Yaŋ 3:4 - Yennu Gbouŋ Mɔɔr

⁴ N yi Yennu-e ki loon sommir, ki u be u kasii kunkonn paak, ŋaan teenin gatu.

Yaŋ 3:4 Iomraidhean Croise

Pinpiik 15:1

Linba na poorpoe ki Yennu mɔmaan baar Abram, yirintu ni. Yennu maŋ din yetɔ a, “Abram, daa tiin jaŋmaanii. N saa nyinna ninmɔnn ni, ki bia tura paab bonchiann.”

Yaŋ 119:114

Fine tee n guutɔɔ nan n fat-tɔɔ; n jii n dindann ki maa a mɔsonn paake.

Yaŋ 138:3

Mi-i yiina yoo nba, a teenin gatu, a jikit a paŋ nae ki kɔɔntin paŋ.

Yaŋ 18:3

N tuu yiin Yennu-e ki wun tinnin ki nyinnin n datai nuu ni. Pakin Yennu man.

Yaŋ 2:6

U yet a, “N kasii kunkonn Sayɔnn paake ki n dinn n kpanbar.”

Yaŋ 27:6

Ki n saa nyann n datai nba lintin na; ki u ŋasaakak niŋe ki n saa yikin nan kpinkpammuk, ki mann maruŋ, ki yin yaŋ ki dont Yennu.

Yaŋ 28:7

Yennu-e tee n guutɔɔ ki kɔn n paak. N teenɔ yada, ki u sommitin, ki n mɔk parpeenn, ki saa yin kpinkpammuk yaŋ, ki turɔ niipoouk.

Yaŋ 34:4

N miar Yennu, ki u gat ki turin, ki fat nyinnin jaŋmaanii kur ni.

Yaŋ 34:6

Ki fara damm fabin ki turɔ, ki u turib gatu ki nyinnib bi wahala kur ni.

Yaŋ 43:3

A tun a yentu nan a barmɔnii ki lin ŋmakitin, ki jiin ki jen nanin Sayɔnn, a kasii kunkonn na boor, nan a binbeboor nba ki a be na.

Yaŋ 50:15

Ii tuu yiin min Yennu yoo nba ki i la daamii, ki n saa fati, ki i sii baakitin.”

Yaŋ 62:8

N niib, teent Yennu yada yoo kur, ki betɔ i daamii kur, kimaan ŋɔɔe tee ti sindandiiuk.

Yaŋ 84:12

Yabint Yennu, parpeenn be damm nba teena yada paak.

Yaŋ 89:19

Sianyoo ki a din pak yirintu ni ki tur a barmɔnii toontunnɔ, ki yet a, “N somm kunkɔnkɔnnɔ nan paŋa, n jii naangbouŋ ki tur daanɔ nba ki n gannɔ niib na niŋa.

Yaŋ 91:15

Bi-i yiinin, n saa turib gatu; bi-i kɔɔ daamii ni, n sii be namm, ki nyinnib, ki te bin la baakir.

Yaŋ 99:9

Ii dont ti Yomdaanɔ Yennu man, ki jiantɔ, u kasii kunkonn na paak, kimaan ti Yomdaanɔ Yennu tee kasiie.

Barjokit 2:7

Yennu saa somm ki guur binba tee niŋamm ki bia tee barmɔnpakira na.

Aisaya 65:24

Bi tuu tan sii mein ki gbent na, ki n turib gatuwa.

Fabinii 3:56

Yoo nba ki n tan barima, maa fan gbiint n mɔnii na, ki a gbat,

Matiu 7:7

“Miat Yennu, ki u saa turi; lomin man, ki i saa la; kpaan gann, ki u saa loot ki turiwa,

Jeems 5:13

Sɔɔ-i be i ni ki mɔk parbiir, wun miar Yennu. Wunba mun mɔk parpeenn, wun yin yanii ki pak Yennu.