Yaŋ 32:3 - Yennu Gbouŋ Mɔɔr

³ Yoo nba ki n bo ki kat n yanbɔmm ki wann na, n gbanant bo baŋ ki chɔke, kimaan mɔnii nba ki n mɔ daa kur na paak.

Yaŋ 32:3 Iomraidhean Croise

2 Samuel 11:27

Kuun fabinii nba gbenn yoo nba, ki Defid te ki bi baar nanɔ u ŋaak ni, ki u jiiu teenɔ u ŋaapoo, ki Baf-seba mar bonjak. Ŋaan Yennu par din ki penn Defid nba tun linba na paaki.

JOB labaar 3:24

Maa sii di jeet na, ki n be mɔnii paak, ki kan fit nyik kukura.

JOB labaar 30:17

ki n kpaba chɔɔn nyiɔk kur, ki n gbanant nba junt nan tont na ki maakit.

JOB labaar 30:30

Ki n gbanant bɔnn, ki di muu nan gbanantouŋ.

Yaŋ 22:1

Yennu, Yennu, bee ki a nyikimi? Ki n mɔ fabin ki loon a sommir, ki a ki turin sommiri.

Yaŋ 38:3

Ki a wutoor paak, ki laafia ji kaa n gbanant ni, ki n kpaba ji ki mɔk paŋ, kimaan n yanbɔmm paak.

Yaŋ 38:8

Ki n baŋ, ki ki mɔk paŋ nan waama, ki n par biir, ki n fabin nan tont.

Yaŋ 51:8

Ŋaant ki man gbat parpeenn nan parmaasir fuur, faa lek kɔnn n kpabawa na, ŋaan n bia sii mɔk parpeenn.

Yaŋ 6:2

Yennu, ii mɔk ninbatinu n paak, kimaan n ki mɔk paŋi. Turimin paŋ, kimaan n bak bonchiann,

Barjokit 17:22

Fi-i mɔk parpeenn, li teena laafiae. Fi-i mɔk parbiir yoo kur, li jiŋit a manfoore.

Barjokit 28:13

Fi-i yiab a fan dɔkin a biit, a kan ban la nyannu. Katir a biit, ki nyik li tumu, ki Yennu n tina ninbaauk.

Aisaya 51:20

Sɔngɔnt boor kur, gbananchɔkinte tuu te ki a niib n baa, bi tee nan waarɔ baruk nba tuu soor piarɔ nae. Yennu wutoor paŋ na gbatiba.

Aisaya 57:17

N bo donn wutoor bi paak, kimaan bi biit nan bi jawuuk paak, ki n dat bi tuba ki nyɔr nyikib. Ŋaan ki bi tee tubkangbata, ki tukin saa bi tiɔŋ sɔnu.

Aisaya 59:11

Ti be yanputuk nan mukir nie, ki daan a Yennu n nyinnit mukir nan biak ni, ŋaan siar ki tuumi.

Fabinii 1:3

Juda teeb na tee yommii nba ki mɔk sommire, ki bi ber nyinnib bi ŋei ni. Ki bi ji kɔɔ siab tinii ni, ki ki mɔk siaminba ki bi saa yet a li tee bi yari. Ki bi datai na lintib, ki bi ki mɔk sɔnu nba saa chiar paaki.

Fabinii 3:4

ki tan te ki n gbanant tee fiat fiat, ki bia kɔnn n kpaba.

Fabinii 3:8

Ki n yikin sanpaapo ki loon sommir, ŋaan ki Yennu yêt wun gbiint.

Hosea 7:14

Bi ki mein nan bi para kuri, ŋaan baa birin tiŋ ni, ki hoot nan binba ki waan na nba tuun biaŋinba na. Ki li-i tee ki bi miarin jeet nan tilɔɔna daan yoo nba, bi tuu ŋma bi mɔŋe nan tingbann mannteeb nba tuu tee biaŋinba na. Bi tee tubkangbatae.

1 Samuel 31:13

ki jii bi kpaba ki pii naantiik nyakir, ki li see doo na ni, ŋaan lor mɔi daaŋanlore.