Yaŋ 4:3 - Yennu Gbouŋ Mɔɔr

³ Bant nan Yennu gann niŋamm nae ki teemm u yab. U gbiintir n fabinii, yoo nba ki n yiinɔ.

Yaŋ 4:3 Iomraidhean Croise

Yaŋ 31:23

Ii loon Yennu man, yimm nba tee u niib na. Yennu maŋe guu niŋamm, ŋaan daar karinbaandamm tuba nan laa kpaab biaŋinba na.

Yaŋ 34:15

Yennu ninbina gorii niŋamm nae, ki u tuba bia gbiin bi fabinii.

Yaŋ 49:3

N dudukit be paanu ni, ki n saa pak yanfoon maan.

Yaŋ 50:5

U yet a, “Taant niib nba ŋamm bi mɔŋ na ki turin, binba mann maruŋ ki senn mɔsonn nanin.”

Yaŋ 56:9

Daar nba ki n saa boia sommir po na, n datai saa baae. Ŋanne ki n saa bann nan fin Yennu taa n po.

Yaŋ 6:8

Seetir n boor ni man, yimm biit damm na, kimaan Yennu gbia n mɔŋ.

Yaŋ 62:10

A daa tee yada a fatuk ni, a bia daa mɔk japaat nanyuk bona paaki. A mɔkint-i lekii pukin biaŋinba, ŋaan a daa maa li paaki.

Nyinu 33:16

Li-i tee ki a ki tɔk saan nanti, nlee ki sɔɔ saa bann nan a par mei min nan a niib paaki? A benu nante saa te ki tii mɔk bɔkitu nan durinya ni teeb nba biar na.”

Jɔɔnn 15:16

Yimm kaa gannimi, ŋaan mine ganni, ki turi toona maa yii saa kii loon lɔɔna bonchiann, lɔɔna nba sii be mɔkmɔk nan mɔkmɔk, a n Baa Yennu n turi linba kur ki i miarɔ n sann ni.

Efesus teeb 2:10

Yiisa Masia nie ki Yennu teent taa tee binba, ki turit toonŋana tumu binbeŋ, a tii tuun linba ki u din poŋ lor a ti tun na.

2 Timoti 2:19

ŋaan Yennu mɔmaan na ŋarin see-e chib nan fiakir nba kan mi damm na; ki mɔbona nba sɔb li paak tee nnae a: “Ti Yomdaanɔ mi binba tee u yab.” Li bia sɔb a, “Wunba kur yet a u tee ti Yomdaanɔ yɔɔe, li kpaa talas ki wun nyik toonbiit tumu.”

Taitus 2:14

ŋɔɔe din gaar ti paak ki kpo, a wun nyinnit biit kur daabisin ni, ki te ki ti tee popeendamm nba tee u kuukɔɔ yab, ki tee niib nba numm mɔn nan toonŋana tumu.

1 Piita 2:9

Ŋaan yimm ŋarin tee Yennu nigannkabe, ki bia tee u naan ni niib nba jiantirɔ, ki bia tee nibooru nba tee popeendamm, ki bia tee u tiɔŋ niib, ki yii mɔɔntir ŋɔɔ nba nyinni bunbɔnn ni, ki baar nani u bakitnauŋ yentu ni na burchintuk po.

2 Piita 2:9

Ti Yomdaanɔ Yennu mi biaŋinba ki u saa fat niib nba tiinɔ, ki nyinnib mukisuk ni, ŋaan dat biitdamm tuba mɔkmɔk nan daar nba ki u tan saa bu bi buut.