Abafilipi 3:9 - Bibiliya Ijambo ry'imana

⁹ kandi mpore muri we ntiratana ubutungane buzanwa no gukurikiza Amategeko, ahubwo nirata ubutungane buzanwa no kwizera Kristo, ari bwo Imana itanga bushingiye ku kumwemera.

Bibiliya Yera

⁹ kandi mboneke ko ndi muri we ntafite gukiranuka kwanjye kuva mu mategeko, ahubwo mfite ukuzanwa no kwizera Kristo, ari ko gukiranuka kuva ku Mana guheshwa no kwizera

Bibiliya Ijambo ry'imana D

⁹ kandi mpore muri we ntiratana ubutungane buzanwa no gukurikiza Amategeko, ahubwo nirata ubutungane buzanwa no kwizera Kristo, ari bwo Imana itanga bushingiye ku kumwemera.

Kinyarwanda Bibiliya Ntagatifu

⁹ maze nzamusange ntishingikirije ubutungane bwanjye bukomoka ku Mategeko, ahubwo mfite ubutungane bukomoka ku kwemera Kristu, buva ku Mana, bukaba bushingiye ku kwemera.

Abafilipi 3:9 Iomraidhean Croise

Itangiriro 7:23

Bityo ibiremwa byose biba ku butaka, ari abantu ari n'amatungo, ari ibikurura inda hasi, ari inyoni n'ibisiga, byose birarimbuka. Hasigaye gusa Nowa n'abe n'ibyari kumwe na we mu bwato.

1 Abami 8:46

“Mu bihe bizaza Abisiraheli bashobora kuzagucumuraho, kuko nta muntu udacumura. Ushobora kuzabarakarira ukabateza umwanzi akabajyana ho iminyago mu gihugu cye, cyaba kure cyangwa hafi.

2 Ngoma 32:25

Nyamara Hezekiya yabaye umwirasi ntiyitura ineza yagiriwe, bituma Uhoraho amurakarira hamwe n'u Buyuda na Yeruzalemu.

2 Ngoma 32:31

Nyamara igihe abategetsi b'i Babiloni boherezaga intumwa zo kumubaza ibyerekeye ibitangaza byabaye mu gihugu cye, Imana yaramuretse igira ngo imugerageze imenye ibyo atekereza.

Zaburi 14:3

Erega bose bateshutse ku Mana! Bose uko bangana bariyononnye, nta wukora ibikwiye habe n'umwe! Uhoraho arabaza ati:

Zaburi 143:2

Umugaragu wawe ntunshyire mu rubanza, erega nta muntu n'umwe ugutunganiye!

Zaburi 19:12

Umugaragu wawe ibyo ni byo bimburira, kubikurikiza bimfitiye akamaro kenshi.

Umubwiriza 7:20

Koko rero nta muntu n'umwe ku isi uba intungane, ku buryo atigera akora icyaha.

Yesaya 46:13

Dore ubutungane bwanjye ndabubegereje, agakiza kanjye ntikari kure. Nzarokora umujyi wa Siyoni, Abisiraheli nzabahesha ikuzo.

Yesaya 53:11

Uhoraho aravuze ati: “Umugaragu wanjye namara kubabazwa azanezerwa, azishimira imbuto z'umubabaro we. Umugaragu wanjye w'intungane azakoresha ubumenyi, azabukoresha atume benshi baba intungane, azigerekaho ibicumuro byabo.

Yesaya 53:6

Twese twabuyeraga nk'intama zazimiye, buri wese yanyuraga mu nzira yishakiye, Uhoraho yamugeretseho ibicumuro byacu twese.

Yesaya 6:5

Nuko ndavuga nti: “Ngushije ishyano, ndapfuye. Koko imvugo yanjye irandavuye kandi nkomoka mu bwoko bw'imvugo yandavuye. None mbonye Umwami, Uhoraho Nyiringabo.”

Yeremiya 23:6

Ku ngoma ye u Buyuda buzishyira bwizane, Isiraheli izaba mu mutekano, azitwa Uhoraho ari we butungane bwacu.”

Yeremiya 33:16

Icyo gihe u Buyuda buzarokoka na Yeruzalemu ibe mu mutekano. Yeruzalemu izahimbwa ngo ‘Uhoraho ni we Murengezi wacu.’ ”

Daniyeli 9:24

Nyuma y'imyaka magana ane na mirongo cyenda, ni bwo ibicumuro n'ibyaha n'ubugome bw'ubwoko bwawe n'umurwa w'Imana yawe bizatsembwa bigashiraho. Ni bwo kandi ubutungane buzaganza iteka ryose, amabonekerwa n'ubuhanuzi bigasohozwa, Icyumba kizira inenge cyane kikegurirwa Imana hakoreshejwe amavuta.

Matayo 9:13

Nimugende mwige uko iri jambo risobanura, ‘Icyo mbashakaho si ibitambo, ahubwo ni uko mugira impuhwe.’ Sinazanywe no guhamagara intungane, ahubwo naje guhamagara abanyabyaha.”

Abaroma 1:17

Ubwo Butumwa ni bwo buhishura uburyo Imana iha abantu kuyitunganira babikesha kwemera Kristo, bigatuma bagenda barushaho kumwizera. Ni na ko Ibyanditswe bivuga ngo “Utunganiye Imana abitewe no kuyizera azabaho”.

Abaroma 10:10

Koko rero kubyemera mu mutima bituma Imana ikugira intungane, naho kubyivugira n'umunwa bigatuma ukizwa.

Abaroma 16:7

Mutashye bene wacu Andironiko na Yuniya twafunganywe. Ni intumwa za Kristo z'ibirangirire, kandi bemeye Kristo mbere yanjye.

Abaroma 5:21

Noneho nk'uko ibyaha byaganje mu bantu bibageza mu rupfu, ni na ko ubuntu bw'Imana buganza bushingiye ku butungane, kugira ngo bubageze ku bugingo buhoraho ku bwa Yezu Kristo Umwami wacu.

Abaroma 8:1

Ubu rero abari muri Kristo Yezu nta teka bacirwa,

Abaroma 8:3

Ibyo Amategeko atashoboye bitewe n'intege nke za kamere y'umuntu, Imana yarabikoze. Yohereje Umwana wayo bwite afite kamere imeze nk'iy'abantu b'abanyabyaha, kugira ngo abe igitambo cy'ibyaha byabo. Ni ko gutsinda burundu ibyaha biri muri kamere y'umuntu,

1 Abakorinto 1:30

Imana ubwayo ni yo yabahaye kuba muri Kristo Yezu, ni we utubera ubwenge buva ku Mana n'ubutungane n'ubuziranenge n'ugucungurwa.

2 Abakorinto 5:17

Erega iyo umuntu ari muri Kristo aba icyaremwe gishya, ibya kera biba bishize byose bikaba bihindutse bishya.

2 Abakorinto 5:21

Kristo utarigeze akora icyaha Imana yamubazeho ibyaha byacu, kugira ngo muri we tubarweho ubutungane bwayo.

Abagalatiya 2:16

Nyamara tuzi ko umuntu atagirwa intungane no gukora ibyategetswe n'Amategeko, ahubwo agirwa intungane imbere y'Imana no kwemera Kristo Yezu. Ndetse natwe twemeye Kristo Yezu kugira ngo tugirwe intungane tubitewe no kumwemera, tutabitewe no gukora ibyategetswe n'Amategeko. Erega nta muntu ugirwa intungane abitewe no gukora ibyategetswe n'Amategeko!

Ivugururamategeko 27:26

Abalevi bavuge bati: “Udakurikiza Amategeko yose y'Uhoraho ngo ayumvire, arakaba ikivume.” Abantu bose bavuge bati: “Amina!”

Abafilipi 3:6

naho ku byerekeye ishyaka, natotezaga Umuryango wa Kristo. Ku byerekeye ubutungane buzanwa n'Amategeko, nari inyangamugayo.

2 Timoteyo 1:9

Ni yo yadukijije, iduhamagarira kuba intore zayo bidatewe n'ibikorwa byacu, ahubwo bitewe n'umugambi wayo n'ubuntu yatugiriye. Kuva mbere na mbere Imana yatugiriye ubwo buntu muri Kristo Yezu.

Tito 3:5

ni ko kudukiza, itabitewe n'uko twakoze ibiyitunganiye, ahubwo ibitewe n'imbabazi zayo. Yadukirishije kutwuhagira, iduha kuvuka ubwa kabiri no guhindurwa bashya na Mwuka Muziranenge.

Abeheburayo 6:18

Ibyo byombi ni ibintu bidahinduka kandi Imana yabivuze ntibasha kubeshya. Ni na byo bidukomeza cyane twebwe abamaze kuyīsunga, tugasingira ibyo twiringiye kuzahabwa.

Yakobo 3:2

Twese dufudika mu buryo bwinshi. Udafudika mu byo avuga aba ari indakemwa, abasha no kugenga umubiri we wose.

2 Petero 1:1

Jyewe Simoni Petero umugaragu wa Yezu Kristo n'Intumwa ye, ndabandikiye mwebwe mwahawe kumwizera gufite agaciro kamwe n'ukwacu, mubikesha ubutabera bw'Imana yacu na Yezu Kristo Umukiza.

1 Yohana 3:4

Umuntu wese ukora icyaha aba agandiye itegeko ry'Imana, ndetse gukora icyaha cyose ni ko kugandira itegeko ryayo.