Daniyeli 11:34 - Bibiliya Ijambo ry'imana

³⁴ Muri iryo yicwa abenshi bazabagoboka nubwo bazaba bikurikiriye inyungu zabo, bityo abayoboke b'Imana bazatabarwa akanya gato.

Bibiliya Yera

³⁴ Nibagwa muri ibyo byago bazabona gufashwa buhoro, ariko benshi bazifatanya na bo babariganya.

Bibiliya Ijambo ry'imana D

³⁴ Muri iryo yicwa abenshi bazabagoboka nubwo bazaba bikurikiriye inyungu zabo, bityo abayoboke b'Imana bazatabarwa akanya gato.

Daniyeli 11:34 Iomraidhean Croise

Daniyeli 11:21

“Nyuma y'ibyo hazaza umuntu usuzuguritse, aze atunguye abantu maze yime ingoma muri Siriya akoresheje uburiganya, ariko ntazahabwa icyubahiro gikwiye umwami.

Daniyeli 11:32

Umwami ubwe azareshya abataye Isezerano ry'Imana abiyegereze. Ariko abazi Imana bazishyira hamwe bihagarareho kigabo.

Matayo 7:15

“Mwirinde abahanurabinyoma! Baza babasanga bigize nk'intama, ariko imbere muri bo ari impyisi z'ibirura.

Abaroma 16:18

Koko rero abameze batyo ntibakorera Umwami wacu Kristo, ahubwo bakorera inda zabo. Bakoresha akarimi keza n'amagambo yo kuryoshyaryoshya, bakayobya abafite imitima yoroshye.

Abagalatiya 2:4

Icyakora aba yarakebwe bitewe na bamwe biyita abavandimwe, bacengeye muri twe rwihishwa. Abo bari bagendereye kugenzura ukwishyira ukizana dufite muri Kristo Yezu, kugira ngo badushyire mu buja.

2 Timoteyo 4:3

Koko igihe kizaza abantu bamwe be kwihanganira inyigisho zishyitse, ahubwo bakurikize ibyifuzo byabo bwite. Bityo bazikoranyirizaho abigisha benshi bababwira ibihuje n'ibyo bashaka kumva.

Tito 1:11

Ni ngombwa kubacecekesha, kuko hari ingo bageramo bakazisenya rwose bigisha ibidakwiye, babiterwa no guharanira inyungu zishingiye ku buhemu.

1 Yohana 4:1

Ncuti nkunda, ntimukemere umwuka uwo ari wo wose umuntu avuga ko afite, ahubwo mujye mugenzura murebe niba uwo mwuka ukomoka ku Mana, kuko abahanurabinyoma benshi badutse ku isi.

1 Yohana 4:5

Abo ni ab'isi, ni cyo gituma bavuga ibifitanye isano n'isi abayo bakabumva.

2 Yohana 1:7

Ku isi hadutse abashukanyi benshi batemera ko Yezu Kristo yaje yigize umuntu. Ugenza atyo ni umushukanyi kandi ni umwanzi urwanya Kristo.

Yuda 1:4

Hari abantu basuzuguye Imana baseseye muri mwe rwihishwa. Ibyerekeye ubuntu tugirirwa n'Imana yacu babihindura ukundi, kugira ngo bishyigikire ubwomanzi bwabo kandi bagahinyura Umwami wacu Yezu Kristo, ari we databuja umwe rukumbi. Iteka bazacirwa ryanditswe kuva kera.

Ibyahisuwe 12:13

Cya kiyoka kibonye ko kiroshywe ku isi, gitangira guhiga wa mugore wabyaye umwana w'umuhungu.

Ibyahisuwe 2:20

Ariko mfite icyo nkugaya: ni uko wa mugore Yezebeli wiyita umuhanuzikazi, umwemerera kwigisha. Ayobya abagaragu banjye abigisha gusambana, no kurya ibyaterekerejwe ibigirwamana.