Yaŋ 53:3 - Yennu Gbouŋ Mɔɔr

³ ŋaan bi kur ŋmante ki tuun toonbiit, ki bi sɔɔ kaa ki tuun linba ŋan, nan yenɔkɔɔwa gbaa.

Yaŋ 53:3 Iomraidhean Croise

2 Samuel 20:2

Li paake ki Israel jab na ji din yêt Defid weiu, ŋaan wei Seba. Juda jab na ŋarin din sak ki biar waa Defid-e, laa nyii Jɔɔdann mɔkir ki tan tuu Jerusalem.

JOB labaar 15:16

Ki nisaarik nyu toonbiit nan li tee nyun na. Nn, nisaarik tee ŋmabir daanɔe, nisaarik ki mɔk nyɔɔti.

Yaŋ 14:3

Ŋaan bi kur tun ki kpeta; bi kur tee nibiite, jinjan-youŋ. Sɔɔ kaa ki tuun linba ŋan, nan yenɔkɔɔwa.

Aisaya 53:6

Ti kur din tee nan pei nba tuu bot nae, ki sɔɔ kur tɔk u sɔnu. Ŋaan ki Yennu te ki ti tubdatu na baa u paak, tubdatu nba bo kpaa ti kur na.

Aisaya 64:6

Ti kur na tee biit damme, ti toonŋana kur gbaa tee jakinte yoo kur. Ti biit te ki ti tee nan tituut nba tuu koor ki wouŋ n pebirir nae.

Esekiel 36:25

N saa mɔɔn nyunŋanin i paak, ki wuur nyinni pata, nan linba kur kɔɔni jakint ni.

Sefania 1:6

N saa biir binba yêt ki ji ki waan, ki bia ki baat n boor ki boi a man ŋmakitib na.”

Rom Teeb 3:12

Sɔɔ kur kpet sɔnuwa, sɔɔ kur tuun biite; sɔɔ kaa ki tuun toonŋana, sɔɔ kaa, nan yenɔkɔɔwa gbaa;

2 Korint teeb 7:1

N naa walonkai, Yennu nba senn mɔsona ki turit na paak, yi ŋaan ki ti nyik linba kur tee toonbiit, nan linba kur tee dudukbiit, ŋaan kii tiin Yennu, kii tee popeendamm nan barmɔnii.

1 Jɔɔnn 2:29

I mi nan Yiisa Masia tee popeendaanɔe; li paak, i mun bann nan binba kur tuun popeenn toona, bi mun tee Yennu waase.

3 Jɔɔnn 1:11

N yɔɔk, daa tokii sɔɔ toonbiiti, ŋaan kii tuun linba ŋan. Wunba tuun bonŋann, u tee Yennu yɔɔe; ŋaan wunba tuun toonbiit, u ki bann Yennu.

Fiitu 22:11

ki wunba tuu tuun toonbiit, wun biar kii tuun nna, a ki wunba mun tuu tuun jakint toonn, wun biar kii tuun nna; ki wunba tuu tuun toonŋana, wun mun biar kii tuun nna, ki wunba tuu tee popeendaanɔ, wun mun biar kii tee nna.