Abafilipi 4:9 - Bibiliya Ijambo ry'imana

⁹ Ibyo nabigishije rero n'ibyo nabagejejeho, ibyo mwanyumvanye n'ibyo mwambonanye, ibyo byose mube ari byo mukora, kandi Imana itanga amahoro izabana namwe.

Bibiliya Yera

⁹ Ibyo nabīgishije, ibyo nababwirije, ibyo mwanyumvanye, n'ibyo mwambonanye abe ari byo mukora. Ni bwo Imana itanga amahoro izabana namwe.

Bibiliya Ijambo ry'imana D

⁹ Ibyo nabigishije rero n'ibyo nabagejejeho, ibyo mwanyumvanye n'ibyo mwambonanye, ibyo byose mube ari byo mukora, kandi Imana itanga amahoro izabana namwe.

Kinyarwanda Bibiliya Ntagatifu

⁹ Ibyo nabigishije kandi mwemeye, ibyo mwanyumvanye kandi mwambonanye, mujye mubikora, maze Imana y’amahoro izahorane namwe.

Abafilipi 4:9 Iomraidhean Croise

Yesaya 41:10

Ntimugire ubwoba ndi kumwe namwe, ntimwihebe kuko ndi Imana yanyu, nzabaha imbaraga mbatabare, nzabarinda mbarenganure.

Yesaya 8:10

Nimucure inama izaba impfabusa, nimucure imigambi, nyamara ntizashyika. Koko rero Imana iri kumwe natwe.

Matayo 1:23

“Dore umukobwa w'isugi azasama inda, azabyara umwana w'umuhungu, bazamwita Emanweli.” (Risobanurwa ngo “Imana iri kumwe natwe.”)

Matayo 28:20

mubigishe gukurikiza ibyo nabategetse byose, kandi dore ndi kumwe namwe iminsi yose kugeza ku mperuka y'isi.”

Matayo 7:21

“Abahora bampamagara ngo ‘Nyagasani, Nyagasani’, si ko bose bazinjira mu bwami bw'ijuru, keretse abakora ibyo Data uri mu ijuru ashaka bonyine.

Luka 6:46

“Ni iki kibatera guhora mumpamagara muti ‘Nyagasani, Nyagasani’, nyamara mudakora ibyo mvuga?

Luka 8:21

Arabasubiza ati: “Mama n'abavandimwe banjye ni abumva Ijambo ry'Imana bakarikurikiza.”

Yohana 13:17

Ubwo mumenye ibyo muzaba muhiriwe nimubikurikiza.

Yohana 15:14

Mwe muri incuti zanjye niba mukora ibyo mbategeka.

Yohana 2:5

Nyina abwira abahereza ati: “Icyo ababwira cyose mugikore.”

Ibyakozwe 9:6

Ariko haguruka ujye mu mujyi, uzahabwirirwa icyo ugomba gukora.”

Abaroma 15:33

Imana yo sōko y'amahoro nihorane namwe mwese. Amina.

Abaroma 16:20

Imana yo sōko y'amahoro, ntizatinda kujanjagurira Satani munsi y'ibirenge byanyu. Umwami wacu Yezu nagumye kubagirira ubuntu.

1 Abakorinto 10:31

Ari ukurya ari ukunywa, cyangwa ari ugukora ikindi kintu cyose, mujye mubikorera guhesha Imana ikuzo.

1 Abakorinto 14:33

Imana si iy'imivurungano ahubwo ni iy'amahoro. Nk'uko bisanzwe mu matorero yose y'intore za Kristo,

1 Abakorinto 4:16

Ndabinginze rero nimukurikize urugero nabahaye.

2 Abakorinto 13:11

Ahasigaye bavandimwe, murabeho. Mube indakemwa, muterane inkunga muhuze imitima, mube amahoro. Bityo Imana yo sōko y'amahoro n'urukundo izabana namwe.

Ivugururamategeko 5:1

Musa ahamagara Abisiraheli bose, arababwira ati: Bisiraheli, nabahamagariye kubabwira amateka Uhoraho yatanze n'ibyemezo yafashe. None nimutege amatwi mubyumve, mubizirikane kugira ngo mujye mubikurikiza.

Abafilipi 3:17

Bavandimwe, mwese mugenze nkatwe kandi abakurikiza icyitegererezo twabahaye mube ari bo muhanga amaso.

Abafilipi 4:7

Bityo amahoro y'Imana asumba kure ubwenge bw'umuntu, arindire imitima yanyu n'ibitekerezo byanyu muri Kristo Yezu.

1 Abatesalonike 1:6

Namwe mwakurikije urugero rwacu n'urwa Nyagasani. Nubwo mwari mu makuba menshi, Ijambo ry'Imana mwaryakiranye ibyishimo bituruka kuri Mwuka Muziranenge.

1 Abatesalonike 2:14

Bavandimwe, mwakurikije urugero rw'abo mu matorero y'Imana yo muri Yudeya bari muri Kristo Yezu, uko bagiriwe nabi n'Abayahudi ni ko namwe mwagiriwe nabi na bene wanyu.

1 Abatesalonike 5:23

Imana ubwayo yo sōko y'amahoro ibagire abayo rwose, irinde buri wese uko ari kose: umwuka n'ubuzima n'umubiri, maze Umwami wacu Yezu Kristo naza azasange mutariho umugayo.

2 Abatesalonike 3:4

Ni Nyagasani utuma tubagirira icyizere, ibyo tubashinga murabikora kandi muzakomeza kubikora.

2 Timoteyo 4:22

Nyagasani abane nawe. Nagumye kubagirira ubuntu mwese.

Yakobo 1:22

Ntimukishuke ngo mupfe kumva Ijambo ry'Imana gusa, ahubwo mujye mukora icyo ribabwira,

2 Petero 1:10

Ubwo bimeze bityo bavandimwe, mushishikarire kwemeza abantu ibikorwa byanyu kugira ngo bamenye ko muri abo Imana yahamagaye ikabatoranya. Nimugenza mutyo nta kizabavana kuri Kristo.

1 Yohana 3:22

Bityo ikaduha icyo tuyisabye cyose, kuko dukurikiza amategeko yayo tugakora ibiyishimisha.