Yaŋ 3:8 - Yennu Gbouŋ Mɔɔr

⁸ Nyannu nyi Yennu boor nie. Wun teen piisin u niib paak.

Yaŋ 3:8 Iomraidhean Croise

2 Samuel 23:12

ŋaan ki Sama set kpaab maŋ ni ki kɔn nan Filistia jab ki kpiib. Yennu din tur nyannjaann li daar.

Yaŋ 119:94

N tee a yɔɔe, tintin; n koore maa mii saak a sennii.

Yaŋ 29:11

Yennu jikit paŋ ki teen u niib; Yennu tee piisin u niib paak, ki teemm parmaasir.

Yaŋ 31:16

Ŋaant ki a ŋant-ii be min, a toontunnɔ paak. A jii a lomm nba be yoo kur na ki tinnin.

Yaŋ 58:7

Ŋaant ki bin bot nan nyun nba tuu fɔɔr na; bi-i dat bi tɔrbana yoo nba, fan ŋaan ki bi peenii na n gbitik.

Yaŋ 72:17

ki daa te bi tammit kpanbar na sann po; ki te ki u sann n wei nan yonnu na; ki digbana kur n boi Yennu ki wun teen piisin bi paak nan waa teen kpanbar na paak biaŋinba na.

Yaŋ 9:20

Ŋaant ki bin tin jaŋmaanii. Ŋaant ki bin bann nan bi tee niibe ki tan saa kpowa.

Barjokit 21:31

A saa fit lon taanii ki teen siir a fan took tɔb, ŋaan Yennu-e teen nyannu.

Aisaya 43:11

“Min kuukɔɔe tee Yennu, min kɔɔe saa fit tinni.

Jeremaya 3:23

Ti ki la sommir ti kunkona paak tingbana jiantii ni. Timm Israel teeb sommir nyi ti Yomdaanɔ Yennu kuukɔɔ boore.

Hosea 13:4

Yennu ŋamm yet a, “Mine tee i Yomdaanɔ Yennu, wunba nyinni Ijipt tiŋ ni na. I ki mɔk Yensau ki pukin n po, min kuukɔɔe tee i tinntɔɔ.

Jona 2:9

Ŋaan min saa yin yaŋ ki dont fine. N saa mann maruŋ ki tura, ki bia tun linba ki n senn mɔsonn nan n saa tun na. Tinnu nyi Yennu boore.”

Nikant 10:35

Yoo nba kur ki bi din tuu liit nan Yennu mɔlor lakir na, Moses din tuu yete a, “Yennu, fiit, ki ber a datai ki yatib, ki te binba nama na n chiar.”

Toona 3:26

Li paak ki Yennu gann u Toontunnɔ Masia maŋ ki tumɔ i boor sinsinn, a wun te ki i kur n nyik i biit tumu ki la piisin maŋ.”

Toona 4:12

Ki sɔɔ sann ji kaa tingbouŋ na ni ki Yennu tur niib a bin la tinnu, see Yiisa kuukɔɔ.”

Efesus teeb 1:3

Ŋaant ki ti tur Yennu, wunba tee ti Yomdaanɔ Yiisa Masia Baa na niipoouk man, kimaan taa be Yiisa Masia ni na paak ki ŋɔɔ Yennu turit Seyeeŋ piinii kur nba be sanpaapo.

Hiibru teeb 6:14

U din yetɔ a, “Li tee barmɔniie, n set saa teen piisin a paak ki bia tura yaaboona bonchiann.”

1 Piita 3:9

I daa tuun biit ki jiint biit paaki, i bia daa sukii ki jiint wunba sukii-i, ŋaan jiinɔ a “Yennu n teen piisin a paak,” kimaan Yennu din yiini a yin gaar piisime.

Fiitu 19:1

Linba na poorpo, ki n gbat fuut Yendɔuŋ ni, ki li tee nibur pinpauk, ki bi yeen a “Haleluya, tinnu nan dontir nan paŋ tee ŋɔɔ Yennu yare;

Fiitu 7:10

“Tinnu nyi ti Yomdaanɔ Yennu nba kar naangbouŋ paak nan Pegann na boore.”