Abafilipi 2:6 - Bibiliya Ijambo ry'imana

⁶ We nubwo yari asanzwe afite kamere y'Imana, ntiyigeze yibwira ko guhwana na yo ari ikintu cyo kugundīrwa.

Bibiliya Yera

⁶ Uwo nubwo yabanje kugira akamero k'Imana, ntiyatekereje yuko guhwana n'Imana ari ikintu cyo kugundirwa,

Bibiliya Ijambo ry'imana D

⁶ We nubwo yari asanzwe afite kamere y'Imana, ntiyigeze yibwira ko guhwana na yo ari ikintu cyo kugundīrwa.

Kinyarwanda Bibiliya Ntagatifu

⁶ N’ubwo we yari afite imimerere imwe n’iy’Imana, ntiyagundiriye kureshya na Yo.

Abafilipi 2:6 Iomraidhean Croise

Yesaya 7:14

Noneho rero Uhoraho ubwe azabaha ikimenyetso: dore umukobwa azasama inda, azabyara umwana w'umuhungu, azitwa Emanweli, risobanurwa ngo: ‘Imana iri kumwe natwe’.

Yesaya 8:8

Ruzasandara rube umwuzure ukwire mu Buyuda, inkombe zarwo zizāguka zigere kure, ruzakwira mu gihugu cyawe, wowe Emanweli.”

Yesaya 9:6

Azāgura ubutegetsi bwe n'amahoro iteka ryose, azicara ku ntebe ya Dawidi yime ingoma ye. Azashingira ububasha bwe ku butabera n'ubutungane, azabushyigikira guhera ubu kuzageza iteka ryose, Uhoraho Nyiringabo azabisohozanya umwete.

Yeremiya 23:6

Ku ngoma ye u Buyuda buzishyira bwizane, Isiraheli izaba mu mutekano, azitwa Uhoraho ari we butungane bwacu.”

Mika 5:2

Ni yo mpamvu Imana izareka ubwoko bwayo, izabureka kugeza igihe ugomba kumubyara azamubyara. Ni bwo abavandimwe be bajyanywe ho iminyago bazahura n'abandi Bisiraheli.

Zekariya 13:7

Uhoraho Nyiringabo aravuze ati: “Wa nkota we, rwanya umushumba ari we mugenzi wanjye! Ica umushumba intama zitatane, kandi n'izikiri nto nzazirwanya.”

Matayo 1:23

“Dore umukobwa w'isugi azasama inda, azabyara umwana w'umuhungu, bazamwita Emanweli.” (Risobanurwa ngo “Imana iri kumwe natwe.”)

Yohana 1:18

Nta muntu wigeze abona Imana, ahubwo Umwana w'ikinege uhorana na Se ni we wayimenyekanishije.

Yohana 10:30

Jyewe na Data turi umwe.”

Yohana 10:33

Abayahudi baramusubiza bati: “Igikorwa cyiza si cyo gituma tugutera amabuye, ahubwo ni uko utuka Imana kuko uri umuntu ariko ukigira Imana.”

Yohana 10:38

Ariko niba mbikora, naho mutanyemera nibura mwemere ibyo nkora, kugira ngo mumenye mudashidikanya ko Data ari muri jye nanjye nkaba muri Data.”

Yohana 14:28

Mwumvise ko nababwiye nti: ‘Ndagiye kandi nzagaruka mbasange.’ Iyaba mwankundaga mwakwishimiye ko ngiye kwa Data, kuko Data anduta.

Yohana 14:9

Yezu aramubwira ati: “Filipo we, nabanye namwe igihe kingana gitya none ukaba utanzi! Umbonye aba abonye na Data. None wavuga ute ngo nimbereke Data?

Yohana 17:5

Noneho Data, umpe kubana nawe mfite rya kuzo twari dusangiye isi itararemwa.

Yohana 20:28

Tomasi aramusubiza ati: “Mwami wanjye! Mana yanjye!”

Yohana 5:18

Ku bw'ibyo Abayahudi barushaho gushaka uburyo bamwica, kuko uretse ko yicaga isabato yanavugaga ko Imana ari Se, bityo akaba yireshyeshyeje na yo.

Yohana 5:23

kugira ngo bose bamwubahe nk'uko bubaha Se. Utubaha Umwana w'Imana aba atubashye na Se wamutumye.

Abaroma 9:5

Ba sekuruza ni bo na Kristo akomokaho, ukurikije igisekuru cy'abantu. Imana Isumbabyose iragasingizwa iteka ryose. Amina.

2 Abakorinto 4:4

Abo ntibemera ubwo Butumwa kuko imana mbi y'ab'iki gihe yabahumye imitima, kugira ngo batabona urumuri rw'Ubutumwa bwiza buranga ikuzo rya Kristo, ari we shusho y'Imana.

2 Abakorinto 8:9

Koko rero muzi ubuntu Umwami wacu Yezu Kristo yagize: nubwo yari umukungu yigize umukene ku bwanyu, kugira ngo ubukene bwe bubagire abakungu.

1 Timoteyo 1:17

Umwami uhoraho ari we Mana imwe rukumbi, idapfa kandi itarebwa n'amaso, ahabwe icyubahiro n'ikuzo iteka ryose. Amina.

1 Timoteyo 3:16

Nta wabihakana, ibanga ryo kubaha Imana rirakomeye. Uwo rivuga yagaragajwe ari umuntu, avugwa ko ari intungane na Mwuka w'Imana, arangamirwa n'abamarayika, yamamazwa mu mahanga, yemerwa n'abo ku isi, ajyanwa mu ijuru, ahabwa ikuzo.

Tito 2:13

Ni na ko dukwiye kumera tugitegereje umunsi muhire dufitiye ubwuzu, ubwo Yezu Kristo ari we Mana yacu ikomeye n'Umukiza azaza afite ikuzo.

Abeheburayo 1:3

Uwo Mwana w'Imana ni we urabagirana ho ikuzo ryayo, ni na we ubonekwaho n'imiterere yayo nyakuri. Ni we ushyigikiye ibintu byose kubera ububasha bw'ijambo rye. Arangije umurimo wo kweza abantu akabahanaguraho ibyaha, yicaye mu ijuru ku ntebe ya cyami iburyo bw'Imana nyir'ubuhangange.

Abeheburayo 1:6

Nyamara kandi igihe Imana yoherezaga impfura yayo ku isi, yaravuze iti: “Abamarayika bose b'Imana nibamuramye.”

Abeheburayo 1:8

Naho ku byerekeye Umwana wayo iravuga iti: “Mana, ingoma yawe ihoraho iteka ryose, abantu bawe ubategekesha ubutabera.

Abeheburayo 13:8

Yezu Kristo uko yari ari ejo na none ni ko ari, ni na ko azahora iteka ryose.

Ibyahisuwe 21:6

Arambwira ati: “Byose birarangiye. Ndi Alufa na Omega, ni ukuvuga intangiriro n'iherezo. Ufite inyota nzamuha kunywa ku mazi y'ubugingo ku buntu.