Yaŋ 9:9 - Yennu Gbouŋ Mɔɔr

⁹ Yennu-e tee binba di biak na sindandiiuk. U boore tee gungurboor ninmɔnn yoo.

Yaŋ 9:9 Iomraidhean Croise

1 Barkperii 16:33

ki lin te tiinii nba be fɔɔr ni na n yin yanii. Bi saa yin yanii nan parpeenne ki tur Yennu, kimaan u baat a wun bu tingbouŋ na buute.

Yaŋ 108:12

Sommitit, ki nyinnit ti datai nuu ni; nisaarik sommir ki mɔk siara nyɔɔti.

Yaŋ 142:4

Mi-i got ki lint n mɔŋ, n ki laat wunba saa sommin ki nyinnin, sɔɔ baka kaa n po.

Yaŋ 18:2

Yennu-e tee n guutɔɔ, ŋɔɔ tee n digbanpaarir, ki mi-i be u boor, n be n yamaniŋe. U guun nan naagbankɔŋir nae, ki kɔn n paak, ki dian fanu.

Yaŋ 20:1

Yennu n gat a miaru, yoo nba ki a be daamii ni. Ŋɔɔ nba tee Jakɔb Yennu na-ii guua,

Yaŋ 32:7

Fine tee n gungurboor, ki a saa nyinnin wahala ni. N saa yin yaŋ nan kunkɔpaarir, a tinnu na paak, kimaan fine guun.

Yaŋ 37:39

Yennu-e tint niŋamm, ki guub yoo nba ki bi be fara ni.

Yaŋ 46:1

Yennu-e tee ti paŋ daanɔ nan ti guutɔɔ, ki teen siir nan wun sommit daamii ni, yoo kur.

Yaŋ 46:7

Yabint daanɔ Yennu be nant, wunba tee Jakɔb Yennu na, ŋɔɔe tee ti gungurboor.

Yaŋ 48:3

Yennu be doo maŋ ni, ki wann nan yamani benu be u boor.

Yaŋ 50:15

Ii tuu yiin min Yennu yoo nba ki i la daamii, ki n saa fati, ki i sii baakitin.”

Yaŋ 62:8

N niib, teent Yennu yada yoo kur, ki betɔ i daamii kur, kimaan ŋɔɔe tee ti sindandiiuk.

Yaŋ 67:5

Yennu, ŋaant niib kur n donta, ki bia te niib kur n paka,

Yaŋ 7:9

A tee popeenn Yennu-e, ki bu ti para ni nan ti dudukit ni buut. Potir nɔɔntont damm binbeŋ na, ŋaan tur niŋamm na nyɔɔt.

Yaŋ 96:10

Pakin ki tur digbana kur a, “Yennu-e tee kpanbar. Tingbouŋ na see-e kenken ki kan ban nyat; u saa jii mamɔmme ki bu niib buut.”

Yaŋ 98:9

kimaan u baate a wun bu niib buut. U saa dia durinya na nan mamɔmm nan ŋante.

Barjokit 18:10

Yennu tee nan difoouk nba mɔk paŋ nae, ki tee siaminba ki popeenn damm saa kɔɔ la tinnu.

Aisaya 32:2

Bi tan sii tee nan wondɔkitir, koo satekitir nae. Bi sii tee nan kpenii nae ki puub kunkoouk paak, ki bia tee nan tinperik paak tanjagbouŋ yunyuŋ na.

Aisaya 8:14

N kasii binbeŋ nba mɔk jaŋmaanii na paak te ki n tee nan tann nba ki bi gbiatir baa na. N tee nan baruk nae ki saa soor Juda nan Israel tingbant, nan Jerusalem doo niib.

Nahum 1:7

Yennu ŋan, u guu u niib daamii-i baar yoo nba, ki u baka be damm nba baar u boor ni po.

Barŋanii nba ki LUK din sɔb nae na 13:34

“Jerusalem teeb, nbaayoo-o, yimm nba kpi Yennu sɔkiniinba, ki bia jaat u toomiinba nba ki u tumm i boor ni na tana, bikinu taar munŋaae ki n gbaa maa n lakini yomm, nan korik nba tuu lakin u kobis u kpinkpant ni na, ki i ki saki.

Sennu 33:27

Yennu nba tun be na yɔɔ tee i sindant boore, ki u nuu yɔɔ teebi. Ki u saa ber i datai ki bin fɔkit ŋaan nyiki, ki beti a yin biir bi kur.

Hiibru teeb 6:18

Tɔn, bona ŋanlee nba kaa lebitu na be ki wann nan Yennu set saa gbeen u mɔsonn maŋa. Li paak, timm nba chiar saan u boor ki tinn na mɔk parcheenn, ki gaar dindann nba be ti tɔɔnn po na chib.