Yankpaŋii 5:1 - Yennu Gbouŋ Mɔɔr

¹ N pooloŋir, n pooyookir, n kɔɔ n kpaab niwa. N pɔ n baarii nan bonnunubit nba tee mir nae; n di siat nan sagbente; n nyu tilɔɔna daame nan naabiin. N yɔɔsnba, ii di kii biaki nyu man nan yaa tan saa gboo.

Yankpaŋii 5:1 Iomraidhean Croise

Pinpiik 37:25

Baa di jeet yoo nba, ki bi la Ismael teeb ki bi yaba, ki tee kpinkpenta, ki nyii Gilead ki saa Ijipt. Ki bi laagumiinba jii tulaarii nan kpanunubit.

Yaŋ 147:11

ŋaan u par mei damm nba baakitɔ na paake, nan damm nba teen yada nan u lomm nba kaa gbennu na paak.

Yaŋ 16:3

Yennu niib nba teenɔ yada na, ŋamme be fanu. N parmaasir kur tee mii be bi boore.

Barjokit 24:13

N bija, ii di siat, kimaan li ŋan. Nan siat nba tuu nyi sagbouŋ ni ki man a mɔb ni biaŋinba na,

Barjokit 9:5

“Baat man ki tan di n jeet na, ki bia nyu tilɔɔna daan nba ki n poŋ ŋmata na.

Banntɔɔ 2:5

ki koo kpinfaat kpabit ki bia bur tilontbooru kur,

Yankpaŋii 1:13

N yɔɔk na dɔɔ n biaa paake, ki nubir nan bonnunubit nba ki bi yi mir na.

Yankpaŋii 4:16

Niigaŋ po wouŋ, fiit. Niidiitu po wouŋ, damin n kpaab paak, ki te wamaasin n da nan nubiru nba man. Ŋaant ki n yɔɔk n saan u kpaab ni ki saa di tilɔɔna nba man.

Yankpaŋii 4:8

N pooyookir, a lakin tɔk nanin, ki tin nyi Lebanonn kunkona ni, a tɔk nyi nanin Lebanonn. A nyi Amana kunkonn paak ki sik baar, ki bia nyi Senir kunkonn nan Hermonn kunkonn paak, ki li tee siaminba ki yanbɔra nan naamuut be na.

Yankpaŋii 6:11

N nyii tilontii boore ki sik maa n got tibis nba be baauk ni na, ki bia got fapaant nba be daan tilontii paak na, ki bia got tipuut nba be tilontlia paak na.

Yankpaŋii 6:2

N yɔɔk na saan u kpaab niŋa, ki li tee siaminba ki tinunubit be na. U kpaar u pei kpaab na nie, ki tikii puuk.

Yankpaŋii 8:1

N sunman ki a bo tee n naa bik nba mɔɔr n naa biime, ki mi-i cheta sɔnjouk ni, ki n saa fit mɔɔt a tankpinn, ki sɔɔ baka sii kaa li po.

Yankpaŋii 8:13

N yɔɔk, a te man gbat a kunkɔr kpaab na ni; n kɔɔnanleeb na guua, a fan pak.

Aisaya 23:18

U likirii nba ki u la kpinkpouŋ na ni, u saa jiir ki tur Yennu. U kan bɔrir siar po kaa, ŋaan binba jiantir Yennu nae sii dia likirii maŋ, ki daa jeet nan tiat nba ki bi loon.

Aisaya 5:1

Gbiintir ki man yin yaŋ na ki tura. Yaŋ maŋ jiin n yɔɔk nan u daan tiinii kpaab poe. N yɔɔk mɔk daan tiinii kpaab, kunkonn nba kpai paak.

Aisaya 51:3

“N saa wann Jerusalem nan binba be langbent ni na, n ninkpabauŋ. U tiŋ nba lek tee tinkokirik na, ŋaan n saa teenir tinkpiasir, nan kpaab nba ki n din teen Edenn ni na. Parpeenn nan manu sii be leŋ, ki dontir nan niipoturu yanii sii yiin leŋ ki teenin.

Aisaya 53:11

U biak dinu poor po ki u saa la parmaasir, ki bann nan u ki dii biak yann kaa. N toontunmɔnɔ nba ki n par mei u paak na saa gaar nisaarii bonchiann tubdatu, ki u paak n saa nyik chabib.

Aisaya 58:11

Ki n saa gar i tɔɔnn yoo kur, ki gboonti nan bonŋana. N saa turi paŋ nan laafia. I sii tee nan kpaab nba ki nyun be leŋ bonchiann nae, ki tee nan nyuntonn nba ki fɔɔt na.

Aisaya 61:11

Bonboorii nba tuu pia ki kpaat biaŋinba na, nnae ki Yabint Yennu saa tinn u niib, ki digbana kur niib saa pak dontɔ.

Aisaya 65:13

Ki n beeri nan binba jiantirin ki saak n mɔb na sii mɔk bonchiann ki di ki nyu, ŋaan yimm n sii be kon nan nyunnyukurue. Bi sii mɔk parpeenne, ŋaan ki yimm di fei.

Aisaya 66:14

Yi-i taŋi la ki linba na tuun yoo nba, i sii mɔk parpeenn, ki lin turi paŋ nan laafia. Ki i saa bann nan min Yennu sommit damm nba saak n mɔbe, ŋaan dia n datai na nan wutoor.”

Matiu 25:40

Ki min Bat mun tan saa jiin a ‘Barmɔniie ki n beeri na, yaa din tun linba ki tur wunba tee tatimɔɔ n naa waas sinsuuk ni na, i din tuun ki teen mine.’

Barŋanii nba ki LUK din sɔb nae na 12:4

“N yɔɔsnba, gbiintir, i daa tiin niib jaŋmaanii man, kimaan bi saa fit kpi i gbanant kuukɔɔe; ŋaan i kuun poorpo bi ji kan fit teeni siari.

Jɔɔnn 3:29

Poosɔrɔe tee wunba yen pooyookir. Wunba tee poosɔrɔ na yɔɔk, ki be u boor ki gbiin na, ŋɔɔe mɔk parpeenn, yoo nba ki u gbat poosɔrɔ na kunkɔr. Nnae ki n mun set mɔk parpeenn bonchiann Masia paak.

Toona 11:29

Yoo nba ki Yiisaweira gbat a kon yaa lin baa na, ki bi lor a bi saa tur sommir; a wunba fit nyann biaŋinba, wun tur Yiisaweira nba be Judea na.

Efesus teeb 5:18

Ii daa nyu daan ki yibi; ŋann saa biirie, ŋaan ii yabir i mɔŋ paak kii gbee nan Yennu Seyeeŋ.

Fiitu 22:17

Tɔn, ki Yennu Seyeeŋ nan Pegann na pooyookir na yet a “Baat.” Ki wunba gbatir n mun yet a “Baat.” Ki wunba kur ki nyunnyukuru soorɔ, wun baar; ki wunba loon nyun maŋ, wun gaar yann.

Barbuura 14:11

Filistia teeb nba lau na, ki bi te jab piintaa biar ki be nanɔ.

Barbuura 14:20

Ki bi jii Samsonn poo na ki tur u pookɔɔnt naasinyɔɔk na.