Daniyeli 3:17 - Bibiliya Ijambo ry'imana

¹⁷ Nitujugunywa mu itanura rigurumana, Imana dukorera ishobora kudukiza, kandi ishobora no kudukura mu maboko yawe, nyagasani.

Bibiliya Yera

¹⁷ Niba ari ibyo, Imana yacu dukorera ibasha kudukiza mu itanura ry'umuriro ugurumana, kandi izadukiza ukuboko kwawe nyagasani.

Bibiliya Ijambo ry'imana D

¹⁷ Nitujugunywa mu itanura rigurumana, Imana dukorera ishobora kudukiza, kandi ishobora no kudukura mu maboko yawe, nyagasani.

Daniyeli 3:17 Iomraidhean Croise

Itangiriro 17:1

Aburamu amaze imyaka mirongo urwenda n'icyenda avutse, Uhoraho aramubonekera aramubwira ati: “Ni jye Mana Nyirububasha, ujye unyoboka kandi ube indakemwa.

Itangiriro 18:14

Mbese hari ikintu cyananira? Undi mwaka iki gihe nzagaruka iwawe, kandi Sara azaba yarabyaye umwana w'umuhungu.”

Yobu 34:29

Mbese itagize icyo ikora ni nde wayinenga? Ishatse kwihisha ni nde wayibona? Nyamara yita ku bantu no ku mahanga,

Yobu 5:19

Izagukiza amakuba incuro nyinshi, amaherezo nta kibi kizakugarukaho.

Zaburi 115:3

Imana yacu iganje mu ijuru, ibyo ishaka byose irabisohoza.

Zaburi 37:39

Uhoraho ni we ukiza intungane, mu gihe cy'amakuba azibera ubuhungiro.

Zaburi 37:40

Uhoraho arazitabara akazikiza, azikiza abagome akazirokora, arazirokora kubera ko zimuhungiraho.

Zaburi 73:20

Nk'uko umuntu ahinyura inzozi yarose, Nyagasani, ni ko nawe ubahinyura iyo ubahagurukiye.

Yesaya 12:2

Imana ni yo gakiza kanjye, ndayiringiye sinkigira ubwoba, Uhoraho ni we mbaraga zanjye ndamusingiza, koko ni we wankijije.”

Yesaya 54:14

Uzakomera ubikesha ubutungane, ntuzongera gukandamizwa kandi nta cyo uzatinya, iterabwoba ntirizakugeraho.

Yeremiya 1:8

Ntuzagire uwo utinya, nzaba ndi kumwe nawe ngutabare.” Uko ni ko Uhoraho avuze.

Yeremiya 15:20

Nzaguhagarika nk'urukuta rw'umuringa imbere yabo, bazakurwanya nyamara ntibazagutsimbura. Nzaba ndi kumwe nawe nkurengere ngukize.

Yeremiya 15:21

Nzagukura mu maboko y'abagome, nzagukura mu nzara z'abanyarugomo.”

Daniyeli 3:26

Hanyuma Nebukadinezari yegera umuryango w'itanura rigurumana, arahamagara ati: “Shadaraki na Meshaki na Abedinego, bagaragu b'Imana Isumbabyose mwe, nimusohoke muze hano.” Nuko Shadaraki na Meshaki na Abedinego bava mu muriro.

Daniyeli 6:16

Ba bagabo bongera gusanga umwami bati: “Nyagasani, uzirikane ko ukurikije amategeko y'Abamedi n'Abaperesi, nta tegeko cyangwa iteka ryatangajwe n'umwami rishobora gukuka.”

Daniyeli 6:23

Imana yanjye yohereje umumarayika wayo, abumba iminwa y'intare ntizagira icyo zintwara. Imana yasanze ndi umwere, kandi nawe nyagasani nta cyo nagucumuyeho.”

Daniyeli 6:27

Ntanze itegeko ngo mu bihugu byose by'ubwami bwanjye, mujye mwubaha kandi mutinye Imana ya Daniyeli. Ni yo Mana nzima, izahoraho iteka ryose. Ubwami bwayo ntibuzahangūka, ubutegetsi bwayo ntibuzavaho.

Mika 7:7

Ariko jyewe mpanze amaso Uhoraho, nizeye Imana Umukiza wanjye, Imana yanjye izanyitaho.

Luka 1:37

Erega nta kinanira Imana!”

Ibyakozwe 20:24

Nyamara ku bwanjye nta cyo bimbwira kubaho cyangwa gupfa, icya ngombwa ni ugushyika aho dusiganirwa kugera, nkanonosora umurimo nahawe na Nyagasani Yezu, ari wo gutangaza Ubutumwa bwiza bw'ubuntu Imana igira.

Ibyakozwe 21:13

Ariko Pawulo arasubiza ati: “Ni iki gitumye murira, ko ibyo ari ukunshengura? Siniteguye kuboherwa i Yeruzalemu byonyine, ahubwo niteguye no gupfirayo mpōrwa Nyagasani Yezu.”

Abaroma 8:31

None se ibyo twabivugaho iki? Ubwo Imana itwemera ni nde uzaturwanya?

2 Abakorinto 1:10

Ni yo yaturokoye urupfu rukomeye, rutyo rwose izanaturokora. Erega ni yo twiringiye, izongera iturokore

Abeheburayo 7:25

Ni cyo gituma abasha gukiza byimazeyo abegera Imana banyuze kuri we, kuko abereyeho iteka kubavugira kuri yo.

1 Samweli 17:37

Uhoraho wankijije intare n'ikirura, arankiza n'uriya Mufilisiti.” Sawuli aramubwira ati: “Ni uko. Uhoraho abe kumwe nawe.”

1 Samweli 17:46

Uyu munsi Uhoraho arakungabiza nkwice maze nguce umutwe, n'Abafilisiti bari mu nkambi ndababagira ibisiga inyamaswa zibarye. Bityo abatuye isi bose bazamenyeraho ko Abisiraheli bafite Imana,