Yaŋ 16:3 - Yennu Gbouŋ Mɔɔr

³ Yennu niib nba teenɔ yada na, ŋamme be fanu. N parmaasir kur tee mii be bi boore.

Yaŋ 16:3 Iomraidhean Croise

2 Barkperii 6:41

N Yomdaanɔ Yennu, fiit mɔtana nan a mɔlor lakir nba see a paŋ taar ni na, ki kɔɔ ŋasaakak na ni, kii be leŋ mɔkmɔk nan mɔkmɔk. Teent piisin a mannteeb paak, nan toonn nba kur ki bi tuun, ki te ki a niib kur-ii mɔk parpeenn, kimaan faa ŋan ki turib na paak.

Yaŋ 101:6

N saa gann binba saak Yennu mɔb nae, ki te ki bii kɔɔ n ŋaak ni. Niŋamm na kɔɔe ki n saa sak bii tuunin.

Yaŋ 116:15

Yennu nirɔ yenɔkɔɔ-i kpo, li tuu yiar Yennu bonchiann.

Yaŋ 119:63

N yɔɔsnbae tee binba kur jiantira na, binba kur saak a sennii.

Yaŋ 122:8

N yɔɔsnba nan n nikpiimm paake te ki n yeen Jerusalem a, “Parmaasir-ii be a paak.”

Yaŋ 30:4

Binba kur waa Yennu fanu, yinin yaŋ ki dontɔ, Tiat man linba ki Kasii Daanɔ tun na, ki turɔ niipoouk.

Barjokit 12:26

Niŋanɔe tee u yɔɔk ŋmakit-tɔɔ, ŋaan sɔnu nba ki nibiit tɔk na, bi tuu tan bote.

Barjokit 13:20

Ii tɔkii nan yandamm, ki a saa la yan. Li-i tee ki a soor jatit yɔɔsi, a saa la daŋe.

Barjokit 8:31

ki mɔk parpeenn nan durinya, ki n par bia mei nan nisaarik benu.

Yankpaŋii 7:10

N yɔɔke yenin ki nianin.

Aisaya 62:4

Sɔɔ ji kan yiina, “Kaadɔuŋ,” koo ki yiin a tiŋ “Pooluukir.” A sanpaanne sii tee “Yennu par mei u paak.” Ki bi sii yi a tiŋ na, “Jakunŋant,” kimaan Yennu par mei a paak, ki u sii tee nan sɔrɔ na ki tur a tiŋ.

Malakai 3:17

Yabint Yennu yet a, “Ŋamme sii tee n niib. Buut daar, bi sii tee n mɔŋ mɔŋ yabe. Ki n saa timm ninbaauk, nan bibaa nba tuu mɔk ninbatinu u bik nba tuunɔ biaŋinba na.

Toona 9:13

Ki Ananias jiin a, “N Yomdaanɔ, niib bonchianne piak jɔɔ na po, ki jiin linba kur ki u tuun a mɔŋ niib Jerusalem.

Galasia teeb 6:10

Li paak, ti-i la yaak, tin tun linba ŋan ki tur sɔɔ kura; ŋaan mantik kii tuun kii teen binba teen Masia yada ki waau na.

Efesus teeb 1:1

Min Pɔɔl nba ki Yennu gannin a n teen Yiisa Masia toomii na foont Yiisa Masiaweira nba teenɔ yada ki be Efesus doo ni na.

Taitus 3:8

Barii na tee barmɔniie. N loon ki a jii a dudukit kur kii wantib linba na, ki binba teen Yennu yada na n jii bi yoo ki tun linba ŋan; ŋanne ŋan ki mɔk nyɔɔt ki tur sɔɔ kur.

Hiibru teeb 6:10

Yennu-e ŋan, ki kan tamm yaa tun linba ki turɔ, koo yaa loonɔ biaŋinba ki somm Masiaweira, ki bia daa sommitib na.