Yaŋ 67:4 - Yennu Gbouŋ Mɔɔr

⁴ Ŋaant ki digbana teeb-ii mɔk parpeenn ki yin yanii nan kpinkpammuk, kimaan a bu niib buut nan barmɔnii, ki bia ŋmakitir digbana kur tingbouŋ na paak.

Yaŋ 67:4 Iomraidhean Croise

Pinpiik 18:25

A kan sak biir niŋamm nan nibiit kur yommi. Li paar nan ki a tun nna. A kan teen nna. Li-i tee ki a teen nna, niŋamm nan nibiit na kur saa di biak yomme. Li paaka. Tingbouŋ na kur barbuurɔ tee wuu tuun bona fanue.”

Yaŋ 2:8

Boimin ki man tura digbana na kur, tingbouŋ na kur sii tee a yare.

Yaŋ 82:6

Ki min Yennu yet a, ‘I tee barbuurae, i kur tee Yennu waase,’

Yaŋ 9:8

U dia tingbouŋ na nan popeenne, ki bu niib buut nan li sɔnu.

Yaŋ 96:10

Pakin ki tur digbana kur a, “Yennu-e tee kpanbar. Tingbouŋ na see-e kenken ki kan ban nyat; u saa jii mamɔmme ki bu niib buut.”

Yaŋ 98:9

kimaan u baate a wun bu niib buut. U saa dia durinya na nan mamɔmm nan ŋante.

Aisaya 54:1

Jerusalem, a tee nan poo nba ki mar nae, ŋaan mɔtana a saa fit yin yaŋ kii hoot nan kpinkpammuk. Mɔtana a sii mɔk waas bonchiann ki gar poo nba ki u sɔrɔ ki ban nyikɔ.

Aisaya 55:4

N teenɔ digbana tɔɔndaanɔe nan ŋmakit-tɔɔ, ki u paake ki n wannib n paŋ.

Aisaya 60:6

Laagumiinba saa jii jika ki nyi Midiann nan Efa ki baar a boor. Bi saa nyi Sieba ki baar nan salima nan bonnunubit. Niib saa pak barŋanii ki jiin linba Yennu tun na po.

Toona 17:31

kimaan ŋɔɔ Yennu poŋ senn daar nba ki u saa bu tingbouŋ na ŋaateeb kur buut chib chiba. U saa te ki wunba ki u gannɔ nae n bu buut maŋ. Waa set fiinɔ kuun ni na, ki li tee nyinn ki tur sɔɔ kur a ŋɔɔe sii tee barbuurɔ.”

Rom Teeb 2:5

Ŋaan a par wakii, ki a lek ki sak nan fan nyik toonbiit tumu, li paak, a pukii a mɔŋ tubdatu nba ki a tan saa la, daar nba ki Yennu wutoor saa nyi paanu, ki u saa bu niib buut nan barmɔnii nae;

Galasia teeb 4:27

kimaan li sɔb Yennu gbouŋ ni a: “Yimm pookanmata, ii mɔk parpeenn! Yimm nba ki mi matyiaru tonu na, ii yiin parpeenn yanii man! Kimaan poo nba be u kuukɔɔ tan sii mɔk waas bonchiann ki gar poo nba sɔrɔ daa ki mi gɔrin ki nyikɔ.”

Sennu 32:43

“Digbana teeb, ii dont Yennu niib, Yennu saa dat binba kpib na kur tuba. U tuu dat u datai tubae, ŋaan nyik chab u niib bi biit.”