Yankpaŋii 7:4 - Yennu Gbouŋ Mɔɔr

⁴ A turu na tee nan baa tuu jii loobnyana ki maa difoouk nae. A ninbina na tee nan nyuntona nba be Hesbonn doo ni, ki kpia digbangbeŋir maŋ tammɔkɔɔkir nae. A miana na mɔk ninbarisin, ki fan nan Lebanonn difoouk nba tor Damaskus po na.

Yankpaŋii 7:4 Iomraidhean Croise

Pinpiik 15:2

Ŋaan Abram din jiin a, “Paŋ daanɔ Yennu, a paab maŋ nyɔɔt poŋ sii tee bee ki turimi, maa kaa bik ki u tan saa di n faar, see Elieser, wunba tee Damaskus nirɔ nae kaa?

2 Samuel 8:6

ki din chaan kunkɔnkɔnna kaaŋ bi yent ni, ki Siria teeb teen Defid jiamm ki pa lampo ki teenɔ. Yennu din te Defid nyante lokir kur po.

1 Kpanbara 10:18

U bia din te ki bi ŋamm naan kok-gbeŋir, ki jii loobnyana ki ŋamm chianyeŋ, ki jii salima ki ŋamm chianleer na.

1 Kpanbara 10:22

U din mɔk ŋarint, ki u ŋarint nan bat Hiram ŋarint lakin tuun. Ki bina ŋantaa kur ŋarint na din tuu jen nan salimmɔna nan salimpeena nan loobnyana nan kpataa nan waaniie.

1 Kpanbara 22:39

Linba kur pukin ki kpanbar Ahab tun, nan waa din jii loobnyana ki faŋ u naan ŋaak na, nan doi nba ki u maa kur, li sɔb ki be Israel kpanbara barkperii gbant ni.

1 Kpanbara 7:2

Ki digbeŋir nba ki bi din jii Lebanonn fɔɔr ni daat ki maa na fɔkint tee taakaabii piinŋmu, ki li yarimu tee taakaabii piinlee nan ŋanŋmu, ki li fɔkint paapo tee taakaabii piik nan ŋanŋmu. Li din mɔk kpek dachaata chaabii ŋantaae, ki chaabu kur tee dachaata piik nan ŋanŋmu, ki kpek dapaatii bia paa li paak. Bi bia din jii kpek daate ki pin, ki li tant ki baar bonbibirit diiuk nba ki dachaata diar na.

1 Kpanbara 9:19

nan doi nba ki u birin u jeet, nan doi nba ki u taanii nan u taantorit be na, ki bia maa linba kur ki u loon, Jerusalem nan Lebanonn nan siaminba kur tee u yent.

2 Barkperii 8:6

ki ŋamm maa Baalaf nan digbana nba kur ki bi bekii jeet, ki bia maa doi nba ki u taanii nan taantorit sii be. Waa din lor a wun maa linba kur Jerusalem nan Lebanonn, nan doi nba kur be u yent ni na, u din maawa.

Yaŋ 144:12

Ŋaant ki ti bonjai nba be bi paauŋ ni na n kpaat nan bonbuburit nba kpaatir nan paŋ biaŋinba na. Ŋaant ki ti bonpoi-ii tee nan kpanbar ŋaadachaata nba be lɔtii ni ki faŋit kpanbar ŋaak biaŋinba na.

Yaŋ 45:8

Ki tulaarii nba tee mir nan alos na be a liant paak, ki yan-yinna yiin yanii ŋaak nba ki bi ŋammir nan loobnyana na ni, ki a mɔk parpeenn.

Yankpaŋii 1:10

A yut nba sɔɔn a kpianii ni, ki sik a turu ni na fan nan tuliat nba ŋan nae.

Yankpaŋii 4:1

N yɔɔk, a mantik fan bonchiann. A ninbina nba ki saarik dɔɔk na nyirii nan lomm, ki a yut na lian ki tee nan buunii nba tuu yab ki nyi Gilead kunkonn paak ki siik biaŋinba na.

Yankpaŋii 4:4

A turu tee nan Defid difoouk nba ki bi maar ki li fan nae, ki mɔk tuliat nba tee nan naagbankɔŋa tusire jɔɔn ki lint li kur po na.

Yankpaŋii 4:5

A biaa na tee nan piarii banlee di tutubira ni na.

Yankpaŋii 6:5

Fi-i goriin, a niɔŋ tuu kɔɔme ki dian. A yut na liane ki tee nan buunii nba tuu yab, ki nyi Gilead kunkona paak ki siik biaŋinba na.

Aisaya 54:4

Daa tiin jaŋmaanii, a ji kan di fei, a kan sik tiŋi. A saa tamm biit nba ki a din tee poopaaŋ ki tuun na, ki bia tamm faa tuu be a kɔɔ nan pakɔɔk na.

Hiibru teeb 5:14

Ŋaan jeŋmankat tee saakab yare, ŋamme tuu tumii ki bann bonbiir nan bonŋann bɔkitu.