Daniyeli 3:4 - Bibiliya Ijambo ry'imana

⁴ Nuko intumwa y'umwami irangurura ijwi iti: “Yemwe bantu b'amahanga yose n'amoko yose n'abavuga indimi izo ari zo zose mwe, nimwumve icyo mutegetswe!

Bibiliya Yera

⁴ Umuntu uhamya itegeko ry'umwami ararangurura ati “Yemwe bantu b'amoko yose y'indimi zitari zimwe, nimwumve uko tubategeka,

Bibiliya Ijambo ry'imana D

⁴ Nuko intumwa y'umwami irangurura ijwi iti: “Yemwe bantu b'amahanga yose n'amoko yose n'abavuga indimi izo ari zo zose mwe, nimwumve icyo mutegetswe!

Daniyeli 3:4 Iomraidhean Croise

Esiteri 8:9

Uwo munsi ku itariki ya makumyabiri n'eshatu z'ukwezi kwa gatatu kwa Sivani, batumiza abanditsi b'umwami bandika urwandiko rukubiyemo amabwiriza yose ya Moridekayi. Kopi zarwo bazoherereza Abayahudi n'abategetsi bashinzwe ibihugu bikomatanyije, n'abategetsi ba buri gihugu, n'abatware bo mu bihugu by'umwami uko ari ijana na makumyabiri na birindwi, uhereye mu Buhindi ukageza i Kushi. Izo nzandiko zandikwaga bakurikije imyandikire ya buri gihugu n'indimi z'abagituye. Abayahudi na bo babandikira mu rurimi rwabo, hakurikijwe imyandikire yarwo.

Yesaya 40:9

Abazanye inkuru nziza i Siyoni nimuzamuke umusozi muremure, abazanye inkuru nziza i Yeruzalemu nimurangurure ijwi, nimurangurure mushize ubwoba, nimubwire abo mu mijyi y'u Buyuda muti: “Imana yanyu iraje.”

Yesaya 58:1

Uhoraho aravuga ati: “Rangurura, komeza urangurure, rangurura ijwi nk'iry'impanda, umenyeshe abantu banjye ubwigomeke bwabo, bwira Abisiraheli ibyaha byabo.

Daniyeli 3:10

Wowe ubwawe waciye iteka ko umuntu wese uzumva bavugije ihembe n'imyironge, n'inanga y'indoha n'inanga nyamuduri, n'iningiri n'amakondera n'ibindi bikoresho byose bya muzika, azikubita hasi akaramya ya shusho y'izahabu.

Daniyeli 3:3

Abategetsi b'ibihugu bikomatanyije n'abaminisitiri n'abategetsi b'ibihugu, n'abajyanama bakuru n'abacungamari n'abacamanza, n'abahanga mu by'amategeko n'abatware bose b'intara, barakorana baza mu munsi mukuru wo kwerekana ishusho Umwami Nebukadinezari yari yahagaritse. Baraza bayihagarara imbere.

Daniyeli 3:7

Ni yo mpamvu abantu b'amahanga yose n'amoko yose, n'abavuga indimi izo ari zo zose bumvise bavugije ihembe n'imyironge, n'inanga y'indoha n'inanga nyamuduri, n'iningiri n'ibindi bikoresho byose bya muzika, bikubise hasi baramya ishusho y'izahabu Umwami Nebukadinezari yari yahagaritse.

Daniyeli 4:1

Jyewe Nebukadinezari, nari nibereye mu ngoro yanjye nguwe neza nezerewe,

Daniyeli 4:14

Iryo teka ryanyujijwe ku bamarayika baziranenge bararitangaza, kugira ngo ibyaremwe byose bimenye ko Isumbabyose ari yo igenga ubutegetsi bw'abantu. Ni yo ibugabira uwo ishaka, ikabuha ndetse n'uworoheje.’

Daniyeli 6:25

Umwami ategeka ko bazana ba bagabo bareze Daniyeli, babajugunya mu rwobo rw'intare bo n'abagore babo n'abana babo. Bataragera mu rwobo hasi, intare zibasamira hejuru zirabahekenya.

Hoseya 5:11

Abefurayimu batwazwa igitugu, igihano bahawe kirabashegeshe, babitewe no kwihambira ku bitagira umumaro.

Mika 6:16

Mwakurikije imyifatire mibi y'Umwami Omuri, mwagenje nk'umuryango w'umwana we Ahabu, koko mwakurikije urugero rwabo! Ni cyo gituma nzatsemba uyu murwa, namwe abawutuye muzasekwa. Muzakorwa n'isoni nk'abandi bo mu bwoko bwanjye.”

Ibyahisuwe 5:9

Baririmbaga indirimbo nshya bati: “Ni wowe ukwiriye kwakira uwo muzingo w'igitabo, ukwiriye no kuvanaho ibimenyetso biwufunze. Koko warishwe, amaraso yawe uyacunguza abantu, wabagaruriye Imana, wabavanye mu miryango yose no mu bavuga indimi izo ari zo zose, wabavanye mu moko yose no mu mahanga yose.