Yaŋ 92:3 - Yennu Gbouŋ Mɔɔr

³ ki jii bonmumɔɔt nan naagbai ki yin yanii ki donta.

Yaŋ 92:3 Iomraidhean Croise

1 Barkperii 13:8

Ki Defid nan Israel teeb kur jerin ki kpamm nan bi para kur ki teen Yennu. Bi din yiin yaniie, ki faa bonmumɔɔt, li biat nan gingana nan siiyakii nan naatuna nan naamai.

1 Barkperii 15:16

Defid din yet Liifai naakuuk ni saakab nae, a bin gann bi ninjamm nba sii tee yanyinna, ki bii yiin parmaasir yanii, kii faa bonmumɔɔt, li kɔna nan yerii nan gingana.

1 Barkperii 23:30

ki bia tee bin set ki tur Yennu niipoouk, ki pakɔ sanyiɔk ni nan daajoouk kur,

1 Barkperii 25:6

Hemann bonjai na kur din tuu faa duunii nan kɔnae, ki bi baa Hemann ŋmakitirib jiantii yoo, Yennu ŋasaakak ni. Asaf nan Jedutunn nan Hemann din tuu gaan ŋmakita kpanbar boore.

2 Barkperii 20:28

Baa baar doo na ni yoo nba, ki bi somm chunchuuntuk ki kɔɔ Yenjiantu ŋasaakak na ni, ki yiin yanii ki faa biat, ki bia peeb naatuna.

2 Barkperii 23:5

ki bɔkitu muntaa na ni yenn saa guur kpanbar ŋaak, ki binba biar na saa guur Fiakir Tammɔb. Niib na kur saa taan leeb kii be Yenjiantu ŋasaakak na dindonjouk nie.

2 Barkperii 29:25

Kpanbar na din wei sennu nba ki Yennu tur u sɔkinii Gaad nan u sɔkinii Natann, ki bi din wann kpanbar Defid nae, ki senn Liifai teeb ŋasaakak na ni, ki bi dia naatuna nan duunii nan kɔna.

Nehemaya 12:27

Yoo nba ki bi din jii Jerusalem doo joonn ki tur Yennu na, ki bi tun siaminba kur ki Liifai teeb be, ki yiimm a bin taan tintaanu ki jiin baa jikin joonn na ki teen Yennu na po, ki yin niipoturu yanii nan bonmumɔɔt nba tee duunii nan kɔna.

Yaŋ 149:3

Ii waa waak kii dont u sann, ii faa gingana nan kɔna ki dontɔ.

Yaŋ 33:2

Ii faa kɔnn ki tur Yennu niipoouk. Ii yin yaŋ ki faa biɔk ki turɔ.

Yaŋ 42:9

N yet Yennu, wunba tee n guutɔɔ na a, “Bee ki a tamm n po? Bee ki n sii lin di fara, ki n datai dia ki ŋmaŋitimi?”

Yaŋ 57:8

N seek, fiit ki faa kɔnn nan bonmumɔɔt. N saa fiir sanyafaare ki faa.

Yaŋ 68:25

ki yanyinna be tɔɔnn po, ki binba peeb bonpipebit joont poor, ki sapaamm nba jeen naayaka foo sinsuuk ni.

Yaŋ 9:16

Yennu kasii buut niŋe ki u fiit u mɔŋ ki wann. Ŋaan biit damm na tuu baa bi tiɔŋ toona nie.

1 Samuel 10:5

Ki li poor po ki a saa saan Yennu kunkonn nba be Gibea na boor, leŋe ki Filistia teeb teen bi kaaŋ. A sakii kɔɔ doo na tammɔb ni, a saa chet Yennu sɔkiniinba, ki bi yaba, ki nyii maruŋ binbintir nba be kunkonn paak na, ki faa gingana nan biat, ki peeb naatuna nan yerii, ki waa ki yikin wuyikinii.