Yankpaŋii 1:5 - Yennu Gbouŋ Mɔɔr

⁵ Jerusalem poob, n bɔne, ŋaan mɔk fant, n bɔnu tee nan Kedar niib lanbont nba be kunkoouk paak biaŋinba nae, ŋaan fan nan jinjɔnii nba be kpanbar Solomonn ŋaak ni na.

Yankpaŋii 1:5 Iomraidhean Croise

Yaŋ 120:5

Maa be i boor na, li ton nan maa sii be Mesek tiŋ ni nae, koo nan Kedar teeb boor ni benu nae.

Yaŋ 149:4

Yennu par mei u niib paake, ki u teen sikin-n-mɔŋ damm na nyannu.

Yaŋ 45:9

Kpanbara bonpoi pukin pooburchimm nba be a ŋaak ni na po. Ki pooyookir na see a naangbouŋ diitu po, ki lia salima liant.

Yaŋ 90:17

Ti Yomdaanɔ Yennu, ŋaant ki a piisim-ii be nant, ki te ki tin nyann linba kur ki ti tuun ni.

Yankpaŋii 2:14

A tee nan ŋmandajuuk nba bɔrii tanfiat ni biaŋinba nae. Ŋaant ki man la a ningorsin nba ŋan na, ki bia te ki n gbat a kunkɔr nba man na.

Yankpaŋii 2:7

Jerusalem poob, satir mɔb nanin. Ii sat mɔb, piarɔ nan kɔɔk nba tiin bonchiann na sann ni nan i kan te lomm n baar, ŋaan ki li yoo daa ki baari.

Yankpaŋii 3:10

U din jii salimpeenae ki pɔr li dasenta, ki pɔr li musura po nan salimmɔna, ki jii chab mɔnwuwur nba ki Jerusalem poob nyar nan burchint na, ki paan u kok na paak.

Yankpaŋii 3:5

Jerusalem poob, satir mɔb nanin, ii sat mɔb nan piarɔ koo kɔɔk nba tiin bonchiann na sann ni nan i kan te lomm n baar, ŋaan ki li yoo daa ki baari.

Yankpaŋii 4:3

A mɔgbana mɔne nan kpinkpamɔnn na. Fi-i piak yoo nba, ki li mɔk fant. A tankpina nba ki saarik dɔɔk nan nyiriie.

Yankpaŋii 5:16

Ki u mɔgbana na mɔɔtu man; ki u gbanant kur po ŋan. Jerusalem poob, n yɔɔk nba naan biaŋinbae na.

Yankpaŋii 5:8

Jerusalem poob, ii sat mɔb nanin nan li-i tee ki i la n yɔɔk na, i saa betɔ nan u niɔŋ te ki n baŋa.

Yankpaŋii 6:4

N yɔɔk, a mantik fan nan Jerusalem nba fan biaŋinba nae; ki bia fan nan Tirsa doo na, ki a fant na mantik teen yaarlituk.

Yankpaŋii 8:4

Jerusalem poob, satir mɔb nanin nan i kan te lomm n baar, ŋaan ki li yoo daa ki baari.

Aisaya 21:16

Ki Yennu pakin a, “Binyenn kɔɔ nie ki Kedar booru kur yiikoo tan saa gbenn.

Aisaya 53:2

Li din tee Yennu lomme nan u toontunnɔ n kpaat nan bonpipiɔk na, ki baa jiina tinkooŋ ni. U din ki mɔk sanjaann koo fant nba saa te ki ti niɔŋ n kɔɔu. Fant siar din kaa u paak. Siar din kaa ki saa te tin nakinɔ.

Aisaya 60:7

Ki bi saa baar nan Kedar nan Nebayof pei kur a boor, ki li tee maruŋ, ki mannir binbintir paak, ki lin maŋ Yennu. Ki Yennu saa faŋ u ŋasaakak na, ki lin gar laa tuu tee.

Aisaya 61:10

Jerusalem kpamm linba ki Yennu tun na paake. U tee nan pooyookir nba tuu lia tiat ki teen siir nan chiann nae. Yennu-e turɔ tinnu nan nyannu.

Esekiel 16:14

Digbana kur gbat a fant po, kimaan mine te ki a mantik fan.” Linba nae ki Yabint Yennu pak.

Esekiel 27:21

Ki Arabia teeb nan Kedar tiŋ diateeb gaan a tiat, ŋaan pa pebis nan pei nan buunii li paak.

Matiu 10:25

Li ŋan ki tumiitɔɔ binbeŋ-ii tee nan u wanntɔɔ binbeŋ na; ki daabir binbeŋ-ii munii tee nan u yomdaanɔ binbeŋ na. Bi-i taŋi pur ŋaadaanɔ narinbiit bat Beelsebul-i, bi ji sii yi u ŋaateeb bia?

Matiu 22:11

“Tɔn, ki bat na tan kɔɔ a wun gɔn poochiann niib maŋ, ki la jɔɔ nna ki u foo bi sinsuuk ni ki ki lia poochiann jaamm tiati.

Barŋanii nba ki LUK din sɔb nae na 13:34

“Jerusalem teeb, nbaayoo-o, yimm nba kpi Yennu sɔkiniinba, ki bia jaat u toomiinba nba ki u tumm i boor ni na tana, bikinu taar munŋaae ki n gbaa maa n lakini yomm, nan korik nba tuu lakin u kobis u kpinkpant ni na, ki i ki saki.

Barŋanii nba ki LUK din sɔb nae na 15:22

Ŋaan ki u baa yet u daaba na a, ‘Teent yiama ki jii taŋant, nan baŋ, nan taasaat, ki lannɔ, ki bia pirimɔ baŋ nan taasaat na,

Rom Teeb 13:14

Ii tee nan ti Yomdaanɔ Yiisa Masia nba tee biaŋinba na, ŋaan nyik i gbanant loonbiit, ki ji daa dukii li po.

2 Korint teeb 5:21

Kimaan ti paake ki Yennu din te ki Masia, wunba ki mi tun biit na, set timm biitdamm seenu ni, a tin la yentinu binbeŋ ŋɔɔ Masia ni.

Galasia teeb 4:26

ŋaan sanpaapo Jerusalem na tee yent-n-mɔŋ dooe, ki bia tee ti naa;

Efesus teeb 5:26

U din tun linba na, ki bia jii Yennu barii nan nyun ki wurib, a wun ŋammib fanu

1 Jɔɔnn 3:1

Lek gotir man lonbooru nba ki ti Baa Yennu mantik loont na. U lomm maŋ yab bonchiann, ki u teent u waas, ki ti set mun tee u waase. Ŋaan tingbouŋ na ŋaateeb ki mi taa tee nibooru nba, kimaan bi ki mi Yennu.