3 N bann nan n be yanbɔmm nan biit nie yoo kur.
Ki u saa yet niwor ni a, “N tun yanbɔmma. N ki tun linba ŋani, ŋaan ki Yennu tinnin.
Ki n ji kat n yanbɔmm ki wanna, n ki bɔr n toonbiiti. N dukin ki kat n yanbɔmme ki tur fin Yennu, ki a nyik chabin.
Ki n pak ki kat n yanbɔmm, ki n biit maŋ daamiin.
Fara bonchiann lintima, li yab ki kaa kann. N yanbɔmm kɔɔnin fara niwa, ki n ji ki laat, li yab ki gar yut nba be n yur paaka, li te ki n ji ki mɔk parcheenn.
N datai yeen linba ki ŋane ki teenin. Bi loon man kpoe ki bin tamm n po.
Fi-i yiab a fan dɔkin a biit, a kan ban la nyannu. Katir a biit, ki nyik li tumu, ki Yennu n tina ninbaauk.
Ŋaan mine bia tee Yennu nba nyikin i biit ki chabiti; n tuun linba na, kimaan maa tee wunba na paake. N kan biiri, i biit paaki.
“Yennu, biit nba ki ti tun biira na yabita. Ti biit na wantit nan ti biira. Ki ti mi ti biit maŋ kur po fanu.
Li tee tin dɔɔr ti fei nie, ki ti fei maŋ n piinit. Timm nan ti yeejamm yɔɔ tuun ki biir ti Yomdaanɔ Yennu-e. Ti ki ban sak u sennii.”
