Yaŋ 99:5 - Yennu Gbouŋ Mɔɔr

⁵ Ii dont ti Yomdaanɔ Yennu man; ii jiantɔ, u naangbouŋ boor. U tee kasii daanɔe.

Yaŋ 99:5 Iomraidhean Croise

1 Barkperii 28:2

Kpanbar Defid din fiir set bi tɔɔnne ki yet a, “N naa waas nan n niib, gbiintir ki turin. N loon ki n maa ŋaake ki lii tee ti Yomdaanɔ Yennu mɔlor lakir nba tee u taakpakitir na dindɔɔboor. N teen siir nan min maa ŋaak ki baakɔwa,

Yaŋ 107:32

Bin mɔɔnt nibur ni ki wann u yabint nba tee, ki dont u sann, tɔɔndamm boor.

Yaŋ 108:5

Yennu, want a yabint sanpagbant niŋ nan a paŋ tingbouŋ na kur po.

Yaŋ 118:28

Fine tee n Yennu, ki n teena niipoouk. Fine tee n Yennu, ki n saa mɔɔnt a yabint.

Yaŋ 132:7

ki ti yet a, “Ŋaant ki tin saan Yennu ŋasaakak ni; ŋaant ti jiantɔ, u naangbouŋ boor.”

Yaŋ 21:13

Yennu, ti piak dontira, kimaan a panchiɔŋ paak. Ti saa yin yaŋ, ki dont a sann.

Yaŋ 34:3

Taantin ki tin pak Yabint Yennu. Ŋaant ki tin lakin dont u sann.

Yaŋ 99:3

Sɔɔ kur saa dont u sanjaann na. U tee kasii daanɔe.

Yaŋ 99:9

Ii dont ti Yomdaanɔ Yennu man, ki jiantɔ, u kasii kunkonn na paak, kimaan ti Yomdaanɔ Yennu tee kasiie.

Nyinu 15:2

Yennu-e tee paŋ daanɔ nba kɔn n paak. Ŋɔɔe tee wunba tinnin. Ŋɔɔe tee n Yennu, ki n saa dontɔ, ŋɔɔe tee n baa Yennu, ki n saa yin yaŋ ki jiin u yabint po.

Aisaya 12:4

Daar baate ki niib saa yin yaŋ na a, “Turin Yennu niipoouk. Yiintɔ ki wun somma. Pakin digbana kur, waa tun linba. Wantib u yiikoo nba jan.

Aisaya 25:1

Yennu, fine tee n Yomdaanɔ, n saa tura baakir ki dont a sann. A tun yaarlituk toonawa; a gbeen lora nba ki a din lor sianyoo nawa.

Aisaya 66:1

Ki Yennu yet a, “Sanpaak tee n naangbouŋo, ki tingbouŋ na mun tee n taakpakitir. Ŋaboorbee ki i saa maa turimi? Binbebolanne ki n sii be leŋi?

Hosea 11:7

N niib na lor nan bin yêtime. Bi saa bui sanpaapo, kimaan jikir nba be bi paak na, ŋaan sɔɔ kaa ki saa jikitibi.

Liifai teeb 19:2

a wun bet Israel teeb a, “Ii tee kasii man, kimaan min, i Yomdaanɔ Yennu tee kasiie.