Daniyeli 5:1 - Bibiliya Ijambo ry'imana

¹ Umwami Belishazari akoresha ibirori bikomeye abitumiramo ibikomangoma igihumbi, maze asangira na byo divayi.

Bibiliya Yera

¹ Umwami Belushazari ararika abatware be bakuru igihumbi ngo baze mu birori, abatunganiriza ibyokurya n'ibyokunywa. muri ibyo birori, umwami na we anywera vino imbere y'abo batware igihumbi.

Bibiliya Ijambo ry'imana D

¹ Umwami Belishazari akoresha ibirori bikomeye abitumiramo ibikomangoma igihumbi, maze asangira na byo divayi.

Daniyeli 5:1 Iomraidhean Croise

Itangiriro 40:20

Hashize iminsi itatu, ubwo umwami wa Misiri yizihizaga isabukuru y'ivuka rye, akorera umunsi mukuru abagaragu be bose, arabagaburira. Muri uwo munsi mukuru, yatumije wa mutware w'abahereza divayi n'uw'abatetsi b'imigati.

Esiteri 1:3

Nuko mu mwaka wa gatatu Umwami Ahashuwerusi ari ku ngoma, akoresha ibirori maze abitumiramo abaminisitiri be n'abatware be, abagaba b'ingabo z'Abaperesi n'iz'Abamedi, n'ibikomangoma n'abategetsi b'ibihugu bye bose.

Yesaya 22:12

Icyo gihe Nyagasani Uhoraho Nyiringabo yarabahamagaye, yabahamagariraga kurira no kuganya, yabahamagariye kwimoza umusatsi no kwambura imyambaro igaragaza akababaro.

Yesaya 22:14

Uhoraho Nyiringabo yarabimpishuriye avuga ati: “Ndarahiye, ntibazigera bababarirwa iki cyaha, bazapfa batakibabariwe.” Uko ni ko Nyagasani Uhoraho Nyiringabo avuze.

Yeremiya 50:35

Uhoraho aravuga ati: “Inkota nitsembe Abanyababiloniya, nitsembe abatuye Babiloni, nitsembe abayobozi baho, nitsembe n'abanyabwenge baho.

Yeremiya 51:39

Irari nirimara kubagurumanamo nzabagaburira, nzabaha ibyokunywa basinde, bazasinzira ubuticura.

Yeremiya 51:57

Umwami ari we Uhoraho Nyiringabo aravuga ati: “Nzasindisha abatware n'abanyabwenge baho, nzasindisha abategetsi baho n'ibyegera byabo, nzasindisha n'ingabo zaho, bazasinzira ubuticura.”

Daniyeli 5:30

Iryo joro Belishazari umwami wa Babiloniya aricwa.

Nahumu 1:10

Bameze nk'amahwa asobekeranye, ni abanyarugomo bameze nk'abasinzi, ni cyo gituma bazagurumana nk'ibishakashaka byumye.