Daniyeli 4:7 - Bibiliya Ijambo ry'imana

⁷ Dore ibyo nabonye ndyamye: nabonye igiti cyameze ku isi hagati kandi ari kirekire cyane.

Bibiliya Yera

⁷ “Ibyo neretswe ndi ku gisasiro ni byo ibi: nagiye kubona mbona igiti kiri mu isi hagati, uburebure bwacyo bwari bukabije.

Bibiliya Ijambo ry'imana D

⁷ Dore ibyo nabonye ndyamye: nabonye igiti cyameze ku isi hagati kandi ari kirekire cyane.

Daniyeli 4:7 Iomraidhean Croise

Itangiriro 41:24

Ayo mahundo y'iminambe amira bunguri ya mahundo arindwi meza! Izo nzozi zombi nazirotoreye abanyabugenge, ariko nta n'umwe washoboye kuzinsobanurira.”

Itangiriro 41:8

Mu gitondo, umwami wa Misiri akuka umutima, ahamagaza abanyabugenge n'abanyabwenge bose bo mu Misiri. Abarotorera inzozi ze, ariko ntihagira n'umwe ushobora kuzimusobanurira.

Zaburi 37:35

Nabonye umugome wategekeshaga igitugu, arasagamba amera nk'igiti cya cyimeza gitoshye,

Yesaya 44:25

Mburizamo ibikorwa by'abahanurabinyoma, abapfumu mbavugisha amahomvu, abanyabwenge ndabavuguruza, ubumenyi bwabo mbuhindura ubupfapfa.

Ezekiyeli 31:3

Nakugereranya na Ashūru. Umeze nk'isederi yo muri Libani, umeze nk'isederi y'amashami y'akataraboneka afite igicucu, ubushorishori bwayo buzengurutswe n'amashami atoshye.

Daniyeli 1:4

Ntibagombaga kugira ubusembwa ku mubiri ahubwo bagombaga kugira uburanga, bagombaga kuba bajijutse, bafite ubwenge kandi ari abahanga bazi gushishoza, ku buryo bashoboraga gukora mu ngoro y'umwami. Bagombaga kwigishwa ururimi rw'Abanyababiloniya n'ibyanditse mu bitabo byabo.

Daniyeli 2:10

Abahanga baramusubiza bati: “Nyagasani, nta muntu n'umwe ku isi washobora gusubiza icyo kibazo watubajije! Nta mwami n'umwe uko yaba akomeye kose, wigeze abaza abanyabugenge cyangwa abapfumu cyangwa abahanga mu by'inyenyeri ikibazo nk'icyo.

Daniyeli 2:27

Daniyeli asubiza Umwami Nebukadinezari ati: “Nyagasani, amayobera wifuza kumenya nta munyabwenge cyangwa umupfumu, cyangwa umunyabugenge cyangwa uzi kuragura ushobora kuyakubwira.

Daniyeli 2:7

Bongera gusubiza bati: “Nyagasani, tubwire inzozi warose tuzigusobanurire.”

Daniyeli 3:8

Ako kanya Abanyababiloniya bamwe baza kurega Abayuda.

Daniyeli 4:18

Cyari gifite amababi atoshye n'imbuto nyinshi, ku buryo buri wese yasoromagaho izo kurya. Inyamaswa ziberaga munsi yacyo, kandi ibisiga bikarika mu mashami yacyo.

Daniyeli 5:7

Arangurura ijwi, ategeka ko bamuzanira abapfumu n'abahanga mu by'inyenyeri n'abazi kuragura. Abwira abo banyabwenge b'i Babiloni ati: “Umuntu wese ubasha gusoma iyi nyandiko akayinsobanurira, arambikwa imyambaro y'agaciro n'umukufi w'izahabu mu ijosi kandi ahabwe umwanya wa gatatu mu bwami.”

Daniyeli 5:8

Nuko abanyabwenge bose b'umwami begera iyo nyandiko, ariko ntihagira n'umwe ushobora kuyisoma no kuyisobanurira umwami.