Yankpaŋii 1:16 - Yennu Gbouŋ Mɔɔr

¹⁶ N yɔɔk, a mantik ŋan bonchiann; a mantik maant n par. Mɔmaata nae sii tee ti dɔɔnu,

Yankpaŋii 1:16 Iomraidhean Croise

Yaŋ 110:3

Daar nba ki a saa kɔn nan a datai na, a niib saa somma. A naasimm saa nyi ki baar a boor, kasii kunkona na paak nan marin nba tuu baa sanyiɔk ni na.

Yaŋ 45:2

Fine tee jafaŋ ki gar jab kur, ki Yennu teen piisin a paak, ki a mɔb farik nan maan paku.

Yankpaŋii 1:15

N yɔɔk, a mantik fan bonchiann, a ninbina na mantik nyirii ki mɔk lomm.

Yankpaŋii 2:3

Tilontii nba ŋan ki gar tilei biaŋinba na, nnae ki n yɔɔk fan ki gar jaleeb. N loon ki mii kaar u maasu, ki u lɔɔna na-ii man n mɔb ni.

Yankpaŋii 2:9

N yɔɔk tee nan kɔɔk koo pajak nba tee biaŋinba nae, ki see kpia joonn ki got gaan takoru ni, ki gorii diiuk na ni.

Yankpaŋii 3:7

Solomonn-e baat, ki kar u naan kok paak, ki bi jiiu, ki Israel teeb kunkɔnkɔnjaana piinloob be u boor.

Yankpaŋii 5:2

N dɔɔr gɔɔne, ki damii damiit, ki li damiit ni ki n yɔɔk koon n tammɔb. N yɔɔk, ŋaant man kɔɔ. N pooloŋir, a tee nan ŋmann nae n boor. Marin borik n yura, ki n yut borik nan sinsamiin.

Yankpaŋii 5:5

Ki n bo teen siir nan man te ki wun kɔɔ. Ki bonnunubit nba tee mir na pɔr n nii, ki n niibira maan mir nyun, yoo nba ki n soor ganlootir na.

Yankpaŋii 7:6

A mɔk fant, ki ŋan bonchiann, ki gbee nan lomm.

Sekaria 9:17

Tiŋ na sii ŋan ki bia kpai bonchiann, ki nipaauŋ na saa di tiŋ na jeet, ki nyu li daan, ki kpaat nan paŋ.