Yaŋ 128:3 - Yennu Gbouŋ Mɔɔr

³ A ŋaapoo sii tee nan tilontik nba lɔɔn bonchiann nae a ŋaak ni, ki a bonjai tee nan kpan tiinii na, ki lint faa di sian na.

Yaŋ 128:3 Iomraidhean Croise

Pinpiik 49:22

“Joosef tee nan bɔŋ nba tuu be nyuntonn boor nae, ki tee nan bɔnbik nba be kunkonn po na.

1 Barkperii 8:40

Ulam bonjai din tee tɔb faarae; bi din mi tɔrbantɔnu fanu. Ki u waas nan u yaaboona din yab bonchiann. Bi kur kann din tee niib kobik nan piinŋmu. Niib na kur din tee Benjaminn yaaboonae.

Yaŋ 127:3

Waas tee piiniie ki Yennu teen, bi tee piisime nan barmɔnii.

Yaŋ 127:5

Jɔɔ nba mɔk peenii maŋ booru bonchiann, parpeenn tee u yare, kimaan wuu took u datai, buut boor, ŋaan bi kan ban nyannɔ.

Yaŋ 144:12

Ŋaant ki ti bonjai nba be bi paauŋ ni na n kpaat nan bonbuburit nba kpaatir nan paŋ biaŋinba na. Ŋaant ki ti bonpoi-ii tee nan kpanbar ŋaadachaata nba be lɔtii ni ki faŋit kpanbar ŋaak biaŋinba na.

Yaŋ 52:8

Min ŋarin tee nan kpan tiik nae, ki see Yennu ŋasaakak ni. N yada yɔɔ be u lomm nba be mɔkmɔk nan mɔkmɔk na nie.

Jeremaya 11:16

N tuu yib kpan tiinii nba mɔk faate, ki gbee nan lɔɔnŋana, ŋaan fuut nba tee nan satianii na niŋe ki n saa joo li tituut muu, ki gbat li yiinii.

Esekiel 19:10

“I naa din tee nan daan tilontik nba ki bi burɔ kpengbiɔŋ nae. Nyunchiɔŋ nba be leŋ na paak, ki li te tiik na yiinii gbee nan lɔɔna.

Rom Teeb 11:24

Yimm nba ki tee Juu teeb na tee nan muuk ni tiik yiinu nae, ki Yennu kɔnnir ki tukinir nan ŋaak ni tiik na. Li ki paar ki wun jii yiinii nba ki u kɔnn ŋaak ni tiik paak na, ki bia tukin nan li mɔŋ tiiki.