Yankpaŋii 1:8 - Yennu Gbouŋ Mɔɔr

⁸ Fin sapaan-ŋanchintiliŋ na, a ki mi maa kpaar pei siaminba-a? Ii saa kii waa pei na taaboot; a lon siaminba ki a saa kpaar a buunii, ki lii kpia pekpaarii lanbont na.

Yankpaŋii 1:8 Iomraidhean Croise

Yaŋ 16:3

Yennu niib nba teenɔ yada na, ŋamme be fanu. N parmaasir kur tee mii be bi boore.

Yaŋ 45:11

A fante saa te kpanbar na loona, turimɔ baakir, kimaan ŋɔɔe tee a chanbaa.

Yaŋ 45:13

Kpanbar pooyookir be ŋaak nie, ki fan bonchiann ki lia salima liant.

Barjokit 8:34

Wunba gbiin n maan ki be n ŋaayaŋir gann boor ki guu yoo kur, u sii mɔk parpeenne.

Yankpaŋii 1:15

N yɔɔk, a mantik fan bonchiann, a ninbina na mantik nyirii ki mɔk lomm.

Yankpaŋii 2:10

Ki n yɔɔk maŋ ji piak nanin. N yɔɔk, ii saana. N yɔɔk, baat ki tin tɔk saan.

Yankpaŋii 4:1

N yɔɔk, a mantik fan bonchiann. A ninbina nba ki saarik dɔɔk na nyirii nan lomm, ki a yut na lian ki tee nan buunii nba tuu yab ki nyi Gilead kunkonn paak ki siik biaŋinba na.

Yankpaŋii 4:10

N pooloŋir, n pooyookir, a lomm na manin, a lomm na ŋan gar daama, a tulaarii na nubiru man ki gar bonnunubit nba bewa.

Yankpaŋii 4:7

N yɔɔk, a fan bonchiann, ki a siar po ki gbeen.

Yankpaŋii 5:9

Poo nba mantik fan ki gar poo kur na, a yɔɔk na mɔk bɔkitu nan jaleeb nba be nawa-a? Bia bonte be u ni, ki teen bakitnauŋ, ki a loon ki tin sat mɔb nana ni?

Yankpaŋii 6:1

Poo nba mantik fan ki gar poob kur na, a yɔɔk na saan lee. A betit sɔnu nba ki a yɔɔk na tɔkin, ki lin te tin fit somma ki a kpaanɔ.

Jeremaya 6:16

Ki Yennu yet u niib a, “Setir sɔnpaata ni man kii gorii. Ii boi sɔnkperii po ki la sɔnchinchibir nba be sian. Tɔkint sɔnu maŋ man, ki i saa la parmaasir.” Ŋaan ki bi jiin a, “Aaii, ti kan tɔkini.”

Jɔɔnn 21:15

Baa din dii jeet maŋ poorpoe, ki Yiisa boi Simonn Piita a, “Simonn, fin Jɔɔnn bija, a loonin ki gar linba nawa-a?” Ki u jiin a, “Nn, n Yomdaanɔ, a mi nan n loona.” Ki u yetɔ a, “Ii dint n pebis.”

1 Korint teeb 11:1

Li paak, ii waa n binbeŋ nan maa waa Masia binbeŋ biaŋinba na.

Efesus teeb 5:27

ki jiin teemm u mɔŋ nuu ni nan fant, ki bi fant na daa mɔk dansiari, kii biaki tee popeendamm, ki daa mɔk biit nan waama.

Hiibru teeb 13:7

Ii tian man i yudamm nba din tuu piak Yennu maan ki teeni na po; kii dukii bi binbeŋ nyɔɔt nba tee biaŋinba, kii tokii bi yada.

Hiibru teeb 6:12

Ti ki loon ki yii tee gbannyakdammi, ŋaan ti loon ki yii tee binba teen Masia yadae, kii mɔk sukuru, ki tan gaar linba ki Yennu senn mɔsonn li po na.

Jeems 2:21

Ti yeeja Abraham nba din jii u bik Aisak ki paanɔ binbintir paak a wun kpiu ki mann maruŋ ki tur Yennu na, toonn maŋ paake ki Yennu din yet a u tee niŋanɔ u boor.

Jeems 2:25

Li din tee nnae mun ki tur poochonchonn nba sann din tee Rahab na. Waa din gaar toomiinba nba ki Israel teeb din tumm, ki bia wannib sɔnu nba ki bi tɔkin ŋmat kun na, u toonn maŋ paake ki Yennu din yet a u tee niŋanɔ u tɔɔnn.

Jeems 5:10

N naa waas, Yennu sɔkiniinba nba din pak u sann ni na, gotir baa din laat biak ki mɔk sukuru biaŋinba, ki lii tee wannu ki turi.

1 Piita 3:6

Nnae ki Sara din saak u sɔrɔ Abraham mɔb ki yiu u yomdaanɔ. Li-i tee ki i tuun ki li ŋan, ki ki tiin siari, ŋann i tee Sara maŋ bonpoie.