Abafilipi 3:3 - Bibiliya Ijambo ry'imana

³ Ahubwo ni twe twakebwe by'ukuri twe dusenga Imana tubikesha Mwuka wayo, tukirata Kristo Yezu wenyine aho kwiyemera ubwacu.

Bibiliya Yera

³ kuko twebwe turi abakebwe gukebwa kwiza, abasenga mu buryo bw'Umwuka w'Imana, tukishimira Kristo Yesu ntitwiringire iby'umubiri, nubwo jyeweho nabasha kubyiringira.

Bibiliya Ijambo ry'imana D

³ Ahubwo ni twe twakebwe by'ukuri twe dusenga Imana tubikesha Mwuka wayo, tukirata Kristo Yezu wenyine aho kwiyemera ubwacu.

Kinyarwanda Bibiliya Ntagatifu

³ Burya ni twe twagenywe by’ukuri, twe dusenga Imana ku bwa Roho wayo, twe dufite ikuzo ryacu muri Yezu Kristu, aho kwiringira umubiri.

Abafilipi 3:3 Iomraidhean Croise

Zaburi 105:3

Nimwirate ko Uhoraho ari Umuziranenge, mwa bamwambaza mwe, nimwishime.

Yesaya 45:25

Nyamara urubyaro rwose rwa Isiraheli ruzaba intungane, ruzishima rubikesha Uhoraho.”

Yeremiya 4:4

Yemwe bantu b'u Buyuda n'ab'i Yeruzalemu, nimunyiyegurire burundu. Nimutagenza mutyo uburakari bwanjye buzagurumana, buzagurumana nk'umuriro utazima, bitewe n'ibibi mwakoze.”

Malaki 1:11

Ku isi yose hari abantu banyubaha. Ahantu hose hari abatwika imibavu bakayintura kandi bakantura n'amaturo atunganye. Erega mu mahanga yose hari abanyubaha!” Uko ni ko Uhoraho Nyiringabo avuze.

Abaroma 1:9

Imana nkorera n'umutima wanjye wose, namamaza Ubutumwa bwerekeye Umwana wayo, ni yo ntanzeho umugabo ko mpora mbazirikana

Abaroma 15:17

Ni yo mpamvu rero narata umurimo nakoreye Imana mbishobojwe na Kristo Yezu.

Abaroma 7:6

Naho ubu ntitukigengwa n'Amategeko, kuko twapfuye mu ruhande rw'ibyari bitugize imfungwa. Noneho dusigaye dukorera Imana ku buryo bushya dushobozwa na Mwuka, ntitukiyikorera ku buryo bushaje tuyoborwa n'Amategeko yanditswe.

Abaroma 8:15

Mwuka mwahawe si uwo kubashyira mu buja ngo musubire mu bwoba. Ahubwo Mwuka mwahawe ni uwo kubagira abana b'Imana, agatuma dutakambira Imana tuti: “Aba.” ni ukuvuga ngo: “Data.”

Abaroma 9:6

Nyamara si ukuvuga ko Imana yashēshe ibyo yari yarasezeranye, kuko abakomoka kuri Isiraheli atari ko bose ari Abisiraheli nyakuri.

2 Abakorinto 11:18

Benshi birata nk'ab'isi, none rero reka nanjye nirate.

Abagalatiya 5:25

Niba ari Mwuka uduha ubugingo nitureke atuyobore.

Abagalatiya 6:16

Abagenza batyo bakurikiza uwo mugambi, ndetse ab'umuryango wose w'Imana, Imana nibahe amahoro n'imbabazi.

Abefeso 6:18

Byose mubikore musenga ku buryo bwose mwinginga Imana. Ibihe byose muyambaze muvugishwa na Mwuka. Mugumye kuba maso, mushishikarire gusabira intore z'Imana zose.

Ivugururamategeko 10:16

Mwiyegurire Uhoraho burundu, mureke kwigomeka.

Ivugururamategeko 30:6

Mwebwe n'abazabakomokaho, Uhoraho Imana yanyu azabaha kumwiyegurira, no kumukunda n'umutima wanyu wose n'ubushobozi bwanyu bwose, kugira ngo mubeho.

Abafilipi 1:1

Jyewe Pawulo na Timoteyo abagaragu ba Kristo Yezu, turabaramukije mwebwe ntore z'Imana ziri muri Kristo Yezu zo mu mujyi wa Filipi, hamwe n'abayobozi b'itorero ry'Imana n'abadiyakoni baryo.

Abafilipi 3:12

Si ukuvuga ko namaze kugera kuri ibyo cyangwa ngo mbe naramaze kuba indakemwa, ahubwo ndacyahatana kugira ngo mbishyikire nk'uko nanjye Kristo Yezu yanshyikiriye.

Abafilipi 3:14

Ndaharanira kugera aho dutanguranwa ngo negukane igihembo Imana imfitiye mu ijuru, mbikesha Kristo Yezu ari na byo yampamagariye.

Abakolosayi 2:11

Kubera Kristo kandi mwarakebwe bitari bimwe byo ku mubiri, ahubwo mwakebwe mu mutima ku buryo bwa Mwuka, abakuraho imigirire mibi ishingiye kuri kamere yanyu.

Yuda 1:20

Ariko mwebweho ncuti nkunda, mugumye mwishingikirize ku byerekeye Kristo twemera bitagira amakemwa, musenge muvugishwa na Mwuka Muziranenge.