Daniyeli 3:1 - Bibiliya Ijambo ry'imana

¹ Umwami Nebukadinezari yacurishije ishusho mu izahabu, ifite uburebure bwa metero mirongo itatu n'ubugari bwa metero eshatu. Nuko ayihagarika mu kibaya cya Dura ho mu ntara ya Babiloni.

Bibiliya Yera

¹ Umwami Nebukadinezari yakoze igishushanyo cy'izahabu, uburebure bwacyo bwari mikono mirongo itandatu, ubugari bwacyo bwari mikono itandatu, agihagarika mu kibaya cya Dura mu gihugu cy'i Babuloni.

Bibiliya Ijambo ry'imana D

¹ Umwami Nebukadinezari yacurishije ishusho mu izahabu, ifite uburebure bwa metero mirongo itatu n'ubugari bwa metero eshatu. Nuko ayihagarika mu kibaya cya Dura ho mu ntara ya Babiloni.

Daniyeli 3:1 Iomraidhean Croise

1 Abami 12:28

Umwami yigira inama akora amashusho abiri y'inyana mu izahabu, abwira abantu ati: “Kenshi mwajyaga i Yeruzalemu, nyamara Imana yanyu yabavanye mu Misiri iri hano.”

Esiteri 1:1

Ngaya amateka y'ibyabaye ku ngoma y'Umwami Ahashuwerusi, wategekaga ibihugu ijana na makumyabiri na birindwi ahereye mu Buhindi akageza i Kushi,

Zaburi 135:15

Ibigirwamana by'abanyamahanga bicuzwe mu ifeza cyangwa mu izahabu, byacuzwe n'abantu buntu.

Iyimukamisiri 20:23

None rero ntimukamparike ibigirwamana bikozwe mu ifeza cyangwa mu izahabu.

Iyimukamisiri 32:31

Nuko Musa asubirayo atakambira Uhoraho ati: “Koko bariya bantu bakoze icyaha gikomeye, biremera ikigirwamana mu izahabu.

Yesaya 2:20

Uwo munsi ibigirwamana by'izahabu n'ifeza bakoreye kuramya, bazabijugunyira imbeba n'uducurama.

Yesaya 30:22

Ibigirwamana byanyu bitatse ifeza, amashusho atatse izahabu, nyamara muzayafata nk'ibihumanye, muzayajugunya kure kuko azaba ahumanye. Muzavuga muti: “Hoshi nimuve aha!”

Yesaya 46:6

Abantu bazana izahabu n'ifeza byabo, babipima ku minzani bakabiha umucuzi, bityo abacuriramo ikigirwamana bakagipfukamira bakagisenga.

Yeremiya 10:9

Ibyo bigirwamana birimbishijwe ifeza yavuye i Tarushishi, birimbishijwe izahabu inoze yavuye Ufazi. Byakozwe n'umunyabukorikori n'umucuzi b'abahanga, babyambitse imyambaro y'umuhemba n'iy'umutuku.

Yeremiya 16:20

Mbese abantu bashobora kwiremera imana? Reka da! Bene izo si imana.”

Daniyeli 2:48

Nuko umwami ashyira Daniyeli mu rwego rwo hejuru, amuha gutegeka intara yose ya Babiloni, amugira umutware w'abanyabwenge baho bose, amuha n'impano nyinshi zifite agaciro.

Daniyeli 2:49

Daniyeli asaba umwami guha Shadaraki na Meshaki na Abedinego ubutegetsi bw'intara ya Babiloni. Daniyeli we yigumira ibwami.

Daniyeli 3:14

Nebukadinezari arababaza ati: “Shadaraki na Meshaki na Abedinego mwe, mbese ni koko ntimusenga imana zanjye kandi ntimuramya ishusho y'izahabu nahagaritse?

Daniyeli 3:30

Nuko umwami azamura mu ntera Shadaraki na Meshaki na Abedinego, abashinga imyanya ikomeye mu ntara ya Babiloni.

Daniyeli 5:23

Dore wasuzuguye Nyagasani nyir'ijuru, watumije ibikoresho byo mu Ngoro ye, wowe n'ibikomangoma n'abagore bawe n'inshoreke zawe mubinywesha divayi. Wasingije ibigirwamana bikozwe mu ifeza no mu izahabu, no mu muringa no mu cyuma, no mu giti no mu ibuye kandi bitabona ntibyumve, ntibigire n'ubwenge! Ariko Imana ikubeshejeho ikagenga n'imibereho yawe, ntiwigeze uyihesha ikuzo.

Daniyeli 5:4

Bityo banywa divayi, basingiza ibigirwamana bikozwe mu izahabu no mu ifeza, no mu muringa no mu cyuma, no mu giti no mu ibuye.

Hoseya 2:8

Ni cyo gituma inzira acamo nzayicīsha amahwa, nzayizitira abure aho anyura.

Hoseya 8:4

Biyimikira abami ntabibategetse, bishyiriraho abatware batangishije inama. Biremera ibigirwamana mu ifeza no mu izahabu, ni cyo gituma bazarimbuka.

Habakuki 2:19

Bazabona ishyano ababwira ingiga y'igiti bati: “Kanguka!” Babwira n'ibuye ritabasha kuvuga bati: “Byuka!” Mbese ibyo bigirwamana hari icyo byigisha? Biyagirijweho izahabu n'ifeza, nyamara nta mwuka ubirimo.

Ibyakozwe 17:29

None rero ubwo dukomoka ku Mana, ntitugomba gutekereza ko imeze nk'igishushanyo cy'izahabu cyangwa icy'ifeza cyangwa icy'amabuye cyakomotse ku bukorikori n'ubwenge by'abantu.

Ibyakozwe 19:26

None muriyumvira kandi mukirebera ibyo Pawulo uriya avuga, ngo imana zakozwe n'abantu si imana na gato! Ni na ko yemeje rubanda nyamwinshi akabayobya, atari ino Efezi gusa ahubwo no mu ntara ya Aziya hafi ya hose.

Ivugururamategeko 7:25

Muzatwike amashusho y'ibigirwamana byabo, ntimuzakureho ifeza cyangwa izahabu ziyometseho bitazabagusha mu mutego, kuko Uhoraho Imana yanyu abyanga urunuka.

Ibyahisuwe 9:20

Nyamara abantu bose basigaye batishwe n'ibyo byorezo, ntibīhana ngo bareke ibigirwamana bari barakoze ubwabo. Ntibareka kuramya ingabo za Satani n'ibigirwamana bikozwe mu izahabu no mu ifeza, no mu muringa no mu ibuye no mu giti, kandi bitabona ntibyumve ntibigende,