w'umuntu ni nde?”

Yohana 3:13

Nta wigeze azamuka ngo ajye mu ijuru, keretse uwamanutse ava mu ijuru ari we Mwana w'umuntu.

Yohana 5:27

amuha n'ubushobozi bwo guca imanza kuko ari Umwana w'umuntu.

Ibyakozwe 7:56

Aravuga ati: “Dore ndareba ijuru rikinguye, n'Umwana w'umuntu ahagaze iburyo bw'Imana.”

1 Abatesalonike 4:17

Nyuma natwe abazaba bakiriho duhite tuzamuranwa na bo mu bicu, dusanganire Nyagasani mu kirere maze tuzabane na we iteka ryose.

1 Timoteyo 6:16

Ni yo yonyine ihoraho ituye mu mucyo utegerwa, nta muntu wigeze ayibona kandi ntawe ubasha kuyibona. Ikuzo n'ububasha buhoraho bibe ibyayo. Amina.

Abeheburayo 2:14

Ubwo rero abo yagize abana bayo bahūzwa no kugira umubiri n'amaraso, Yezu na we ubwe yabihuriyeho na bo. Kwari ukugira ngo kubera urupfu rwe anyage Satani ubushobozi, we wagengaga imbaraga z'urupfu,

Abeheburayo 9:24

Erega Kristo ntiyinjiye mu Cyumba kizira inenge cyubatswe n'abantu, gishushanya gusa icyo mu ijuru! Ahubwo yagiye mu ijuru nyir'izina, ubu ni ho ari aduhagarariye imbere y'Imana.

Ibyahisuwe 1:13

Hagati yayo hari hahagaze usa n'umwana w'umuntu. Yari yambaye ikanzu ndende, igituza cye kizengurutswe n'umukandara w'izahabu.

Ibyahisuwe 1:18

Dore ndi muzima, nari narapfuye none ndiho kugeza iteka ryose. Ni jye ufite imfunguzo, nshobora gufunga no gufungura urupfu n'ikuzimu.

Ibyahisuwe 1:7

Dore aje ku bicu, umuntu wese azamubona ndetse n'abatoboye umubiri we bazamubona. Amoko yose yo ku isi azacura imiborogo ku bwe. Koko bizaba bityo! Amina.

Ibyahisuwe 14:14

Hanyuma ngira ntya mbona igicu cyera. Kuri icyo gicu hari hicaye usa n'umwana w'umuntu. Mu mutwe yari yambaye ikamba ry'izahabu, naho mu kiganza yari afite umuhoro utyaye.