Abafilipi 2:9 - Bibiliya Ijambo ry'imana

⁹ Ni cyo cyatumye Imana imushyira hejuru cyane, imuha n'ikuzo risumba iry'abandi bose,

Bibiliya Yera

⁹ Ni cyo cyatumye Imana imushyira hejuru cyane ikamuha izina risumba ayandi mazina yose,

Bibiliya Ijambo ry'imana D

⁹ Ni cyo cyatumye Imana imushyira hejuru cyane, imuha n'ikuzo risumba iry'abandi bose,

Kinyarwanda Bibiliya Ntagatifu

⁹ Ni cyo cyatumye Imana imukuza, imuha Izina risumbye ayandi yose,

Abafilipi 2:9 Iomraidhean Croise

Itangiriro 3:15

Nshyize inzigo hagati yawe n'umugore, no hagati y'urubyaro rwawe n'urwe. Ruzakujanjagura umutwe, nawe urukomeretse agatsinsino.”

Zaburi 110:1

Zaburi ya Dawidi. Uhoraho yabwiye umwami wanjye ati: “Icara ku ntebe ya cyami iburyo bwanjye, nanjye nzahindura abanzi bawe nk'akabaho ukandagizaho ibirenge.”

Zaburi 110:5

Umwami uri iburyo bwawe, ku munsi azarakarira abami azabatsemba.

Zaburi 89:27

Azanyambaza agira ati: ‘Uri Data ukaba n'Imana yanjye, uri urutare runkingira uri n'Umukiza wanjye.’

Zaburi 91:14

Uhoraho arakuvugaho ati: “Kuko atatezutse kunkunda nzamukiza ayo makuba, nzamurinda kuko yemera uwo ndi we.

Yesaya 52:13

Uhoraho aravuze ati: “Umugaragu wanjye azagira ishya n'ihirwe, azashyirwa hejuru akuzwe, ahabwe icyubahiro gikomeye.

Yesaya 53:12

Nzamuha umwanya ukomeye mu banyacyubahiro, azagabana iminyago n'abanyamaboko. Koko we ubwe yaritanze yigabiza urupfu, yashyizwe mu mubare w'abagome, yigeretseho ibyaha by'abantu benshi, yasabiye imbabazi abagome.”

Yesaya 9:7

Nyagasani aciriye urubanza Yakobo, aciriye urubanza Abisiraheli.

Daniyeli 7:14

Ahabwa ubutegetsi n'ikuzo n'ubwami kandi abantu b'amoko yose n'ab'amahanga yose n'abavuga indimi izo ari zo zose baramuyoboka. Ubutegetsi bwe ni ubutegetsi bw'iteka butazashira, kandi ingoma ye ntizahangūka.

Matayo 11:27

“Ibintu byose nabyeguriwe na Data. Ntawe uzi Umwana w'Imana keretse Se, kandi ntawe uzi Se keretse Umwana we n'abo uwo Mwana we ashatse kumuhishurira.

Matayo 28:18

Yezu arabegera arababwira ati: “Nahawe ubushobozi kuri byose mu ijuru no ku isi.

Luka 10:22

“Ibintu byose nabyeguriwe na Data. Ntawe uzi Umwana w'Imana uwo ari we keretse Se, kandi ntawe uzi Se keretse Umwana we n'abo uwo Mwana we ashatse kumuhishurira.”

Yohana 13:3

Yezu yari azi ko Se yamweguriye ibintu byose kandi ko yaturutse ku Mana, akazasubira ku Mana.

Yohana 17:11

Kuva ubu sinkiri ku isi ariko bo baracyayiriho, naho jye nje iwawe. Data uzira inenge, ubarindishe ububasha wampaye, kugira ngo babe umwe nk'uko natwe turi umwe.

Yohana 17:12

Nkiri kumwe na bo, ububasha wampaye ni bwo bwatumye mbagumana nkabarinda, ntihagire n'umwe muri bo ubura uretse wa wundi wagombaga kurimbuka, kugira ngo bibe nk'uko Ibyanditswe bivuga.

Yohana 17:5

Noneho Data, umpe kubana nawe mfite rya kuzo twari dusangiye isi itararemwa.

Ibyakozwe 5:31

imushyira hejuru iburyo bwayo ngo abe Umutegetsi n'Umukiza, kugira ngo ashoboze Abisiraheli kwihana ngo bababarirwe ibyaha.

Abefeso 1:10

kugira ngo igeze byose ku gihe yagennye, isohoze umugambi wayo wo kwegurira Kristo ibintu byose abibere Umutware, ari ibiri mu ijuru cyangwa ibiri ku isi.

Abakolosayi 1:18

Ikindi kandi ni we mutwe ugenga umubiri we, ari wo Muryango w'Imana. Ni we shingiro rya byose, ni na we wabimburiye bose kuzuka kugira ngo afate umwanya w'ibanze muri byose.

2 Abatesalonike 1:12

Bityo Umwami wacu Yezu Kristo aherwe ikuzo muri mwe, kandi namwe muriherwe kuri we, mubikesha ubuntu mugirirwa n'Imana yacu na Nyagasani Yezu Kristo.

Abeheburayo 1:4

Imana yahaye uwo Mwana wayo gusumba kure abamarayika, nk'uko izina yahawe risumba iryabo.

Abeheburayo 1:9

Ukunda ubutungane ukanga ubugome, ni yo mpamvu Imana ari yo Mana yawe yagusīze amavuta, yakurobanuye muri bagenzi bawe, igusendereza ibyishimo.”

Abeheburayo 12:2

Duhange Yezu amaso we nkomoko y'ukwizera kwacu, akaba ari na we ukunonosora. Yihanganiye kubambwa ku musaraba ntiyita ku isoni bimutera, kuko yazirikanaga ibyishimo abikiwe. Ubu yicaye iburyo bw'intebe ya cyami y'Imana.

Abeheburayo 2:9

Ahubwo Yezu ni we tubona, yacishijwe bugufi, abamarayika bamusumba ho gato. Kwari ukugira ngo anyure mu rupfu, abigiriye abantu bose – ubwo ni bwo buntu Imana yagize. Ariko none yambitswe ikuzo n'icyubahiro nk'ikamba, abitewe n'urupfu yapfuye.

1 Petero 3:22

wagiye mu ijuru akaba ari iburyo bw'Imana, aho yahawe kugenga abamarayika n'ibinyabushobozi n'ibinyabubasha.

2 Petero 1:17

Icyo gihe Imana Data yamuhaye agaciro n'ikuzo, maze twumva ijwi ry'Imana nyir'ikuzo ry'akataraboneka ivuga iti: “Uyu ni Umwana wanjye nkunda cyane, ni we nishimira.”

3 Yohana 1:7

Bahagurutse batumwe na Kristo ntibemera kugira icyo bahabwa n'abatemera Imana yacu.

Ibyahisuwe 1:5

Ibikore kandi ifatanyije na Yezu Kristo umuhamya w'indahemuka, akaba yarabimburiye abandi kuzuka mu bapfuye, akagirwa umutware w'abami bategeka iyi si. Kristo aradukunda, ni na we watubohoye amena amaraso ye kugira ngo atuvane mu byaha byacu.

Ibyahisuwe 11:15

Hanyuma umumarayika wa karindwi avuza impanda. Mu ijuru humvikana amajwi y'abavuga cyane bati: “Ukwiriye kwima ingoma ngo ategeke iyi si ni Nyagasani Imana yacu hamwe na Kristo yatoranyije, kandi izayigenga iteka ryose.”

Ibyahisuwe 19:16

Ku mwambaro we no ku kibero cye handitswe iri zina: “Umwami ugenga abami n'Umutegetsi ugenga abategetsi”.

Ibyahisuwe 3:21

Utsinda nzamuha kwicarana nanjye ku ntebe yanjye ya cyami, nk'uko nanjye natsinze nkicarana na Data ku ntebe ye ya cyami.

Ibyahisuwe 5:12

Bavuga cyane bati: “Umwana w'intama wishwe ni we ukwiriye guharirwa ububasha n'ubukungu, n'ubwenge n'imbaraga, n'icyubahiro n'ikuzo no gusingizwa.”