Daniyeli 2:44 - Bibiliya Ijambo ry'imana

⁴⁴ “Ku ngoma z'abo bami, Imana nyir'ijuru izashyiraho ubwami buzahoraho ntibuhangūke kandi nta wuzabwigarurira. Ubwo bwami buzarimbura butsembe ubundi bwami bwose bwabubanjirije, maze bwo buhoreho iteka ryose.

Bibiliya Yera

⁴⁴ Nuko ku ngoma z'abo bami, Imana yo mu ijuru izimika ubundi bwami butazarimbuka iteka ryose, kandi ubutware bwabwo ntibuzazungurwa n'irindi shyanga, ahubwo buzamenagura ubwo bwami bwose bukabutsembaho kandi buzahoraho iteka ryose.

Bibiliya Ijambo ry'imana D

⁴⁴ “Ku ngoma z'abo bami, Imana nyir'ijuru izashyiraho ubwami buzahoraho ntibuhangūke kandi nta wuzabwigarurira. Ubwo bwami buzarimbura butsembe ubundi bwami bwose bwabubanjirije, maze bwo buhoreho iteka ryose.

Daniyeli 2:44 Iomraidhean Croise

Itangiriro 49:10

Ingoma y'ubwami izahora kwa Yuda, abazamukomokaho bazahorana inkoni y'ubutegetsi, bazayihorana kugeza igihe Nyirayo azazira, ni we amahanga azumvira.

2 Samweli 7:13

Uwo ni we uzanyubakira inzu, nanjye nzakomeza ingoma ye iteka.

2 Samweli 7:16

Abazagukomokaho bazahora basimburana ku ngoma, kandi ubwami bwawe buzahoraho iteka.’ ”

Zaburi 145:13

Ingoma yawe ntizigera ihanguka, ubutegetsi bwawe buzahoraho uko ibihe bihaye ibindi. Uhoraho asohoza ibyo yasezeranye, ni indahemuka mu byo akora byose.

Yesaya 60:12

Nyamara amahanga atazakuyoboka azarimbuka, azasenywa rwose.

Ezekiyeli 37:25

Bazatura mu gihugu nahaye umugaragu wanjye Yakobo, igihugu cya ba sokuruza. Bazagituramo iteka ryose, hamwe n'abana babo ndetse n'abazabakomokaho. Umwami umeze nka Dawidi ni we uzabategeka iteka ryose.

Daniyeli 2:28

Nyamara nyagasani, hari Imana yo mu ijuru isobanura amayobera, ni yo yakumenyesheje ibizaba mu gihe kizaza. Dore ibyo weretswe mu nzozi uryamye.

Daniyeli 2:34

Ucyitegereza iyo shusho, ibuye rirarimbuka nta wuririmbuye, ryikubita ku birenge bikozwe mu cyuma n'ibumba by'iyo shusho rirabijanjagura.

Daniyeli 2:35

Nuko icyuma n'ibumba n'umuringa n'ifeza n'izahabu byose birajanjagurika, bihinduka nk'umurama wo ku mbuga mu gihe cy'isarura, umuyaga urabitumura ntihagira igisigara. Naho rya buye ryikubise ku ishusho rihinduka umusozi munini ukwira isi yose.

Daniyeli 2:37

“Nyagasani mwami w'abami, Imana nyir'ijuru yaguhaye ubwami n'ububasha n'imbaraga n'ikuzo.

Daniyeli 2:43

Ubundi kandi, icyuma kivanze n'ibumba wabonye bishushanya ko abami bazivanga bashyingirana, ariko nta cyo bizabamarira. Erega icyuma n'ibumba ntibyigera bifatana!

Daniyeli 4:3

Nuko ntegeka ko banzanira abanyabwenge bose b'i Babiloni, kugira ngo bansobanurire inzozi narose.

Daniyeli 4:34

None jyewe Nebukadinezari, ndaramya Umwami nyir'ijuru, ndamusingiza ndamwogeza. Ibyo akora byose biratunganye, arangwa n'ubutabera, ni we ubasha gucisha bugufi abirasi.

Daniyeli 6:26

Nuko Umwami Dariyusi yandikira abantu b'amoko yose, n'ab'amahanga yose n'abavuga indimi izo ari zo zose batuye ku isi yose ati: “Nimugire ishya n'ihirwe!

Daniyeli 6:27

Ntanze itegeko ngo mu bihugu byose by'ubwami bwanjye, mujye mwubaha kandi mutinye Imana ya Daniyeli. Ni yo Mana nzima, izahoraho iteka ryose. Ubwami bwayo ntibuzahangūka, ubutegetsi bwayo ntibuzavaho.

Daniyeli 7:27

Naho ubwami n'ubutegetsi n'icyubahiro cy'ubwami bwose bwo ku isi bizahabwa imbaga y'intore z'Isumbabyose. Ubwami bwayo buzahoraho iteka, abategetsi bose bazajya bayumvira kandi banayikorere.”

Daniyeli 8:25

Kubera uburyarya bwe, ibinyoma bye bizamuhira, azigira igihangange. Azarimbura abantu birāye bibwira ko ari amahoro, ndetse azarwanya Umwami w'abami! Nyamara amaherezo azicwa bitavuye ku muntu.

Mika 4:7

Abacumbagira n'abatataniye kure nzabarokora, bazaba ubwoko bukomeye, jyewe Uhoraho nzabategeka, nzabategekera ku musozi wa Siyoni kuva ubwo kugeza iteka ryose.

Hagayi 2:22

Nzahirika ubutegetsi bw'abami, ntsembe ububasha bw'abami b'amahanga. Nzatsemba amagare y'intambara n'abayatwaye, kandi abarwanira ku mafarasi bazagwana na yo bicishanye inkota.’

Hagayi 2:7

Nzatigisa amahanga azane umutungo wayo aha, Ingoro yanjye nyitake ubwiza.

Matayo 28:18

Yezu arabegera arababwira ati: “Nahawe ubushobozi kuri byose mu ijuru no ku isi.

Yohana 12:34

Noneho rubanda baramubwira bati: “Twumvise mu gitabo cy'Amategeko ko Kristo ahoraho ibihe byose. None se uvuga ute ko Umwana w'umuntu azagomba gushyirwa hejuru? Mbese uwo Mwana w'umuntu ni nde?”

Abeheburayo 12:28

Dushimire Imana rero ko yaduhaye ubwami budashobora guhungabanywa. Bityo tuyisenge uko ishaka, tuyubaha kandi tuyitinya.

Ibyahisuwe 11:15

Hanyuma umumarayika wa karindwi avuza impanda. Mu ijuru humvikana amajwi y'abavuga cyane bati: “Ukwiriye kwima ingoma ngo ategeke iyi si ni Nyagasani Imana yacu hamwe na Kristo yatoranyije, kandi izayigenga iteka ryose.”

Ibyahisuwe 2:27

nk'uko nabuhawe na Data. Azayaragiza inkoni y'icyuma, ayajanjagure nk'ujanjagura ikibindi, kandi nzamuha n'inyenyeri yo mu rukerera.