Yaŋ 8:1 - Yennu Gbouŋ Mɔɔr

¹ Yennu, fin nba tee ti Yomdaanɔ na, tingbouŋ na munn laat a yabint nba tee biaŋinba. A dontir do ki baat sanpagbant.

Yaŋ 8:1 Iomraidhean Croise

1 Kpanbara 8:27

“Ŋaan Yennu, a set saa fit kii be tingbouŋ na paaka-a? Sanpaak na kur gbaa ki yarin ki jaŋ nan fii be leŋi, ki nlee ŋasaakak nba ki n maa na sii yarin ki jaŋani?

Yaŋ 145:1

Yennu nba tee n kpanbar, n saa mɔɔnt a yabint; n saa tura niipoouk mɔkmɔk nan mɔkmɔk.

Yaŋ 148:13

ŋaant ki bi kur n pak dont Yennu sann. U sann yab ki gar sanlia kur, ki u baakir yab ki gar sanpaak nan tingbouŋ na kur.

Yaŋ 36:5

Yennu, a lomm nba be yoo kur na saa tuut sanpaake, ki a ŋant yat sanpagbant ni,

Yaŋ 57:5

Yennu, want a yabint sanpagbant ni, ki ŋaan a baakir-ii be tingbouŋ na kur po.

Yaŋ 63:1

Yennu, fine tee n Yennu. N loon fine. Nan tinkooŋ nan tinsaatik nba tuu loon nyun na, nnae ki n gbanant nan n seek kur kpenn a paak.

Yaŋ 68:4

Yinin yanii ki tur Yennu, yinin ki dont u sann, yinin ki dont daanɔ nba jaak sanpagbouŋ paak; ki u sann tee Yennu na. Ii mɔk parpeenn u tɔɔnn.

Yaŋ 8:9

Yennu, fin nba tee ti Yomdaanɔ na, tingbouŋ na munn laat a yabint nba tee biaŋinba.

Yaŋ 81:1

Yinin yaŋ sanpaapowa nan kpinkpammuk ki tur ti guutɔɔ Yennu. Yinin dontir yaŋ ki tur ŋɔɔ Yennu nba ki Jakɔb din jiantir na.

Yaŋ 84:1

Yabint daanɔ Yennu, a ŋasaakak mantik ŋan bonchiann.

Nyinu 15:11

“Yennu, yenlanɔpoe tee nan fin na? Ŋmee tee nan fin nba tee kasii yaa kasii na? Ŋmee saa fit tun yaarlituk nan paŋ toona nan fin na?

Yankpaŋii 5:16

Ki u mɔgbana na mɔɔtu man; ki u gbanant kur po ŋan. Jerusalem poob, n yɔɔk nba naan biaŋinbae na.

Aisaya 26:13

Ti Yomdaanɔ Yennu, siabe tuu diat, ŋaan fin kuukɔɔe tee ti Yomdaanɔ.

Habakuk 3:3

Yennu bia saa nyi Edom poe ki jen; kasii Yennu na saa nyi Parann kunkona na poe ki baar. U yentsaakar na piin sanpaaka, ki tingbouŋ na gbee nan u dontir.

Matiu 22:45

Li paak, Defid nba din yiin Masia a ‘Yomdaanɔ’ na, nlee ki Masia tee ŋɔɔ Defid yaaboonni?”

Jɔɔnn 20:28

Ki Tomas yetɔ a, “Fine tee n Yomdaanɔ ki bia tee n Yennu.”

Efesus teeb 4:10

Ŋɔɔ nba din sik tingbouŋ na ni maŋe bia doo sanpanaagbeŋ a wun gbee yent durinya na.

Sennu 28:58

“Li-i tee ki i ki wei Yennu sennu nba sɔb gbouŋ na niŋ fanu, ki bia ki baakit i Yomdaanɔ Yennu bakitnauŋ sanjaann na,

Filipi teeb 3:8

Li ki tee li kuukɔɔ kaa ki mɔk nyɔɔt turimi; min yiin bonsiar kura linba kaa nyɔɔte; kimaan maa bann n Yomdaanɔ Yiisa Masia, ki li bannu nyɔɔt yab bonchiann na paak, kimaan u paake ki n fok bonsiar kur ki lu; min yi li kur tanpenn paak mɔɔte, maa n tan la Masia nan n ninbinn,

Hiibru teeb 7:26

Li paak, Yiisa-e tee ti manntɔyudaanɔ nba sommitit, taa loon biaŋinba. Ŋɔɔe tee popeendaanɔ, ki ki mɔk bisiati; u be u kɔɔe ki ki tee nan biitdamm na, ki Yennu donnɔ ki gar Yendɔuŋ ni teeb kur.

Fiitu 19:6

Ŋanne ki n bia gbat kunkɔsiar, ki li fu nan nibur nba tuu piak ki fu na, ki bia fu nan sutik ni nyun na, ki bia fu nan satiangbeŋa na ki yeen a “Haleluya, kimaan ti Yomdaanɔ Yennu nba mɔk paŋ kur na tee Kpanbar.