Yaŋ 127:1 - Yennu Gbouŋ Mɔɔr

¹ Yennu-i kii maa ŋaak, tanmaara na bakint tee yanne; Yennu-i kii guur doo, niib nba guu na, bi guuru kaa nyɔɔt.

Yaŋ 127:1 Iomraidhean Croise

1 Kpanbara 5:12

Yennu din dia u mɔsonn na ki tur Solomonn yanfoon. Manu din be Solomonn nan Hiram sinsuuk ni; ki bi senn mɔsona ki tur leeb.

1 Barkperii 28:10

Li ŋan ki fan bann nan Yennu-e ganna, a fan maa u kasii ŋaak. Li paak, ii wakii ki maa nan parcheenn.”

1 Barkperii 28:20

Kpanbar Defid din ŋamm yet u bija Solomonn a, “Ii wakii ki chee a par. Piint toonn na kii tuun, ki daa te sɔɔ gɔi-ani, ki ti Yomdaanɔ Yennu nba ki n jiantirɔ na sii be nana. U kan nyikaani, ŋaan u sii be nana nan faa tan saa gbenn jiantu ŋasaakak na paak toona.

1 Barkperii 29:19

Turin n bija Solomonn par nba ki u sii loon wuu saak sennu nba ki a turit na nan u par kur, ki bia maa ŋasaakak nba ki n teen siir nanna.”

Yaŋ 120:1

Maa be daamii ni yoo nba, n yiin Yennu-e, ki u turin gatu.

Yaŋ 121:1

N got jɔjaana paak; n sommir saa nyi lee ki baari?

Yaŋ 122:1

Li bo maŋime yoo nba ki bi yetin a, “Ŋaant ki tin saan Yenjiantu ŋasaakak ni.”

Yaŋ 123:1

Yennu, n gorii fine, n goriia yendɔuŋ ni, siaminba ki a naangbouŋ be na.

Yaŋ 124:1

Yennu-i bonni kii taa ti po, li bo sii tee nlee? Israel teeb, turin gatu.

Yaŋ 125:1

Damm nba teen Yennu yada, li damm tee nan Sayɔnn kunkonn nba kan ban damm, koo ki nyat nae.

Yaŋ 126:1

Yennu nba din jen nant Jerusalem yoo nba na, li din naan nan damiit nae.

Yaŋ 72:1

Yennu, a wann kpanbar ki wuu bu nan a popeensin na; turimɔ a tiɔŋ barmɔnii,

Yaŋ 78:69

Leŋe ki u maa u ŋasaakak, ki li fɔk nan sanpaak na, ki te ki li yoo be nan tingbouŋ nba yoo be na.

Barjokit 16:9

A saa fit lor lora, ŋaan Yennu-e tee a ŋmakit-tɔɔ.

Banntɔɔ 9:11

N la siare ki pukin; nantatinna nba tiin bonchiann ki be tingbouŋ na ni, bi ki patin tiin ki laat nyannu; ki pardamm mun ki kɔn ki laat nyannu yoo kuri. Yandamm ki patin laat daar diitiri; ki subindamm ki patin laat mɔkint. Ki binba mi ŋmakita ki patin laat yudantuku. Yubɔnn baat sɔɔ kur paak.

Yankpaŋii 3:3

Ki nyiɔk guuteeb tan lan, yoo nba ki bi lin gɔnt doo na na. Ki n boib a, “I la n yɔɔk-ii?”

Yankpaŋii 5:7

Ki nyiɔk guura na lin doo na ni ki tan lan, ki faan ki turin daŋ; ki guura nba be doo na joonn boor na liat n gbakit foouk.

Aisaya 27:3

“N goriir fanu ki maantir nyun yoo kur. N guure yonnu nan nyiɔk, a sɔɔ daa paar daŋ.

Aisaya 56:10

U yet a, “Tɔɔndamm nba bo tee bin kpaan n niib na tee jɔɔniie. Bi ki mi siar; bi tee nan bɔmui nba ki gbekin nae, bi kpan dɔɔ damii damiit kɔɔe. Bi lon gɔɔn halii.

Aisaya 62:6

Jerusalem, n kaan guuteebe a joonjouk na paak. Yonnu nan nyiɔk kur bi ki tee saa ŋmini. Li tee bii tian Yennu u mɔsona na poe, ki daa te ki u tammiti.

Jeremaya 51:12

Turin nyinn ki bin lek Babilonn joonjot. Kɔɔnt guuteeb na para. Sent guuteeb na bi seenii ni. Laan jab muuk ni man.” Yennu tun linba ki u yet a u saa tun ki tur Babilonn niib nawa.

Jeremaya 51:31

Toomiinba ji tiine yenɔ yenɔ ki saa kumii Babilonn kpanbar na nan bi yeer u doo na lokir kur po ki kɔɔwa.

1 Korint teeb 15:14

ki Masia-i diŋi kii fiir kuun ni-ie, ŋann ŋarin ti ki mɔk labaar nba ki ti ji saa mɔɔnti; ki i mun ki mɔk linba ki i saa teen yada.

1 Korint teeb 3:7

Wunba bur nan wunba maant nyun ŋarin ki tee siari; Yennu-e tee siar, kimaan ŋɔɔe te ki li kpaatir.

Galasia teeb 4:11

ki li te ki n mɔk jijeet i paak nan maa tun linba kur turi na biar yanna.

Sennu 8:18

Ŋaan ii tiar nan i Yomdaanɔ Yennu-e teeni paŋ ki i mɔkitir. U tuun nna, kimaan u see fanu nan u mɔlor nba ki u din lor nan i yeejamm na.

Joosua 2:2

Ki Jeriko bat gbat nan Israel tesiab kɔɔ doo na ni nyiɔk, a bin fiit tiŋ na.