Daniyeli 5:13 - Bibiliya Ijambo ry'imana

¹³ Daniyeli bamuzanira umwami maze aramubaza ati: “Ese koko ni wowe Daniyeli, umwe mu Bayuda umukurambere wanjye yazanye ho iminyago abavanye i Buyuda?

Bibiliya Yera

¹³ Nuko bazana Daniyeli imbere y'umwami. Umwami abaza Daniyeli ati “Ni wowe Daniyeli wo mu banyagano b'Abayuda, umwami data yakuye i Buyuda?

Bibiliya Ijambo ry'imana D

¹³ Daniyeli bamuzanira umwami maze aramubaza ati: “Ese koko ni wowe Daniyeli, umwe mu Bayuda umukurambere wanjye yazanye ho iminyago abavanye i Buyuda?

Daniyeli 5:13 Iomraidhean Croise

Ezira 10:16

Abatahutse bavuye aho bari barajyanywe ho iminyago bemera iyo nama, maze batoranya umutambyi Ezira hamwe n'abatware b'amazu yose babavuzwe mu mazina. Nuko ku itariki ya mbere y'ukwezi kwa cumi, abatoranyijwe batangira gusuzuma icyo kibazo.

Ezira 10:7

Nuko itangazo ryamamazwa mu gihugu cy'u Buyuda no mu murwa wacyo wa Yeruzalemu, rimenyesha abatahutse bose ko bagomba guteranira i Yeruzalemu.

Ezira 4:1

Abanzi b'Abayuda n'ab'Ababenyamini bamenya ko abari barajyanywe ho iminyago batahutse, kandi ko batangiye kubaka Ingoro y'Uhoraho Imana ya Isiraheli.

Ezira 6:16

Nuko Abisiraheli bose, baba abatambyi cyangwa Abalevi cyangwa abatahutse bavuye aho bari barajyanywe ho iminyago, bakora ibirori byo gutaha iyo Ngoro y'Imana.

Daniyeli 1:1

Mu mwaka wa gatatu Yoyakimu umwami w'u Buyuda ari ku ngoma, Nebukadinezari umwami wa Babiloniya yateye Yeruzalemu arayigota.

Daniyeli 1:2

Nyagasani amugabiza Yoyakimu umwami w'u Buyuda, n'ibikoresho bimwe byo mu Ngoro y'Imana. Nuko Nebukadinezari abijyana muri Babiloniya mu ngoro y'ibigirwamana bye, aba ari ho abishyingura.

Daniyeli 1:21

Daniyeli akomeza gukora ibwami kugeza mu mwaka wa mbere Umwami Sirusi ari ku ngoma.

Daniyeli 1:6

Muri abo basore harimo Daniyeli na Hananiya na Mishayeli na Azariya b'Abayuda.

Daniyeli 2:25

Ariyoki arihuta ajyana Daniyeli ibwami, abwira umwami ati: “Nyagasani, nabonye umugabo mu Bayuda bazanywe ho iminyago uri bugusobanurire inzozi zawe.”

Daniyeli 2:48

Nuko umwami ashyira Daniyeli mu rwego rwo hejuru, amuha gutegeka intara yose ya Babiloni, amugira umutware w'abanyabwenge baho bose, amuha n'impano nyinshi zifite agaciro.

Daniyeli 5:11

Mu gihugu cyawe hari umuntu ukoreshwa n'umwuka w'imana zitagira inenge. Ku ngoma y'umukurambere wawe basanze afite ubushishozi n'ubuhanga n'ubwenge nk'iby'imana. Umukurambere wawe, Umwami Nebukadinezari yamugize umutware w'abanyabugenge n'abapfumu, n'abahanga mu by'inyenyeri n'abazi kuragura. Nyagasani, uwo mukurambere wawe yabigenje atyo

Daniyeli 5:14

Numvise ko ukoreshwa n'umwuka w'imana, kandi ko ufite ubushishozi n'ubuhanga n'ubwenge bidasanzwe.

Daniyeli 5:18

Nyagasani, dore Imana Isumbabyose yahaye umukurambere wawe Nebukadinezari kwima ingoma no gukomera, imuha n'ikuzo n'icyubahiro.

Daniyeli 5:2

Belishazari akiyinywa, ategeka ko bamuzanira ibikoresho byo ku meza by'izahabu n'ifeza, umukurambere we Nebukadinezari yari yarasahuye mu Ngoro y'Imana i Yeruzalemu. Kwari ukugira ngo we n'ibikomangoma bye, n'abagore be n'inshoreke ze babinyweshe.

Daniyeli 6:13

Nuko basanga umwami bavugana na we ku byerekeye rya tegeko, baramubaza bati: “Nyagasani, mbese ntiwatangaje itegeko rivuga ko mu minsi mirongo itatu, umuntu wese uzasenga imana izo ari zo zose cyangwa umuntu uwo ari we wese uretse wowe, azajugunywa mu rwobo rw'intare?” Umwami arasubiza ati: “Koko, ni itegeko ryashyizweho rikurikije amategeko y'Abamedi n'Abaperesi adakuka.”

Daniyeli 8:1

Mu mwaka wa gatatu Umwami Belishazari ari ku ngoma, jyewe Daniyeli nongeye kubonekerwa.

Daniyeli 8:27

Jyewe Daniyeli, ibyo byose byanciye intege mara iminsi ndwaye. Hanyuma nkomeza umurimo nari narashinzwe n'umwami. Ariko sinashoboye gusobanukirwa iryo bonekerwa, ryakomeje kumpagarika umutima.

Yohana 7:1

Nyuma y'ibyo Yezu akomeza kugenda muri Galileya ntiyifuzaga kugenda muri Yudeya kuko Abayahudi bashakaga kumwica.

Yohana 7:3

Nuko abavandimwe ba Yezu baramubwira bati “Haguruka, ujye muri Yudeya, kugira ngo abigishwa bawe baho na bo barebe ibyo ukora.