Abafilipi 2:21 - Bibiliya Ijambo ry'imana

²¹ Abandi bose baharanira inyungu zabo bwite, aho guharanira iza Yezu Kristo.

Bibiliya Yera

²¹ kuko bose basigaye bashaka ibyabo badashaka ibya Yesu Kristo.

Bibiliya Ijambo ry'imana D

²¹ Abandi bose baharanira inyungu zabo bwite, aho guharanira iza Yezu Kristo.

Kinyarwanda Bibiliya Ntagatifu

²¹ kuko abandi bose bakurikira ibiri ibyabo, aho gukurikira ibya Yezu Kristu.

Abafilipi 2:21 Iomraidhean Croise

2 Abami 12:6

Nyamara kugeza mu mwaka wa makumyabiri n'itatu Yowasi ari ku ngoma, abatambyi bari bataratangira gusana Ingoro.

Yesaya 56:11

Bameze nk'imbwa z'ibisambo, ntibajya bavuga bati: “Turijuse”, nyamara izo ngirwabayobozi ntizigira ubushishozi. Buri wese agenza uko ashaka, buri wese aharanira inyungu ze bwite.

Malaki 1:10

Uhoraho Nyiringabo aravuze ati: “Icyampa hakagira umuntu ufunga inzugi z'Ingoro yanjye, maze ntimwongere gucana umuriro wo gukongora ibitambo by'impfabusa ku rutambiro rwanjye! Erega simbishimira kandi amaturo muntura sinyashaka!

Matayo 16:24

Nuko Yezu abwira abigishwa be ati: “Ushaka kunyoboka wese nareke kwiyitaho, ahubwo atware umusaraba we ankurikire.

Luka 14:26

“Umuntu wese unsanga ntankunde cyane kuruta uko akunda se na nyina, n'umugore n'abana n'abavandimwe be, ndetse na we ubwe ntankunde nk'uko yikunda, ntiyabasha kuba umwigishwa wanjye.

Ibyakozwe 13:13

Pawulo n'abo bari kumwe binjirira mu bwato i Pafo, bafata hakurya i Periga ho muri Pamfiliya, Yohani Mariko we abasiga aho yisubirira i Yeruzalemu.

Ibyakozwe 15:38

ariko Pawulo asanga atari byiza kujyana na we kuko yigeze kubatererana muri Pamfiliya, ntagumane na bo ngo barangize umurimo.

1 Abakorinto 10:24

Ntihakagire uwishakira inyungu ye bwite, ahubwo ayishakire abandi.

1 Abakorinto 10:33

Jyewe ubwanjye, ngerageza gushimisha abantu bose muri byose ntita ku nyungu zanjye bwite, ahubwo nita ku za bose kugira ngo bakizwe.

1 Abakorinto 13:5

Urukundo ntirukoza isoni, ntirwikanyiza, ntirwivumbura, ntirugira inzika,

2 Abakorinto 1:5

Bityo rero nk'uko imibabaro ya Kristo itugeraho bikabije, ni na ko iduhumuriza bihebuje ikoresheje Kristo.

Abafilipi 2:4

Umuntu wese yirinde kuzirikana ibye gusa, ahubwo ajye azirikana n'iby'abandi.

2 Timoteyo 1:15

Nk'uko ubizi abo mu ntara ya Aziya bose barantereranye, barimo Figelo na Erimogene.

2 Timoteyo 3:2

Abantu bazaba bikunda, bakunda ifaranga, birata, bikuza, batuka Imana, batumvira ababyeyi. Bazaba ari indashima, batubaha Imana,

2 Timoteyo 4:10

kuko Dema yantereranye abitewe no gukunda iby'iyi si. Yigiriye i Tesaloniki, Kiresensi ajya mu ntara ya Galati, naho Tito ajya mu ya Dalumatiya.

2 Timoteyo 4:16

Mu iburana ryanjye rya mbere nta wamperekeje, bose barantereranye. Imana ntizabibahōre.