Yaŋ 11:1 - Yennu Gbouŋ Mɔɔr

¹ N maa Yennu paake, ki u nyintin mukir ni. I tee jatite ki piak teenin a, “Yukit nan nɔɔŋ na ki do jɔjaana,

Yaŋ 11:1 Iomraidhean Croise

2 Barkperii 14:11

Ki Asa miar u Yomdaanɔ Yennu, ki yet a, “Yennu, a saa fit somm kunkɔnkɔnna nba ki mɔk paŋ ki bin kɔn nyann binba mɔk paŋ. Ti Yomdaanɔ Yennu, sommitit mɔtana, kimaan ti maa a paake, ki a sann nie ki ti nyii a tin took kunkɔnkɔnna nba yabit na. Yennu, fine tee ti Yomdaanɔ, sɔɔ kaa ki saa fit kɔn nyanna.”

2 Barkperii 16:8

Sudann teeb nan Libia teeb din mɔk kunkɔnkɔnna nan taantorit nan taanjakira bonchiann. Ŋaan yaa maa Yennu paak nae teen ki u te ki i nyannib.

Nehemaya 6:11

Ki n jiin a, “N ki tee nibooru nba tiin ki bɔri kaa. A dukin nan n sii koor a man bɔr Yenjiantu ŋasaakak na nie ki tinn n manfoori-i? N kan teen nna.”

Yaŋ 16:1

Yennu, nyintin ninbɔŋ ni; n dindann be a nie ki jiin sommir po.

Yaŋ 25:2

A nie ki n teen yada. Fatirin, ki nyinnin fei ni. A daa te ki n datai laat paŋ ki gaarimi.

Yaŋ 31:14

Yennu, fine ki n teena yada, ki yet a, “Fine tee n Yomdaanɔ.”

Yaŋ 56:11

Yennu, fine ki n teen yada, n kii tiin jaŋmaanii. Nisaarik saa fit teenin bee?

Yaŋ 7:1

N Yomdaanɔ Yennu, n baar a boor a fii nyintin bonbiir nie; a nyinnin binba waa beerin na nuu ni.

Yaŋ 7:2

Nna-i kaa, bi saa bibin nan yanbɔr nae, ki saan nanin siaminba ki sɔɔ kaa ki saa gaarin, leŋewa ki bi saa pat n gbanant yɔni yɔni.

Yaŋ 9:10

Yennu, binba mia na saa teena yadawa, a ki yêen wunba baar a boori.

Barjokit 6:5

Nyimin baruk na ni, nan nɔɔŋ koo piarɔ nba tuu paak waarɔ biaŋinba na.

Jeremaya 48:14

“Moab jab, bee ki i want nan i tee paarib, ki tee pardamm nba ki bi bikinii tɔb ni?

Barŋanii nba ki LUK din sɔb nae na 13:31

Li yoo na ki Farisiinba siab baar Yiisa boor, ki yetɔ a, “See ki a nyii nna ki saan siar po, kimaan Herod loon wun kpiae.”

1 Samuel 19:11

Li daar nyiɔk ki Sɔɔl tun nisiab, a bin saan guur Defid ŋaak, ki won kpiu sanyiɔk ni. Ki Mikal, wunba tee Defid ŋaapoo na kumiiɔ a, “Li-i tee ki a ki yaat nyiɔk na a manfoor paaki, bi won saa kpia wonna.”

1 Samuel 20:38

A daa kpan see leŋi. Ii kakii.” Ki bik na tɔkir peenu na, ki jen nann u chanbaa boor,

1 Samuel 22:3

Defid din nyii leŋ ki saan Mispa, ki li be Moab booru yent ni, ki saan yet Moab bat a, “Chanbaa, a kan te n baa nan n naa n baar kii taŋi be a boor ni, ki saa tuu yoo nba ki n tan saa bann linba ki Yennu saa tun turimi-i?”

1 Samuel 23:14

Defid din bɔr kunkona tiŋ nie, ki li be kunkoouk nba kpia Sif na. Sɔɔl lek din koor a wun lon u boore, ŋaan Yennu din ki jii Defid ki turɔ.

1 Samuel 27:1

Defid dukin ki tur u mɔŋ a, “Sɔɔl saa kpin daa na niwa. Maa saa tun linba ki lin werikin tee man bot ki saan Filistia teeb boore, ki Sɔɔl saa nyik ki kii kpaanin Israel tiŋ ni, ki n ji saa la laafia.”