Daniyeli 3:28 - Bibiliya Ijambo ry'imana

²⁸ Nebukadinezari aravuga ati: “Nihasingizwe Imana ya Shadaraki na Meshaki na Abedinego, yo yohereje umumarayika wayo igakiza abagaragu bayo bayizera. Baciye ku itegeko ryanjye, bahara amagara yabo aho gukorera no kuramya izindi mana zitari Imana yabo!

Bibiliya Yera

²⁸ Nebukadinezari aravuga ati “Imana ya Saduraka na Meshaki na Abedenego ishimwe, ni yo yohereje marayika wayo ikiza abagaragu bayo bayiringiye, kuko bigurukije ijambo ry'umwami bagahara amagara yabo, kugira ngo batagira indi mana yose bakorera cyangwa basenga itari Imana yabo.

Bibiliya Ijambo ry'imana D

²⁸ Nebukadinezari aravuga ati: “Nihasingizwe Imana ya Shadaraki na Meshaki na Abedinego, yo yohereje umumarayika wayo igakiza abagaragu bayo bayizera. Baciye ku itegeko ryanjye, bahara amagara yabo aho gukorera no kuramya izindi mana zitari Imana yabo!

Daniyeli 3:28 Iomraidhean Croise

Itangiriro 9:26

Nowa arongera ati: “Nihasingizwe Uhoraho, Imana ya Semu. Kanāni azabe umugaragu wa Semu!

1 Ngoma 5:20

Muri iyo mirwano batakambira Imana kugira ngo ibatabare. Imana yumva ugutakamba kwabo irabatabara kuko bari bayizeye, maze batsinda Abahagari n'abari babatabaye.

2 Ngoma 20:20

Abayuda bazinduka kare mu gitondo, bose bashyira nzira bajya mu butayu bw'i Tekowa. Bagiye kugenda Yozafati arababwira ati: “Bayuda namwe baturage b'i Yeruzalemu, nimunyumve! Nimwizera Uhoraho Imana yanyu muzagira imbaraga, kandi nimwizera abahanuzi bayo muzatsinda.”

2 Ngoma 32:21

Nuko Uhoraho yohereza umumarayika mu rugerero rw'umwami wa Ashūru yica abasirikari n'abagaba babo, umwami wa Ashūru asubira mu gihugu cye akozwe n'isoni. Agezeyo yinjira mu ngoro y'imana ye maze abahungu be bamwicisha inkota.

Ezira 1:3

Nuko rero umuntu wese wo mu bwoko bw'iyo Mana nimuhe umugisha asubire mu Buyuda, maze yubake Ingoro y'Uhoraho Imana ya Isiraheli i Yeruzalemu.

Ezira 6:11

Nihagira kandi uzaca kuri iri tegeko nciye iteka: bazarandure inkingi mu nzu ye bayishinge maze bayimuturubikemo, ndetse n'iwe hasenywe hahinduke aho kumena imyanda.

Zaburi 103:20

Mwa bamarayika b'Uhoraho b'abanyambaraga n'intwari mwe, nimumusingize, mwebwe musohoza ibyo avuga nimumusingize, nimumusingize mwebwe mukurikiza ibyo avuga.

Zaburi 147:11

Ahubwo Uhoraho yishimira abamwubaha, abamwiringira kubera imbabazi abagirira arabishimira.

Zaburi 33:18

Nyamara Uhoraho yita ku bamwubaha, yita ku biringira imbabazi ze,

Zaburi 33:21

Ni we udutera kwishima, turamwizera kuko ari umuziranenge.

Zaburi 34:22

Umugome azapfa azize ubugome bwe, abanga intungane bazacirwaho iteka.

Zaburi 62:8

Imana ni yo nkesha agakiza n'ikuzo, Imana ni yo rutare rukomeye nisunga, ni na yo buhungiro bwanjye.

Iyimukamisiri 20:5

Ntukabipfukamire kandi ntukabiyoboke. Jyewe Uhoraho Imana yawe ndi Imana ifuha, mpana abanyanga n'abana babo n'abuzukuru babo ndetse n'abuzukuruza babo,

Yesaya 12:2

Imana ni yo gakiza kanjye, ndayiringiye sinkigira ubwoba, Uhoraho ni we mbaraga zanjye ndamusingiza, koko ni we wankijije.”

Yesaya 37:36

Iryo joro umumarayika w'Uhoraho anyura mu nkambi y'Abanyashūru, yica abantu ibihumbi ijana na mirongo inani na bitanu. Bukeye abaturage babyutse, basanga Abanyashūru bose bapfuye.

Yesaya 50:10

Ni nde muri mwe wubaha Uhoraho? Ni nde wumvira ijambo ry'umugaragu we? Ni nde ugendera mu mwijima ntamurikirwe n'umucyo? Niyizere Imana ye yishingikirize ku Uhoraho.

Daniyeli 2:47

Umwami abwira Daniyeli ati: “Mu by'ukuri Imana yanyu ni yo Mana irusha izindi zose gukomera, ni yo itegeka abami kandi igahishura amayobera! Koko ni yo yagushoboje kumpishurira aya mayobera.”

Daniyeli 3:25

Umwami arongera ati: “Nyamara ndabona abagabo bane bataboshye bagenda mu muriro rwagati kandi nta cyo wabatwaye! Uwa kane arasa n'imana.”

Daniyeli 4:34

None jyewe Nebukadinezari, ndaramya Umwami nyir'ijuru, ndamusingiza ndamwogeza. Ibyo akora byose biratunganye, arangwa n'ubutabera, ni we ubasha gucisha bugufi abirasi.

Daniyeli 6:16

Ba bagabo bongera gusanga umwami bati: “Nyagasani, uzirikane ko ukurikije amategeko y'Abamedi n'Abaperesi, nta tegeko cyangwa iteka ryatangajwe n'umwami rishobora gukuka.”

Daniyeli 6:26

Nuko Umwami Dariyusi yandikira abantu b'amoko yose, n'ab'amahanga yose n'abavuga indimi izo ari zo zose batuye ku isi yose ati: “Nimugire ishya n'ihirwe!

Matayo 4:10

Yezu aramubwira ati: “Genda Satani, kuko byanditswe ngo ‘Uzaramye Nyagasani Imana yawe, abe ari we wenyine uyoboka.’ ”

Ibyakozwe 4:19

Ariko Petero na Yohani barabasubiza bati: “Mbese tubumvire cyangwa twumvire Imana? Namwe nimwihitiremo icyo Imana ishima!

Ibyakozwe 5:19

Nyamara muri iryo joro umumarayika wa Nyagasani akingura inzugi za gereza, abajyana hanze arababwira ati:

Abaroma 12:1

Bavandimwe, kubera ko Imana yabahaye imbabazi ndabihanangiriza ngo mwitange, maze mube ibitambo bizima byeguriwe Imana biyishimisha. Uko ni ko kuyikorera kubakwiriye.

1 Abakorinto 13:3

Nubwo natanga ibyo ntunze byose ngo bihabwe abakene, ndetse nanjye ubwanjye nkitanga ngo ntwikwe ariko singire urukundo, nta cyo byamarira.

Abafilipi 1:20

Dore icyo mfitiye amatsiko kandi niringiye kuzabona: nta kizatuma nkorwa n'isoni. Ahubwo ubu nk'uko bisanzwe nzakomeza kuvuga nshize amanga, kugira ngo naho nabaho cyangwa napfa, imibereho yanjye iheshe Kristo ikuzo ryinshi.

Abeheburayo 1:14

None se abamarayika ni iki? Bose ni ingabo zo mu ijuru zikorera Imana, zatumwe gufasha abagenewe guhabwa agakiza ho umunani.

Abeheburayo 11:37

Bamwe bicishijwe guterwa amabuye, abandi gukererwamo kabiri, naho abandi bicishwa inkota. Bazereraga bambaye impu z'intama n'iz'ihene badafite gifasha, batotezwa kandi bagirirwa nabi.

1 Petero 1:21

Ni we ubaha kwemera Imana yamuzuye mu bapfuye ikamuha n'ikuzo, bityo ibyo mwemera n'ibyo mwiringira bikaba bishingiye ku Mana.

Ibyahisuwe 12:11

Uwaregaga abavandimwe bacu baramutsinze babikesha amaraso y'Umwana w'intama n'ijambo ry'ukuri bahamyaga, ku buryo bemeye guhara amagara yabo ntibatinya no gupfa.