Yaŋ 5:7 - Yennu Gbouŋ Mɔɔr

⁷ Ŋaan a yaa lonchiɔŋ paak ki n fit baat a boor. N fit jiantira, a kasii ŋasaakak ni, ki bia gbaant a tɔɔnn ki teena baakir.

Yaŋ 5:7 Iomraidhean Croise

1 Kpanbara 8:35

“Li-i tee ki a niib tun ki biira, ki a soor saak, ki bi nyik bi yanbɔmm ki set tor ŋasaakak na ki miara nan sikin-n-mɔŋ,

1 Kpanbara 8:38

fan gbiint bi miaru. Li-i tee ki a niib Israel teeb yenɔ dudukit daamiiɔ, ki u be parbiir ni, ki bi tant bi nii jiantu ŋasaakak na po ki miara,

Yaŋ 101:7

Kpinkpannii damm kan kɔɔ n ŋaak ni; daanɔ nba fa faak kan set n boor.

Yaŋ 130:4

Ŋaan a nyikin chabit ti biite a tin tura baakir.

Yaŋ 132:7

ki ti yet a, “Ŋaant ki tin saan Yennu ŋasaakak ni; ŋaant ti jiantɔ, u naangbouŋ boor.”

Yaŋ 138:2

N gbaan ki took a kasii ŋasaakak na, ki dont a sann, kimaan a lomm nba kaa gbennu, nan a mamɔmm na paak, kimaan a wann nan a sann nan a sennii mɔk yiikoo ki gar bont kur.

Yaŋ 28:2

Gbiintir ki turin, yoo nba ki n fabin ki loon sommir, yoo nba ki n donn n nii ki jiin a kasii ŋasaakak po.

Yaŋ 34:17

Niŋamm na tuu fabine ki tur Yennu, ki wun gbat ki nyintib bi daamii ni.

Yaŋ 51:1

Yennu, tinimin ninbaauk, kimaan a lomm nba yɔɔ be na paak. A wuur n yanbɔmm nan biit kur, kimaan a ninbatinchiɔŋ na paak.

Yaŋ 52:8

Min ŋarin tee nan kpan tiik nae, ki see Yennu ŋasaakak ni. N yada yɔɔ be u lomm nba be mɔkmɔk nan mɔkmɔk na nie.

Yaŋ 55:16

Ki n yiin n Yomdaanɔ Yennu ki boi sommir po, ki u saa tinnin.

Yaŋ 69:13

N Yomdaanɔ Yennu, min ŋarin saa miarawa. A turin gatu yoo nba ki a loon; gatir ki turin kimaan a lomm paak, nan faa gbeent a mɔsonn ki tint niib na paak.

Yaŋ 69:16

Yennu, jiin a lomm nba ki gbent na ki turin gatu; jiin a ninbatinchiɔŋ na ki ŋmant n paak.

Barjokit 6:16

Bona ŋanlore nba nae ki Yennu ki loon, ki kan mi saki. Ŋanne tee: garuk ningorsin, nan jerinn nba mɔk faak, nan nii nba kpi niib nba ki mɔk biiti, nan par nba lorin bonbiir, nan taa nba somm yian yian ki tuun toonbiit, nan siaradaanɔ nba fa faak yoo kur, nan daanɔ nba mɔk tukina u leeb sinsuuk ni.

Aisaya 55:7

Nitont n nyik binbeŋ nba ki bi be na, ki bia lebit dudukit nba ki bi dukii na. Ŋaant ki bin jen ti Yomdaanɔ Yennu boor. U mɔk ninbatinu, ki nyik chabit yian yian.

Aisaya 64:11

ki ti jiantu ŋasaakak, kasii nan fant boor nba ki ti yeejamm din dontira na, dii muu ki biira. Taa tuu loon boa nba na kur ji tee langbente.

Daniel 6:10

Yoo nba ki Daniel gbat nan bi senn sennu na na, ki u fiir kun ŋaak ni. U din tan doo u ŋaak ditɔɔtii paak, ki gbaan, takoru nba loot ki tor Jerusalem po na boor, ki mei Yennu nan waa tuu mei biaŋinba na, taar muntaa daar nɔɔk ni.

Hosea 3:5

Ŋaan yoo baat ki Israel teeb tan saa tunn jen bi Yomdaanɔ Yennu nan kpanbar Defid yaaboonn na boor, ki bi sii jiantir Yennu, ki gaar u piinŋanii.

Toona 9:31

Ŋanne ki Yiisaweira nba be Judea nan Galilii nan Samaria na ji ki laat mukisuk, ki ŋammit tumii ti Yomdaanɔ barii, ki tee yentinna, ki Yennu Seyeeŋ be namm ki kɔɔntib para, ki bi pukii.

Hiibru teeb 4:16

Li paak, ŋaant man ki tii mɔk parcheenn ki baar Yennu nba tee burchindaanɔ na naangbouŋ boor, ki la ninbatinu nan sommir ki lin sommit yoo nba ki ti loonir.

Joosua 24:15

Li-i tee ki i ki loon yin jiantɔ, yin dukin dinna yaa sii jiantir wunba, laa tee yenbis nba ki i yeejamm din jiantir Mesopotamia naie, koo Amor teeb nba ki i kar bi tiŋ ni na yenbisie, ŋaan min nan n ŋaateeb ŋarin sii jiantir Yennu-e.”