Daniyeli 11:36 - Bibiliya Ijambo ry'imana

³⁶ “Wa mwami azajya akora icyo yishakiye, azishyira hejuru yikomeze kuruta imana zose, ndetse azasebya n'Imana nyamana ku buryo bukabije. Azabikora kugeza ubwo uburakari bwe buzaba bushize, kuko Imana yari yaremeje ko bizagenda bityo.

Bibiliya Yera

³⁶ “Nuko uwo mwami azakora uko ashatse, yigire munini yishyire hejuru ngo asumbe imana zose, kandi azavuga ibikomeye bisuzuguza Imana nyamana. Azishyira yizane kugeza aho uburakari buzasohorera, kuko ibyagambiriwe bizasohozwa.

Bibiliya Ijambo ry'imana D

³⁶ “Wa mwami azajya akora icyo yishakiye, azishyira hejuru yikomeze kuruta imana zose, ndetse azasebya n'Imana nyamana ku buryo bukabije. Azabikora kugeza ubwo uburakari bwe buzaba bushize, kuko Imana yari yaremeje ko bizagenda bityo.

Daniyeli 11:36 Iomraidhean Croise

Zaburi 136:2

Nimushimire Imana ikomeye kuruta imana zose, koko imbabazi zayo zihoraho iteka ryose.

Zaburi 33:10

Uhoraho apfubya imigambi mibi y'amahanga, ibyo abayatuye bagambiriye abiburizamo.

Imigani 19:21

Umuntu agambirira byinshi, nyamara icyo Uhoraho ashaka ni cyo gikorwa.

Yesaya 10:23

Koko rero, Nyagasani Uhoraho Nyiringabo azasohoza irimbuka ryemejwe ku isi yose.

Yesaya 10:25

Koko mu minsi mike cyane, uburakari mbafitiye buzashira, umujinya wanjye nywerekeze ku Banyashūru.”

Yesaya 10:5

Uhoraho aravuga ati: “Abanyashūru bazabona ishyano bazabona ishyano kuko bemeye kuba ibikoresho by'uburakari bwanjye, ni bo batwaye inkoni y'umujinya wanjye.

Yesaya 14:13

Waribwiraga uti: “Nzazamuka ngere mu ijuru, intebe yanjye nzayishyira hejuru y'inyenyeri ziri kure y'izindi, nzaganza ku musozi w'ikoraniro, ahagana mu majyaruguru.

Yesaya 14:14

Nzazamuka ngere hejuru y'ibicu, nzareshya n'Imana Isumbabyose.”

Yesaya 26:20

Bantu banjye, nimujye mu mazu yanyu mufunge imiryango, nimufunge imiryango mube mwihishemo igihe gito, kugeza igihe uburakari bw'Uhoraho burangiye.

Yesaya 30:33

Ahagenewe gutwikira Umwami wa Ashūru hateguwe kuva kera, ni urwobo rurerure kandi rugari rwarunzwemo inkwi nyinshi, umwuka ugurumana w'Uhoraho uzazikongeza, zizaka nk'amazuku yo mu birunga.

Yesaya 46:10

Kuva mu ntangiriro navuze ibizaba, kuva kera kose navuze ibitarakorwa. Naravuze nti: “Umugambi wanjye nzawusohoza, ibyo nshaka byose nzabikora.”

Yesaya 57:9

“Mwisīga amarashi n'amavuta menshi, muyisīga mujya gusenga ikigirwamana Moleki, mwohereza intumwa zanyu hirya no hino ndetse n'ikuzimu.

Ezekiyeli 28:2

“Yewe muntu, bwira umwami wa Tiri ko jyewe Nyagasani Uhoraho mvuze nti: ‘Dore wishyize hejuru uvuga ko uri imana, ko ugenga izindi mana kandi uganje mu nyanja rwagati. Nyamara uri umuntu nturi imana, nubwo utekereza ko uri umunyabwenge nk'imana.

Ezekiyeli 35:13

Mwanyiraseho muransebya kandi narabyumvise.”

Daniyeli 11:16

Abanyasiriya bazakora ibyo bishakiye kuko ntawe uzabakoma imbere. Bazigarurira igihugu cyiza bagire ububasha bwo kukirimbura.

Daniyeli 11:3

Hanyuma u Bugereki buzagira umwami w'igihangange uzategeka ubwami bugari, agakora icyo ashatse cyose.

Daniyeli 11:37

Azasuzugura ibigirwamana bya ba sekuruza, n'icyo abagore bakunda kuramya n'ibindi bigirwamana byose, kuko azishyira hejuru y'ibintu byose.

Daniyeli 12:7

Wa muntu wambaye imyambaro yera wari uhagaze hejuru y'uruzi ashyira amaboko yombi hejuru, numva arahiye mu izina ry'Imana ihoraho ati: “Bizamara imyaka itatu n'igice. Nibamara gushegesha ubwoko bw'Imana, ibyo byose na byo bizashira.”

Daniyeli 2:47

Umwami abwira Daniyeli ati: “Mu by'ukuri Imana yanyu ni yo Mana irusha izindi zose gukomera, ni yo itegeka abami kandi igahishura amayobera! Koko ni yo yagushoboje kumpishurira aya mayobera.”

Daniyeli 5:19

Kubera ibyo, abantu b'amoko yose n'ab'amahanga yose n'abavuga indimi izo ari zo zose, baramutinyaga bakagira ubwoba. Yaricaga agakiza, yagabiraga uwo ashatse, akanyaga uwo ashatse.

Daniyeli 5:20

Ariko yaje kwishyira hejuru arinangira ahinduka umunyagasuzuguro, kubera ibyo avanwa ku ngoma yamburwa n'ikuzo.

Daniyeli 7:8

Ngitekereza kuri ayo mahembe, mbona irindi hembe rito rimerera mu yandi maze atatu muri yo arakuka. Iryo hembe rito ryari rifite amaso nk'ay'umuntu n'akanwa kavugaga amagambo y'ubwirasi.

Daniyeli 8:19

Arambwira ati: “Reka nkumenyeshe ibizaheruka igihe cy'uburakari bw'Imana, kandi icyo gihe kizaba ari igihe cy'imperuka.

Daniyeli 8:4

Nuko mbona iyo mpfizi igenda irwanisha amahembe yayo yerekeje iburengerazuba no mu majyaruguru no mu majyepfo. Nta tungo na rimwe ryashoboraga kuyihangara kandi nta n'uwabashaga kuritabara. Yakoraga icyo ishatse kandi ikagenda iba ikirangirire.

Zekariya 11:16

Erega ngiye gushyiraho undi mushumba muri iki gihugu! Ntazatarura intama zazimiye, ntazita ku zisigara inyuma, ntazunga izavunitse ndetse n'izimeze neza ntazazigaburira, ahubwo azarya izibyibushye muri zo, aziryane n'iminono yazo.

Yohana 5:30

“Nta cyo nshobora gukora ncyihangiye. Nca imanza nkurikije ibyo Data ambwiye. Sinca urwa kibera kuko ntagambirira ibyo nishakiye, ahubwo ngambirira ibyo Uwantumye ashaka.

Yohana 6:38

Sinamanuwe mu ijuru no gukora ibyo nishakiye, ahubwo nazanywe no gukora ibyo Uwantumye ashaka.

Ibyakozwe 4:28

Kwari ugusohoza imigambi wateganyije kuva kera kose ku bw'ububasha n'ubushake bwawe.

Ivugururamategeko 10:17

Uhoraho Imana yanyu ni Imana irusha izindi zose gukomera, ni Umwami ugenga abami bose, ni Imana ikomeye y'imbaraga nyinshi ifite igitinyiro. Ifata abantu bose kimwe kandi ntigurirwa.

2 Abatesalonike 2:3

Ntihazagire ubashuka na gato. Ibyo bitaraba hagomba kuzabanza kubaho abantu benshi beguka ku Mana, noneho uwitwa “Umugome Gica” wagenewe kurimbuka agahishurwa.

2 Abatesalonike 2:4

Uwo ni we urwanya icyo abantu bita imana cyose n'icyo basenga cyose, akishyira hejuru yabyo ku buryo yicara mu Ngoro y'Imana, akigira Imana.

2 Abatesalonike 2:8

Ubwo ni bwo wa Mugome azahishurwa, noneho igihe Nyagasani Yezu azaba aje amwicishe umwuka wo mu kanwa ke, amutsembeshe ukurabagirana kwe.

Yosuwa 22:22

“Uhoraho ni we Mana nyamana! Uhoraho Imana nyamana ni we ubizi, ndetse n'Abisiraheli bose babimenye! Niba twarigometse ku Uhoraho tugahemuka, muhite muturimbura!

Ibyahisuwe 10:7

Igihe umumarayika wa karindwi azaba agiye kuvuza impanda, Imana izahita isohoza umugambi wayo ubu ukiri ibanga, nk'uko yawumenyesheje abagaragu bayo b'abahanuzi.”

Ibyahisuwe 12:14

Umugore ahabwa amababa abiri nk'aya kagoma nini kugira ngo aguruke, ajye ha hantu yateganyirijwe mu butayu ahungireyo ya nzoka, hashire imyaka itatu n'igice ahagaburirirwa.

Ibyahisuwe 13:1

Nyuma mbona igikōko giturumbutse mu nyanja. Cyari gifite imitwe irindwi n'amahembe icumi. Buri hembe ryari ritamirijeho ikamba, naho kuri buri mutwe handitswe izina rituka Imana.

Ibyahisuwe 17:17

Erega Imana yashyize umugambi wayo mu mitima yabyo, ngo bikore ibyo na yo yagambiriye! Bityo ayo mahembe azahuriza ku mugambi umwe rukumbi, yegurire cya gikōko ubushobozi bwayo bwa cyami, kugeza ubwo ibyo Imana yavuze bibaye.

Ibyahisuwe 17:3

Mwuka w'Imana anzaho maze ndabonekerwa, umumarayika anjyana kure mu butayu. Nuko mbona umugore uhetswe n'igikōko gitukura, cyari cyuzuyeho amazina atuka Imana. Icyo gikōko cyari gifite imitwe irindwi n'amahembe icumi.