Yankpaŋii 4:9 - Yennu Gbouŋ Mɔɔr

⁹ N pooloŋir, n pooyookir, a ninbina nan tuliat nba ki a lia na yent n dudukita.

Yankpaŋii 4:9 Iomraidhean Croise

Pinpiik 20:12

U set tee n niipooe. U tee n baa bike, ŋaan u ki tee n naa bik kaa, ki n kɔɔnɔ.

Pinpiik 41:42

Ki kpanbar pit baŋ nba pir u niibir ni ki mɔk yiikoo dɔk na, ki pirin Joosef niibir, ŋaan lannɔ liatŋann, ki bia lannɔ salima laamm,

Yaŋ 45:9

Kpanbara bonpoi pukin pooburchimm nba be a ŋaak ni na po. Ki pooyookir na see a naangbouŋ diitu po, ki lia salima liant.

Barjokit 1:9

Bi wannu saa ŋamm a binbeŋ, ki lii tee nan faa tuu yir fokirŋaŋ, koo ki lia laamm ki lin faŋa na.

Barjokit 6:25

A daa te ki a niɔŋ kɔɔ bi fant na ni, ki daa te ki bi nanyuk-ningorsin na tee baruk ki tura ni.

Yankpaŋii 1:10

A yut nba sɔɔn a kpianii ni, ki sik a turu ni na fan nan tuliat nba ŋan nae.

Yankpaŋii 1:15

N yɔɔk, a mantik fan bonchiann, a ninbina na mantik nyirii ki mɔk lomm.

Yankpaŋii 3:11

Sayɔnn poob, baat ki tan barii kpanbar Solomonn. U yir naan fokirik nba ki u naa din yirimɔ, u pookɔɔnt daar nae, ki li tee u parpeenn nan kpinkpammuk daar na.

Yankpaŋii 4:10

N pooloŋir, n pooyookir, a lomm na manin, a lomm na ŋan gar daama, a tulaarii na nubiru man ki gar bonnunubit nba bewa.

Yankpaŋii 4:12

N pooloŋir, n pooyookir, a tee nan kpaab nba bɔr nae, ki tee nan kpaab nba ki bi maa joonn ki lintir, ki tee nan nyuntonn nba tee niyenɔkɔɔ yar na.

Yankpaŋii 6:12

Fine te ki a niɔŋ kɔɔn, ki n jekir nan taantoruk ŋmakit-tɔɔ nba teen siir nan tɔb na.

Yankpaŋii 6:5

Fi-i goriin, a niɔŋ tuu kɔɔme ki dian. A yut na liane ki tee nan buunii nba tuu yab, ki nyi Gilead kunkona paak ki siik biaŋinba na.

Yankpaŋii 7:10

N yɔɔke yenin ki nianin.

Aisaya 54:5

A nantɔɔ sii tee nan sɔrɔ nae ki tura. U sanne tee Yabint Yennu. Israel teeb kasii Yennu saa tinna, ŋɔɔe tee durinya na munn diatɔɔ.

Aisaya 62:5

Naasimɔ nba tuu ji sapaanmunn ki teenɔ u poo biaŋinba na, nnae ki a naamiidaanɔ saa kɔɔna. Naasimɔ par nba tuu mei u poo paak biaŋinba na, nnae ki Yennu par sii mei a paak.

Esekiel 16:11

ki pirima banii ki lanna tuliat,

Esekiel 16:8

“Maa bia ŋamm gar a boor yoo nba, ki n la nan a jaŋ jakunta, ki n jii n chinchenn ki dɔkin a payann na, ki sat mɔb nan n saa kɔɔna. Barmɔnii, ki n lor pookɔɔnt mɔlor nana, ki a teen n yɔɔ. Linba nae ki Yabint Yennu yet.

Daniel 5:7

Ki u te ki bi yiin nyɔkdamm nan ninnyɔdamm nan bannteeb, ki u yetib a, “Wunba fit karin sɔbinii na ki bia wann li paaki, n saa lannɔ naan liatir, ki bia lannɔ salima laamm nba mɔk baakir u turu ni. Ki u sii tee digbann na yiikoo daanɔ nba saa pukin bantaa ni.”

Sefania 3:17

I Yomdaanɔ Yennu be nani; u yiikooe teeni nyannu. U par sii peen i paak, ki u saa turi manfopaann, u lomm ni. U sii yiin yanii ki mɔk kpinkpammuk i paak.

Matiu 12:50

Wunba kur tuun n Baa Yennu nba be sanpaapo na loommu, ŋɔɔe tee n ninja, nan n niipoo, nan n naa.”

Jɔɔnn 3:29

Poosɔrɔe tee wunba yen pooyookir. Wunba tee poosɔrɔ na yɔɔk, ki be u boor ki gbiin na, ŋɔɔe mɔk parpeenn, yoo nba ki u gbat poosɔrɔ na kunkɔr. Nnae ki n mun set mɔk parpeenn bonchiann Masia paak.

1 Korint teeb 9:5

Ti bia ki mɔk yaak nba saa jii ti poob kii lin namm, nân toomiinba siab, nan Piita, nan ti Yomdaanɔ naa waas nba tee biaŋinba na-a?

2 Korint teeb 11:2

N looni bonchiann nan Yennu nba looni biaŋinba na. I tee nan sapaamɔ nba ki mi jɔɔ nae, ki n loon ki n jii-i ki tur Masia ki yii waa ŋɔɔ kuukɔɔ.

Fiitu 21:2

Ki n la Yennu doo nba tee Jerusalem paann na, ki li nyii Yennu boor Yendɔuŋ ni, ki siik, ki tee nan pooyookir nba tuu teen siir ki faŋit u mɔŋ ki tookit jɔɔ nba yaa wun kɔɔnɔ na.