Yaŋ 48:2 - Yennu Gbouŋ Mɔɔr

² Sayɔnn tee Yennu kunkonne, li fɔk ki bia ŋan; kpanbar jaann nba tee Yennu na, u dooe tee durinya kur parpeenn boor.

Yaŋ 48:2 Iomraidhean Croise

Yaŋ 135:21

Pakin Yennu, Sayɔnn kunkonn paak, pakin ŋɔɔ nba be Jerusalem na. Pakin Yennu man.

Yaŋ 50:2

Yabint Yennu yentu nyi Sayɔnn doo nba fan na ni.

Yaŋ 76:2

ki u ŋaak be Jerusalem, ki u binbeboor tee Sayɔnn kunkonn paak.

Yaŋ 87:3

Yennu doo, gbiintir bonŋana nba ki bi piak ki jiint a po na.

Yaŋ 99:9

Ii dont ti Yomdaanɔ Yennu man, ki jiantɔ, u kasii kunkonn na paak, kimaan ti Yomdaanɔ Yennu tee kasiie.

Aisaya 14:13

A din dukii fan do sanpaapoe, ki saa maa a naan binbintir ŋmaabira paapo. A dukin nan a saa kar nan kpanbar nae, jɔjaann nba be gaŋ po, ki yenbis tikii na paak.

Aisaya 2:2

Daa baate ki kunkonn nba ki Yenjiantu ŋasaakak tɔɔ li paak na tan sii fɔk gar kunkona kur, ki be sanpaapo ki gar jɔjaana kur. Digbana bonchiann saa tut baar leŋ.

Aisaya 60:14

Binba dinta biak na yaaboona tan saa baar ki gbaan a tɔɔnn ki tura baakir, ki binba yisima na kur tan saa gbaan ki jianta, ki saa yiina a, ‘Yennu doo,’ ki bia sii yiia ‘Sayɔnn nba tee Israel teeb kasii Yennu doo.’

Aisaya 66:10

Ii taan Jerusalem po kii kpamm, kii mɔk parmaasir u paak, yimm nba kur loon doo na na. Yimm nba kur tuu mɔ u paak na, ii taan u po kii kpamm mɔtana man.

Jeremaya 3:19

Ki Yennu yet a, “Israel digbann, n loon man gaara nan n bija nae, ki tura durinya na ni tiŋ nba ŋan bonchiann. N loon fan yiinin baae, ki ji daa ŋmantir poor ki teenin.

Fabinii 2:15

Ki niib nba gaar fin Jerusalem boor na yisima. Bi pakin yura, ki laa a biiru na paak, ki yeen a, “Digbanŋann nae na-a? Doo nba ki tingbouŋ na tuu dontir u mɔŋ li paak nae na-a?”

Esekiel 20:6

N por nan n saa fatib ki nyinnib Ijipt tiŋ ni, ki saan namm tiŋ nba ki n gann maa n turib na ni. Tiŋ na din ŋan, ki mɔk siat nan naabiin, ki tee tinkpiasir ki gar tinii kur.

Daniel 11:16

Ki Siria kpanbar maŋ saa teemm waa loon biaŋinba, ki sɔɔ kaa ki saa gɔɔrɔ. U saa set kasii tiŋ na ni, ki li kur sii be u yiikoo ni.

Daniel 11:45

U lek saa chaan u naan lanbonjaana na mɔkgbeŋir nan kunkonn nba Yennu ŋasaakak be li paak na sinsuuk ni, ŋaan u lek tan saa kpoe, ki sɔɔ kii be u boor ki sommɔ.”

Daniel 8:9

Yina ŋanna na ni, ki yinleer put yenn paak, ki piin tee bonbik, ki u paŋ tan yabit, ki saa tuu niigaŋ po nan yondo po nan tinŋaŋ na po.

Malakai 1:14

Mɔtont be daansɔɔ nba senn mɔsonn a wun tur min Yennu pejak nba ŋan, ŋaan ji tan lebit ki jii wunba mɔk daŋ ki mann maruŋ ki turin na paak. Kimaan n tee kpanbarjaanne, ki nibooru kur teenin baakir bonchiann.”

Malakai 3:12

Ki digbana kur niib saa yiini parpeenn damm, kimaan i tiŋ na tan sii tee siaminba ŋan nan kɔɔnue.”

Matiu 5:35

daa yeen a ‘N por tingbouŋ,’ kimaan li tee Yennu taaŋmaatire; a bia daa yeen a ‘N por Jerusalem-i,’ kimaan li tee Yabint Yennu dooe;

Hiibru teeb 12:22

Ŋaan yimm ŋarin baar kunkonn nba sann tee Sayɔnn, linba tee manfodaanɔ Yennu doo, ki tee Yendɔuŋ ni Jerusalem, siaminba ki malakanba tusaa tusaa lakin nan parpeenn nae.