Yaŋ 69:8 - Yennu Gbouŋ Mɔɔr

⁸ Ki n tee nan saamɔ na, n ninjamm boor, ki bia tee nan boorganu na, n ŋaateeb boor.

Yaŋ 69:8 Iomraidhean Croise

Yaŋ 31:11

Ki n datai kur, mantik n leeb na, dian diabiike. Binba min fanu, ki bi tiinin jaŋmaanii, bi-i lan sɔnu ni, bin chiar.

Yaŋ 38:11

Ki n yɔɔsnba nan n tɔknanleeb tiinin, nan n ŋaateeba ki nakiin, kimaan n nara na paak.

Yaŋ 89:51

Yennu, a dataie sukii a kpanbar ganntɔɔ na. Siaminba kur ki u saa, ki bi waa sukiiɔ.

Yaŋ 89:52

Pakin Yennu man ki saa tuu yoo nba kaa gbennu. Lii tee nna.

Aisaya 50:6

N jii n bɔɔnne ki chab binba boon na. N ki gɔɔrib, yoo nba ki bi sukiin, ki ŋabii n tiaŋ, ki sat mɔsant n numm po na.

Aisaya 53:3

Ti din yisimɔe ki yêtɔ, ki u gubin gaar biak nan tont, sɔɔ din ki loon wun gotɔ. Ki ti yêtɔ, ki li naan nan u ki tee siar na.

Aisaya 53:4

“Ŋaan u din gubin gaar biak nba bo sii tee ti yare, nan tont nba ki ti bo saa di. Li kura na, ŋaan ki ti bia dukii nan u biak na tee tubdatue ki nyii Yennu boor.

Jeremaya 15:15

Ŋanne ki n pak a, “Yennu, a mɔk bannu. Tiat n po ki sommin. Datir binba tun bonbiir ki turin na tuba. Daa mantik mɔk sukuru namm, ki bi saa la yaak ki kpin. Tiat nan a paake ki bi sukiin.

Matiu 26:56

Ŋaan linba na kur tun a lin gbeen Yennu sɔkiniinba nba din sɔb linba Yennu gbouŋ ni nae.” Li yoo ki u poorpoweiteeb na kur chiar ŋaan nyikɔ.

Jɔɔnn 1:11

Waa din baar tingbouŋ na ni, u din be u tiɔŋ niib Juu teeb nie, ŋaan bi lek din ki gaarɔ.

Jɔɔnn 7:5

U waarii na lek daa din ki teenɔ yada; li paak ki bi pakɔ nna maŋ.

1 Samuel 17:28

Yoo nba ki Defid yɔɔrkper Eliab gbat ki Defid piak nan jab na, ki u wutoor doo Defid paak, ki u yet a, “A tuun bee nna na? Ŋmee gorii a pei nba be kunkoouk paak na? A tee dont-n-mɔŋ daanɔe, ki bia mɔk buksin. Li paak ki a baar a tan barii tɔb na.”