Yankpaŋii 6:2 - Yennu Gbouŋ Mɔɔr

² N yɔɔk na saan u kpaab niŋa, ki li tee siaminba ki tinunubit be na. U kpaar u pei kpaab na nie, ki tikii puuk.

Yankpaŋii 6:2 Iomraidhean Croise

Yankpaŋii 2:16

Mine yen n yɔɔk, ki u mun yenin. N yɔɔk kpaar u pei titubira na ni.

Yankpaŋii 4:12

N pooloŋir, n pooyookir, a tee nan kpaab nba bɔr nae, ki tee nan kpaab nba ki bi maa joonn ki lintir, ki tee nan nyuntonn nba tee niyenɔkɔɔ yar na.

Yankpaŋii 4:16

Niigaŋ po wouŋ, fiit. Niidiitu po wouŋ, damin n kpaab paak, ki te wamaasin n da nan nubiru nba man. Ŋaant ki n yɔɔk n saan u kpaab ni ki saa di tilɔɔna nba man.

Yankpaŋii 4:5

A biaa na tee nan piarii banlee di tutubira ni na.

Yankpaŋii 5:1

N pooloŋir, n pooyookir, n kɔɔ n kpaab niwa. N pɔ n baarii nan bonnunubit nba tee mir nae; n di siat nan sagbente; n nyu tilɔɔna daame nan naabiin. N yɔɔsnba, ii di kii biaki nyu man nan yaa tan saa gboo.

Yankpaŋii 5:13

U kpianii na mɔk fant ki tee nan kpaab nba gbee nan kpinfaat nan baarii na. Ki u mɔgbana tee nan tipuuk nba ki bi gbar mir tulaar-nyun na.

Yankpaŋii 6:11

N nyii tilontii boore ki sik maa n got tibis nba be baauk ni na, ki bia got fapaant nba be daan tilontii paak na, ki bia got tipuut nba be tilontlia paak na.

Aisaya 40:11

U saa got u pei na, nan u tee pekpaarik nae, ki taan pebis na ki diab u nii ni; u saa somm nan penaant na, nan sukuru.

Aisaya 57:1

Niŋamm kpenn, ki sɔɔ ki bant li paak, koo ki fiin li po. Ŋaan bi-i kpo, biiru kan paanib daŋi.

Aisaya 58:11

Ki n saa gar i tɔɔnn yoo kur, ki gboonti nan bonŋana. N saa turi paŋ nan laafia. I sii tee nan kpaab nba ki nyun be leŋ bonchiann nae, ki tee nan nyuntonn nba ki fɔɔt na.

Aisaya 61:11

Bonboorii nba tuu pia ki kpaat biaŋinba na, nnae ki Yabint Yennu saa tinn u niib, ki digbana kur niib saa pak dontɔ.

Esekiel 34:23

N saa turib kpanbar, ki u sii tee nan n toontunnɔ Defid na, ki u sii tee bonkob-kpaarik yenɔkɔɔ, ki goriib.

Sefania 3:17

I Yomdaanɔ Yennu be nani; u yiikooe teeni nyannu. U par sii peen i paak, ki u saa turi manfopaann, u lomm ni. U sii yiin yanii ki mɔk kpinkpammuk i paak.

Matiu 18:20

Kimaan siaminba ki niib banlee koo bantaa taan leeb n sann ni, leŋe ki n mun be bi sinsuuk ni.”

Matiu 28:20

ki wannib ki bin sak linba ki n wanni na kur. Ŋaan ii tian man nan n sii be i boor yoo kura mɔkmɔk nan durinya gbennu.”

Jɔɔnn 14:3

Ki mi-i kun ki saa teen diit na siir ki gbenn, n bia saa jenna ki tan jii-i, ki i tan sii be siaminba ki n be na.

Jɔɔnn 17:24

“N Baa, a jiib ki tur mine, ki n loon bii taŋi be maa tan sii be siaminba, ki bin la faa dont n sann biaŋinba, kimaan a din loonime, yoo nba ki a daa ki nan durinya na.

Fiitu 7:17

ki Pegann nba be naangbouŋ tɔɔnn na sii guub, ki saan namm nyunbuur nba teen manfoor na boor, ki Yennu saa fiar bi ninnyuut kur.”