Yaŋ 12:2 - Yennu Gbouŋ Mɔɔr

² Bi kur fa faie ki teen bi leeb, bi dia mɔmante ki kparin bi leeb.

Yaŋ 12:2 Iomraidhean Croise

1 Barkperii 12:33

Ki Sebulunn booru ni jab tee tusaa piinŋmu, ki bi tee kunkɔnkɔnna nba teen siir nan kɔnn, ki bi tumiib, ki bi saa fit jii jatiɔk kur ki kɔn.

Yaŋ 10:7

U mɔmaan tee mɔtont nan faak nan jaŋmaankɔɔntuk kɔɔe. U kakii nan naŋ nan biit maan paku halii.

Yaŋ 116:11

Halii yoo nba ki jaŋmaanii soorin ki n yet a, “Sɔɔ kaa ki jaŋ nan bin teenɔ yada.”

Yaŋ 144:11

Nyintin n databiit nuu ni, nyintin boorganu yiikoo ni; boorganu nba ki piak barmɔnii, ŋaan fa faak kuukɔɔ nan bi mɔpora niwa na.

Yaŋ 144:8

boorganu nba ki piak barmɔnii, ŋaan fa faak kuukɔɔ nan bi mɔpora niwa na.

Yaŋ 28:3

A daa biirin ki kpab nan nɔɔnbiit damm nba tee toonbiit dammi, binba piak kunkɔmana ki teen leeb, ŋaan mɔk nɔɔn ŋmiant na.

Yaŋ 38:12

Binba loon ki bin nyinn n manfoor na pii barite ki guuntin, ki binba loon bin paanin daŋ na lorin daa kur a bin biirin.

Yaŋ 41:6

Binba baat ki foontin na tee fai damme, ki tabintin barbiit, ki tuu nyi nann ki piak sɔɔ kur.

Yaŋ 5:9

N datai nba piak linba kur ki tee barmɔnii. Ŋamm kpan loon bin biire. Bi mɔmaan kur mariie, ŋaan ki bi para gbee nan faak nan kpinkpannii.

Yaŋ 55:21

Ki u mɔb ban ki gar kpan, ŋaan ki naŋ gbee u para; ki u mɔmaan ŋarii ki gar kpan, ŋaan porii yian nan jukbanjai na.

Yaŋ 59:12

Yanbɔmm be bi para ni, ki bi mɔmaan kur tee biit. Ŋaant ki bi moindib, kimaan bi sat mɔtont ki bia fa fai.

Yaŋ 62:4

Yimme loon yin sikin u jirima, ki fa fai ki li mani, ki piak nyint piisin mɔmaan, ŋaan ki i para ni, ki i sat mɔtont ki teenɔ.

Barjokit 20:19

Sanjaanjannɔ kan ban bɔr barbɔrkai. Bɔkitir a mɔŋ nan niib nba piak maan bonchiann na.

Barjokit 20:6

Sɔɔ kur piak ki want waa mɔk lomm nan yada biaŋinbae, ŋaan a kii yabir, a kan la barmɔnii yada daanɔ.

Barjokit 29:5

Fi-i piak mɔmant ki teen a yɔɔsnba, a pii baruko ki guunt a mɔŋ.

Jeremaya 7:28

A saa pakib nan bi digbann na ki sak min nba tee bi Yomdaanɔ Yennu na mɔbi, koo ki tumii yan bi tubdatu ni. Mamɔmm kpowa. Sɔɔ poŋ ji ki piak li po.

Jeremaya 9:8

Bi jerima tee nan peenlɔbit nae, ki bi fa faak yoo kur. Sɔɔ kur piak naasinyɔɔsire u lɔɔ boor, ŋaan pii baruk ki guuntɔ.

Esekiel 12:24

“Ki Israel teeb sinsuuk ni, faak yirintu koo kpinkpannii masɔkinkara ji kii be.

Maika 7:2

Niŋanɔ ji ki biar tiŋ na paaki, sɔɔ ki be ki waa Yennu. Sɔɔ kur guue a wun la yaak ki kpi kuun. Ki sɔɔ kur pii baruk ki guunt u naa bik.

Rom Teeb 16:18

Li nibooru ki waa ti Yomdaanɔ Masia kaa, bi waa bi mɔŋ niɔŋo. Bi dia mɔmante ki kpann binba yaa dudukit ki chee na.

1 Tesalonika teeb 2:5

I mɔŋ mi fanu nan ti din ki baar i boor nan mɔmant, koo maan nba dɔkint nianchiɔŋ kaa. Yennu-e tee ti siara daanɔ.

Jeems 1:8

kimaan waa mɔk dudukit munlee-lee na.