Yaŋ 83:4 - Yennu Gbouŋ Mɔɔr

⁴ ki yeen leeb a, “Ii saana man ki tin boont digbann na, ti daa te ki Israel sann ji puuri.”

Yaŋ 83:4 Iomraidhean Croise

Nehemaya 4:2

ki yet u leeb nan Samaria kunkɔnkɔnna na numm ni a, “Juu teeb nba tee bonbutimii na dukii a bi tuun bee? Bi lor a bin ŋamm maa doo nae-e? Bi dukii nan bi maruŋ nae saa te ki bin gbenn toonn na dayenn kɔɔ-ɔ? Bi saa fit nyinn tanmaakara tangbiinkpeka nba dii muu na niwa-a?”

Yaŋ 74:8

ki yet bi para ni a bi saa biirite fas fas, ki joo kasii boor kur muu, tingbouŋ na ni.

Nyinu 1:10

Li ki kɔɔ tɔb n tan baar ki bin taan ti datai po ki kɔn nant, ŋaan chiar nyi tiŋ na ni. Li tee tin lon sɔnsaue ki te ki bi daa pɔt ki yabitiri.”

Barjokit 1:12

Bi sii mɔk manfoor nan laafia yoo nba ki ti lab na, ŋaan ti-i lekib gbenn yoo nba bi ji sii tee nikpeenae.

Jeremaya 11:19

Ki n tee nan pegann nba ki bi saa nanɔ a bin kɔtɔ na, ŋaan ki n ki mi nan n paake ki bi lorin lorbiiuk na ki yeen a, “Ŋaant ki ti chɔɔ tiik na nan u lɔɔna ki lu. Ŋaant tin kpiu, ki sɔɔ ji daa mi tian u po.”

Jeremaya 31:36

U senn mɔsonn a durinya ŋaak bona nba be li seenu ni ki yukii biaŋinba na, nnae ki Israel sii tee digbann ki yukir.

Jeremaya 48:2

Moab fant na bota. Datai nyann Hesbonn-a, ki lorin a bin biir Moab teeb na. Madmenn doo na ji sii ŋmine. Jab saa saan ki lekir.

Esekiel 38:10

Mɔmaan nba nae ki Yabint Yennu beer Gog a, “Li-i tee ki li yoo baar, a saa dukin ki lor lorbiit.

Daniel 7:25

Ki u saa pak biir Yabint Yennu, ŋaan te Yennu niib n di biak. U saa yabir a wun lebit Yenjiantu sennii nan li jaamm. Ki Yennu niib sii be u paŋ ni bina ŋantaa nan ŋmaarii ŋanloob.

Toona 4:17

ŋaan ŋaant man ki tin kpaamm, ki bi ji daa mi yi Yiisa sann ki teen niibi, ki Yiisa maan maŋ ji daa bia yat ki saa niib boor.”

Joosua 9:2

Ki bi taan mɔb, ki jii bi kunkɔnkɔnna a bin kɔn nan Joosua nan Israel teeb na.