Daniyeli 11:22 - Bibiliya Ijambo ry'imana

²² Ingabo zizasandara imbere ye nk'umwuzure ariko ntizizashobora kumutsinda, azazitsemba zose, azica n'Umutambyi mukuru wubahiriza Isezerano ry'Imana.

Bibiliya Yera

²² Ingabo zizatemba imbere ye nk'umwuzure zimenagurike, ndetse n'umutware w'isezerano na we ni uko.

Bibiliya Ijambo ry'imana D

²² Ingabo zizasandara imbere ye nk'umwuzure ariko ntizizashobora kumutsinda, azazitsemba zose, azica n'Umutambyi mukuru wubahiriza Isezerano ry'Imana.

Daniyeli 11:22 Iomraidhean Croise

Yesaya 28:15

Muravuga muti: “Twagiranye isezerano n'urupfu, twahanye igihango n'ikuzimu. Bityo icyago nikiza ntikizatugeraho, twishingikirije ku kinyoma n'uburiganya.”

Daniyeli 11:10

“Abahungu b'uwo mwami bazakoranya ingabo nyinshi cyane zigabe ibitero, zisandare ku mupaka nk'umwuzure. Zizarwana inkundura kugeza ubwo zizigarurira ikigo ntamenwa cy'abanzi.

Daniyeli 11:23

Azagirana amasezerano n'abantu benshi hanyuma abariganye, bityo ubutegetsi bwe buzakomera bushingiye ku bantu bake.

Daniyeli 8:25

Kubera uburyarya bwe, ibinyoma bye bizamuhira, azigira igihangange. Azarimbura abantu birāye bibwira ko ari amahoro, ndetse azarwanya Umwami w'abami! Nyamara amaherezo azicwa bitavuye ku muntu.

Daniyeli 9:26

Nyuma y'iyo myaka magana ane na mirongo itatu n'ine, ni bwo uwashyizweho bamusīze amavuta azicwa agakurwaho. Umurwa n'Ingoro yawo bizarimburwa n'ingabo z'umutegetsi uzaza. Ariko uwo mutegetsi na we azatsembwaho nk'utwawe n'umwuzure, kandi kugeza ku iherezo byemejwe ko hazaba ari intambara kirimbuzi.

Amosi 8:8

Ni cyo gituma isi izatingita, abatuye mu gihugu bose bazaboroga, igihugu cyose kizatsikira giterwe hejuru, kizamera nk'uruzi rwa Nili rwo mu Misiri, rwuzura rukuzuruka.”

Amosi 9:5

Nyagasani Uhoraho Nyiringabo atunga isi urutoki igatingita, abatuye igihugu bose baraboroga, igihugu cyose kiratsikira kigaterwa hejuru, kimera nk'uruzi rwa Nili rwo mu Misiri, rwuzura rukuzuruka.

Nahumu 1:8

Nyamara Ninive azayiteza umwuzure ayirimbure, abanzi be azabakurikirana abamarire ku icumu.