Yankpaŋii 5:2 - Yennu Gbouŋ Mɔɔr

² N dɔɔr gɔɔne, ki damii damiit, ki li damiit ni ki n yɔɔk koon n tammɔb. N yɔɔk, ŋaant man kɔɔ. N pooloŋir, a tee nan ŋmann nae n boor. Marin borik n yura, ki n yut borik nan sinsamiin.

Yankpaŋii 5:2 Iomraidhean Croise

Pinpiik 29:20

Rachel paak, ki Jakɔb tun Labann bina ŋanlore, ŋaan ki li naan nan daa ŋanlee-e na, kimaan waa lɔɔn Rachel na paak.

Yaŋ 119:1

Parpeenn tee daansiab nba kaa biit na yare, binba dia Yennu sennu na.

Yaŋ 81:10

Mine tee i Yomdaanɔ Yennu, mine din nyinni Ijipt tiŋ ni; yaatir i mɔb man, ki n dinni.

Barjokit 23:26

N bija, gbiintir fanu, kii be nan maa be biaŋinba na.

Yankpaŋii 1:16

N yɔɔk, a mantik ŋan bonchiann; a mantik maant n par. Mɔmaata nae sii tee ti dɔɔnu,

Yankpaŋii 2:10

Ki n yɔɔk maŋ ji piak nanin. N yɔɔk, ii saana. N yɔɔk, baat ki tin tɔk saan.

Yankpaŋii 2:14

A tee nan ŋmandajuuk nba bɔrii tanfiat ni biaŋinba nae. Ŋaant ki man la a ningorsin nba ŋan na, ki bia te ki n gbat a kunkɔr nba man na.

Yankpaŋii 2:8

N gbat n yɔɔk kunkɔr. U baat ki tiin jɔɔt ni, ki tiin kunkona paak, ki baat n boor.

Yankpaŋii 3:1

Ki n dɔɔ gado paak nyɔtunmunn, ki kpaan daanɔ nba ki n par lakib u paak; ki lin lommɔ ŋaan ki lau.

Yankpaŋii 4:7

N yɔɔk, a fan bonchiann, ki a siar po ki gbeen.

Yankpaŋii 4:9

N pooloŋir, n pooyookir, a ninbina nan tuliat nba ki a lia na yent n dudukita.

Yankpaŋii 5:11

U numpo tee nan kutmɔnt nae, ki ŋarii, ki u yut ŋan ki bɔn nan naakpaabɔŋ na.

Yankpaŋii 5:6

Ki n loot gann na ki tur n yɔɔk, ŋaan sɔɔ ki u dɔŋ yaata. Ki n lek loon man gbat u kunkɔr. Ki n lin lomɔ, ŋaan ki ki lau. Ki n yiu, ŋaan ki ki gbat ki u toon.

Yankpaŋii 6:9

ŋaan fin kɔɔe ki n loon, ki a mantik ŋan ki tee nan ŋmann na. Fine tee a naa bonpoyemmir, ki tee a naa bilonkak. Ki poob kur goriia ki piaka; ki poosaakab nan poobis yiin yanii ki kpakitira.

Yankpaŋii 7:9

Ki a mɔb tee nan damanin na. A ji te ki daan na n saan n yɔɔk boor sinsonn, kii gaar u mɔgbana nan nyana paak.

Yankpaŋii 8:7

Ki nyun ki fit kpeent, nyunmɔnn ki be ki saa fit kpeeniri. Ŋaan li-i tee ki sɔɔ koor a wun daa lomm nan u mɔkinti, li joontu tan sii tee feie ki u saa la.

Aisaya 50:6

N jii n bɔɔnne ki chab binba boon na. N ki gɔɔrib, yoo nba ki bi sukiin, ki ŋabii n tiaŋ, ki sat mɔsant n numm po na.

Aisaya 52:14

Niib bonchiann nba din lau, bi gbanant din jeke; bi din biir u gbanant bonchiann ki u ji ki naan nirɔ.

Daniel 8:18

Waa piak yoo nbae, ki n fib, ŋaan ki u soor n nuu ki fiin sennin,

Sekaria 4:1

Ŋanne ki malaka nba bo piak nanin na jen ki fiinin, ki li tee nan n bo gɔɔnte na,

Matiu 7:8

kimaan wunba kur mei Yennu gaane; ki wunba mun loon, u laate; ki wunba kpaan gann, ki bi lootir teenɔ.

Matiu 8:17

Waa din tuun biaŋinba na tee nan Yennu sɔkinii Aisaya nba din pak nae a, “U mɔŋ mɔŋe gaar ti gbanantouŋ nan ti yiarbooru booru ki yaat nann.”

Barŋanii nba ki MAK din sɔb nae na 1:35

Ki Yiisa dɔŋ nyii ŋaak na ni ki kojouk daa ki mɔ, ki kɔɔ muuk ni ki saa mei Yennu.

Barŋanii nba ki LUK din sɔb nae na 22:44

U din dii biak bonchiann ki miar Yennu nan u yaak kur, ki naauk tan pu ki toot ki naan sɔn.

Barŋanii nba ki LUK din sɔb nae na 6:12

Li daa nba tan gar ki Yiisa doo kunkonn paak a wun saa miar Yennu, ki din saa mei Yennu nyiɔk nan laa tan yent.

Barŋanii nba ki LUK din sɔb nae na 9:32

Ŋaan gɔɔn din soor Piita nan u leeb na bonchiann, ki bi gɔɔn ki tan yerik, ki la ki yentsaakar yent ki lint Yiisa, ki bia la jab banlee nba see u boor na.

Jɔɔnn 10:4

Wuu nyinn u mɔŋ pei kur yoo nba, u tuu gar bi tɔɔnne, ki bi waa u poor, kimaan bi mi u kunkɔr.

Galasia teeb 2:20

Li paak, li ji ki tee min nba fo na kaa, ŋaan li tee Masia nba fo ki be n ni nae. Mɔtana, maa mɔk manfoor ki be n gbanant ni na, n teen Yennu Bija Masia-e yada, li paake ki n be; ŋɔɔe loonin ki din gaar n paak ki kpo.

Efesus teeb 5:14

Kimaan linba kur ki bi fiit li gbina, li ji tuu dɔɔ yeenin nie. Li paake ki li din sɔb Yennu gbouŋ ni a: “Fin nba gɔɔnt, fan fiir gɔɔn ni, ki fiir kuun ni, ki Masia saa tura u yentu.”

Fiitu 14:4

Ŋamme tee jab nba dia bi mɔŋ fanu ki ki kɔɔn poobi, ki ki mi dɔɔ nan poo gbaa; ŋamme bia waa Pegann na ki saa siaminba kur ki u saa; ŋamme tee binba ki Yennu gannib nisaarii sinsuuk ni, a bin teen sinsinn niib nba ki ŋɔɔ Yennu nan Pegann na gaarib.

Fiitu 3:20

Nnara, n see tammɔb ni ki kpaan gann; wunba gbat n kunkɔr ki loot gann maŋ, n saa kɔɔ u boor, ki min nan ŋɔɔ saa lakin di.

Fiitu 3:4

Ŋaan i siab be Saadis ki bi para ki mɔk jakinti. Ŋamme saa lia tapeenii, ki min nan ŋamm sii tɔk, kimaan baa jaŋ nann na paak.