Yankpaŋii 4:1 - Yennu Gbouŋ Mɔɔr

¹ N yɔɔk, a mantik fan bonchiann. A ninbina nba ki saarik dɔɔk na nyirii nan lomm, ki a yut na lian ki tee nan buunii nba tuu yab ki nyi Gilead kunkonn paak ki siik biaŋinba na.

Yankpaŋii 4:1 Iomraidhean Croise

Yaŋ 45:11

A fante saa te kpanbar na loona, turimɔ baakir, kimaan ŋɔɔe tee a chanbaa.

Yankpaŋii 1:15

N yɔɔk, a mantik fan bonchiann, a ninbina na mantik nyirii ki mɔk lomm.

Yankpaŋii 2:10

Ki n yɔɔk maŋ ji piak nanin. N yɔɔk, ii saana. N yɔɔk, baat ki tin tɔk saan.

Yankpaŋii 2:14

A tee nan ŋmandajuuk nba bɔrii tanfiat ni biaŋinba nae. Ŋaant ki man la a ningorsin nba ŋan na, ki bia te ki n gbat a kunkɔr nba man na.

Yankpaŋii 6:5

Fi-i goriin, a niɔŋ tuu kɔɔme ki dian. A yut na liane ki tee nan buunii nba tuu yab, ki nyi Gilead kunkona paak ki siik biaŋinba na.

Yankpaŋii 6:7

A tankpina nba ki saarik dɔɔk na nyiriie.

Yankpaŋii 7:5

A yur goone nan Kamel kunkonn na. A yupiankar nyiriie nan chinchennyinyir na, ki li fant saa fit kɔɔn kpanbar niɔŋ.

Jeremaya 22:6

“N boor ni, Juda naan ŋaak na fan nan Gilead tiŋ koo Lebanonn jɔjaana nae, ŋaan n saa teenir tin-yann nba ki sɔɔ kan kar leŋe.

Esekiel 16:14

Digbana kur gbat a fant po, kimaan mine te ki a mantik fan.” Linba nae ki Yabint Yennu pak.

Maika 7:14

Yennu, i tee nan pekpaarik na, kii gorii a niib, niib nba ki a gannib na. Baa lek bɔkit ki kɔɔ kunkoouk paak na, ŋaan tinkpiasir be ki lintiba. Ŋaant ki bin saan kii di Basann nan Gilead tinkpiasir na ni, nan baa din tuu di sianyoo biaŋinba na.

Nikant 32:1

Rubenn nan Gaad booru din mɔk bonkobit bonchiann, ki bi la nan Jaser nan Gilead tiŋ ŋan nan bonkobit joonn,

Nikant 32:40

Ki Moses jii Gilead tiŋ ki tur Makir naakuuk, ki bi kɔɔ leŋ.

Matiu 11:29

Ii sak n weiu man, kii tumii n wannu, ki i saa la foon, kimaan n tee sikin-n-mɔŋ daanɔe, ki n par mei.

2 Korint teeb 3:18

Li paak, chinchenn maŋ ji ki dɔɔk ti numm po, ki ti laat ti Yomdaanɔ nba mɔk ŋant bonchiann biaŋinba, ki li kpintit ki ti naanɔ, ki ti ŋant bia pukii yoo kura, ki ŋant maŋ nyi ti Yomdaanɔ nba tee Seyeeŋ na boore.