Yaŋ 5:6 - Yennu Gbouŋ Mɔɔr

⁶ A tuu biir faak damm nae, ki bia yisin kpikpiruk nan kpinkpannii damm.

Yaŋ 5:6 Iomraidhean Croise

Pinpiik 34:14

Bi din yetib a, “Ti kan chab ti niipoo ki wun kun jɔɔ nba ki u punn ki poti. Li sii tee feie ki turit.

2 Samuel 16:8

Yennu-e jiint ki paa-a sɔn nba ki a nyinn Sɔɔl ŋaak ni na, ki bia fat Sɔɔl naan yent ki dia na paak. Yennu jii naan yent maŋ ki tur a bija Absalom-a, u liatawa, kimaan a tee nikpiiruko.”

2 Samuel 20:1

Kpikpiruk daanɔ nnae din be Gilgal, ki u sann tee Seba, ki tee Bikri bija, ki nyii Benjaminn naakuuk ni. U din peb naatunn ki yiin Israel jab ki yet a, “Defid ki tee ti yɔɔ. Ti kan weiɔ. Ŋaant ki tin kun man.”

Yaŋ 11:5

U bikii niŋamm nan biitdamm kure. U ki loon tubkangbata damm na.

Yaŋ 4:2

Yimm niib na, taar munŋaae ki i sii dintin fei? Taar munŋaae ki i sii loon linba kaa nyɔɔti, ki bia waa linba ki tee barmɔnii?

Yaŋ 43:1

Yennu, want nan n ki mɔk biiti, ki bu nyinnin binba ki jiantira na ni, a fatin ki min nyi fai damm nan nibiit na ni.

Yaŋ 55:23

Yennu, fine saa sikin nikpiirit nan fai damm na bi kaat ni; a kan te ki bii be ki baar bi manfoor bonjinni. Min ŋarin, fine ki n teena yada.

Aisaya 26:21

Yennu nyii u binbeboor Yendɔuŋ ni ki baat, a wun dat tingbouŋ na niib tuba, bi biit paak. Baa bɔr ki kpii niib nba na kur maan saa nyi paanu, ki tiŋ ji kan bɔr niib nba ki bi kpiib maŋi.

Rom Teeb 1:29

Ki biit kur be bi ni, ki bi gbee nan biit nan nianchiɔŋ nan yanbɔmm nan funfunbiit nan nikpinu nan kunkɔna nan fai nan dudukbiit, ki bia tee sanjaanjanna;

Fiitu 21:8

Ŋaan jaŋmaandamm, nan binba ki teen Yiisa yada, nan bonbilankant damm, nan nikpiirit, nan bonchonchona, nan jabaabuura, nan patjiant-teeb, nan fai damm kur, bi binbeboor tee bootsunsuŋ nba ki muu nan sarwuuta di na nie; ŋanne tee kuun munlee na.”

Fiitu 22:15

Ki bonbilankant damm, nan jabaabuura, nan bonchonchona, nan nikpiirit, nan patjiant-teeb, nan binba tee fai damm bi mɔmaan ni nan bi toona ni na, bi kur tan sii be doo maŋ nanyer poe.